San Juan 17:10 - Koreguaje

¹⁰ Chʉ'ʉ neenare ũcuanʉkore ja'me paakʉ'mʉ mʉ'ʉ. Chʉ'ʉ ũcuaja'che mʉ'ʉ neenare ũcuanʉkore ja'me paakʉ'mʉ. Repanapi re'oja'che pa'ijʉna ñani, “Inare Paakʉ Jesucristo peore masikʉ'mʉ”, chiijanaa'me pãi.

San Juan 17:10 Iomraidhean Croise

San Juan 10:30

Chʉ'ʉna'me Ja'kʉ ũcuate'eʉja'che pa'inaa'me chʉkʉna —chiisi'kʉa'mʉ repaʉ Jesús.

San Juan 11:4

Sa kʉarena asa i'kasi'kʉa'mʉ repaʉ. —Jũnisõa'kʉ chini ravʉ jũ'iñe cho'omaneasomʉ Dios Lázaro'te. Rupʉ Repaʉ cho'omasiche'te pãire cho'o ñora chini cho'oasomʉ. Jã'ajekʉna jũnisõsi'kʉta'ni vajʉrakʉna ña, “Dios peore masikʉ'mʉ”, chiijanaa'me pãi. Ũcuachi'a, “Dios Mamakʉ rʉa masimʉ”, chiijanaa'me repana —chiisi'kʉa'mʉ repaʉ.

San Juan 12:23

Kʉarena asa Jesús i'kaasomʉ. —Chʉ'ʉ Dios Raosi'kʉ pa'iche'te pãi jainʉko masirʉmʉ tĩ'acuhaja'mʉ. “Rʉa masiʉ'mʉ ikʉ”, chiijanaa'me pãi chʉ'ʉre.

Los Hechos 19:17

Jã'aja'ñe cho'osi'e Efeso pa'ina Jesure cuasamana judíopãina'me judío peona asa kʉkʉso, “Jesucristo rʉa masimʉ”, chiijʉ paniasome.

Gálatas 1:24

Jã'aja'ñe chʉ'ʉ cho'oche'te asajʉ reparʉmʉ Dioni, “Re'orepamʉ, Ja'kʉ”, chiijʉ paniasome repana.

Filipenses 1:20

Chʉ'ʉpi cho'oa'kʉ chini Dios jo'kasi'ere vajʉchʉma'ñe masi cho'okʉ pasa chiimʉ chʉ'ʉ, pãipi chʉ'ʉ cho'oche'te ña, chʉ'ʉpi ũcua vajʉʉ pa'itojẽ'e ũcuachi'a chuenisorujẽ'e Cristoni si'arʉmʉ pojojʉ, “Rʉa Masiʉ'mʉ mʉ'ʉ”, chiijʉ masia'jʉ chini.

Colosenses 2:9

Repaʉ Cristo pãi ca'nivʉ paasi'kʉta'ni Diojekʉ Dios pa'iche peore ũcuaja'che pa'ikʉ'mʉ.

2 Tesalonicenses 1:10

Repaʉ jo'e raiumucuse Jesús, Repaʉ'te cuasanani Repaʉ neenani pojocojñora chini re'oja'che ñoʉ raija'mʉ. Mʉsanʉkona ũcuachi'a chʉkʉna chʉ'vachʉ'o asa chẽa cuasanajejʉ Repaʉ'te ja'me pojojanaa'me reparʉmʉ.

2 Tesalonicenses 1:12

Mʉsanʉkonapi jã'aja'ñe re'oja'che pa'ito Jesús Maire Paakʉ jainʉkore pãi pojocojñoja'mʉ. Ũcuachi'a Repaʉji mai Cuasakʉji Diopi Maire Paakʉ Jesucristona'me oijʉ cho'okaijʉna mʉsanʉkonapi rʉa re'oja'che cho'o ñojʉna pojoja'mʉ Repaʉ mʉsanʉkonare.

1 San Pedro 2:9

Maita'ni Repaʉ chẽa paacojñonajejʉ Dios pãijejʉ, re'ovãjʉ pa'ijʉ, phairipãi Diore sẽekaicheja'che pãi ũcuanʉkore sẽekaijʉ pa'inaa'me. Maire chijachejaja'che cu'ache pa'isinare chẽa paamʉ Repaʉ, maipi miañeja'ñe re'oja'che pa'ijʉ Repaʉ Masiʉ pa'iche'te chekʉnani kʉajʉ paapʉ chini.