San Juan 16:21 - Koreguaje

²¹ Romio chĩipi'rani rʉarepa asikʉna oimo, reparʉmʉpi tĩ'aʉna. Jã'ata'ni repao jñaasirʉmʉ chĩiva'ʉni pojoko repao'te asisi'ejẽ'e cuasama'mo.

San Juan 16:21 Iomraidhean Croise

Gálatas 4:27

Dios chʉ'o aperʉmʉ tocha jo'kasi'e jã'are ija'che kʉamʉ: Chĩi paacu'akʉna chĩi peova'ota'ni pojoko pa'ijʉ̃'ʉ mʉ'ʉ. Chĩi paamanesi'kota'ni pojoko cuiko sojʉ̃'ʉ. Mʉ'ʉ jojojanare rʉa jainʉkore paaja'mo mʉ'ʉ. Irʉmʉ mʉʉ̃jʉ chĩi paako'te na'a rʉa jainʉkore paaja'mo mʉ'ʉ, chiimʉ.

1 Tesalonicenses 5:3

Pãi Diore cuasamana, “Re'omʉ maire; cu'ache ti'jñeñe peomʉ”, chiijʉ pojojʉ pa'itona, teana te'erʉmʉ Repaʉji rakʉna ũcuanʉkore rʉa cu'ache pa'ija'mʉ repanare, Repaʉ'te cha'ama'ñe pa'inare. Ija'che pa'ija'mʉ repanare: Romi, chĩi sʉ'inare, repanajẽ'e vesʉumucusena chĩire jñaarʉmʉ rʉa asicheji tĩ'amʉ. Jesucristo raijache cha'amanare pãi ũcuachi'a repanajẽ'e vesʉrʉmʉna rʉa cu'acheji katichejẽ'e peoche ti'jñeja'mʉ repanare pãi.