San Juan 18:1 - Koreguaje

¹ Jesús Diore sẽni pi'nisirʉmʉ chʉkʉna repaʉ neena ũcuaʉna'me eta sani Cedrón chiara'charʉ chekʉkã'kona jẽ'esinaa'me. Jẽni sani olivo sũkiñʉã pa'ichejana tĩ'asinaa'me chʉkʉna.

San Juan 18:1 Iomraidhean Croise

San Mateo 26:30

Ũcuarʉmʉ chʉkʉna Jesuna'me Dioni pojojʉ uja pi'ni Olivo aikũtina saisinaa'me.

San Mateo 26:36

Jã'aja'ñe i'ka pi'ni Jesús, chʉkʉna repaʉ neenana'me Getsemaní chiichejana sani tĩ'a ija'che i'kasi'kʉa'mʉ chʉkʉna'te: —Ichejare ñu'ijʉ cha'ajʉ̃'ʉ mʉsanʉkona, chʉ'ʉ na'a jã'achejarʉna sani Ja'kʉre sẽni pi'niñetʉ'ka —chiisi'kʉa'mʉ.

San Marcos 14:26

Ũcuarʉmʉ Jesús repaʉ neenana'me Dioni pojojʉ uja pi'ni Olivo aikũtina saniasome.

San Marcos 14:32

Ũcuarʉmʉ Jesús repaʉ neenana'me Getsemaní chiichejana sani tĩ'a ija'che i'kaasomʉ repanare: —Ichejare ñu'ijʉ cha'ajʉ̃'ʉ mʉsanʉkona, chʉ'ʉ sani Ja'kʉre sẽni pi'niñetʉ'ka —chiniasomʉ repaʉ.

San Marcos 14:42

¡Jʉna, vʉijʉ̃'ʉ; sañu! Chʉ'ʉni cu'ache cho'oa'jʉ chini chekʉnare jo'kajaʉ ranicuhamʉ —chiniasomʉ Jesús repanare.

San Juan 14:31

Ja'kʉ chʉ̃'ʉsi'e peore cho'okʉ'mʉ chʉ'ʉ, pãipi ña Ja'kʉre chʉ'ʉ chiiche'te masia'jʉ chini. Re'omʉ. Jʉna, mʉañu —chiisi'kʉa'mʉ repaʉ chʉkʉna'te repaʉ neenare.

San Juan 18:26

Jã'api phairi aire cho'oche cho'okaikʉji cãjoro tẽo vatocojñosi'kʉ majapãiʉji i'kasi'kʉa'mʉ Pedro'te. —Mʉ'ʉre olivo sũkiñʉã pa'ichejana Jesuna'me pa'ikʉni ñasi'kʉa'mʉ chʉ'ʉ —chiisi'kʉa'mʉ.

Los Hechos 21:11

Rani chʉkʉna'te kueñe tĩ'a Pablo corejakãa mini repaʉ cũ'ana'me jʉ̃jña meñe vẽe pi'ni ija'che i'kasi'kʉa'mʉ: —Ija'che kʉamʉ Dios Rekocho: “Jerusalén pa'ina judíopãi ikãa corejakãa paakʉ'te ija'che chẽa vẽe judío peonani jo'kajanaa'me” —chiisi'kʉa'mʉ Agabo.