San Juan 16:20 - Koreguaje

²⁰ Ũcuachi'a chʉ'ʉre cu'ache ti'jñeʉna ña otare oijʉ sʉmava'na pa'ijanaa'me mʉsanʉkona. Chʉ'ʉre cuasamanata'ni pojojʉ pa'ijanaa'me. Mʉsanʉkona sʉmava'na pa'isinata'ni na'a pa'isirʉmʉ pojojʉ pa'ijanaa'me. Ũcuarepaa'me jã'a.

San Juan 16:20 Iomraidhean Croise

San Mateo 21:38

Jã'aja'ñe cuasa mamakʉni saoasomʉ repaʉ. Jã'ata'ni repaʉ mamakʉji sani tĩ'aʉna ña ʉche chio kuirakaina sãiñechi'a ija'che i'kaasome: “Jã'ʉ ʉche chio paakʉ mamakʉ'mʉ. Pʉka'kʉ jũnisõsirʉmʉ repaʉ paasi'e paajaʉa'mʉ jã'ʉ. Vanisõñu jã'ʉni. Maipi pʉka'kʉ jũnisõsirʉmʉ repaʉ paasi'ere paañu”, chiniasome repana.

San Mateo 5:4

’Ũcuachi'a oijʉ sʉmava'na pa'ina pãi, Diopi repana rekoñoãna chʉroʉna pojojʉ pa'ijanaa'me.

San Marcos 14:72

Repaʉ jã'aja'ñe i'katona kura jo'e chuniasomʉ. Chu'iʉna Pedro, repaʉ'te Jesús i'kasi'ere cuasaasomʉ, “Chuta'a kura ka'chañoã chu'ima'tona choteñoã, ‘Jesure ñama'kʉa'mʉ chʉ'ʉ’, chiija'mʉ mʉ'ʉ”, chiisi'ere. Jã'are cuasa Pedro rʉa oiche oniasomʉ.

San Marcos 16:10

Ñoʉna ña sani repaʉ'te ja'me ku'isinare sʉma'ñe pa'ijʉ ota oinani kʉaasomo repao.

San Lucas 22:45

Sẽni pi'ni vʉni, repaʉ neena pa'ichejana co'i ñato sʉmava'na pa'ijʉ kãni ũhijʉ paniasome repana.

San Lucas 22:62

Jã'are cuasa Pedro eta rʉa oiche oniasomʉ.

San Lucas 23:27

Simonre chẽa jo'e saijʉna chekʉna pãi jainʉko Jesús cho'jepi tuhaasome ʉmʉpãina'me romi. Tuhajʉ romi Jesure cho'ojachere cuasajʉ ota oniasome.

San Lucas 24:17

Ña vesʉjʉna repanare chʉ'o sẽniasomʉ repaʉ. —¿Ʉ̃quere mʉsanʉkona cutujʉ saiche? —chiniasomʉ Jesús repanare. Jã'aja'ñe i'kaʉna sʉmava'na canʉkaasome repana.

San Lucas 24:21

Ija'che cuasasinaa'me chʉkʉna: “Ikʉ Jesús maire Israelpãi Romapãi chẽa paacojñonare tʉa paaja'mʉ”, chini cuasajʉ pa'isinaa'me chʉkʉna. Jã'ata'ni irʉmʉ repaʉji chuenisõʉna tãsi'e choteumucujñaa'me.

San Lucas 6:21

’Ũcuachi'a chura ãucuhava'na pa'ime mʉsanʉkona. Jã'ata'ni pojojʉ pa'ijʉ̃'ʉ. Na'a pa'isirʉmʉ ãu karama'ñe paajanaa'me mʉsanʉkona. ’Ũcuachi'a chura oijʉ sʉmava'na pa'ime mʉsanʉkona. Jã'ata'ni pojojʉ pa'ijʉ̃'ʉ. Na'a pa'isirʉmʉ pojojʉ sojʉ pa'ijanaa'me mʉsanʉkona.

San Juan 16:33

Mʉsanʉkonare chʉ'ʉre cuasanajejʉna jã'are i'kamʉ chʉ'ʉ, asa re'oja'che pojojʉ paapʉ chini. Diore cuasamana mʉsanʉkonare cu'ache cho'ojanaa'me. Cu'ache cho'ocojñojanata'ni vajʉchʉma'ñe pojojʉ re'oja'che pa'ijʉ̃'ʉ mʉsanʉkona. Diore cuhenare na'a cajejaiche pa'ikʉjekʉ mʉsanʉkonare cho'okaija'mʉ chʉ'ʉ —chiisi'kʉa'mʉ repaʉ Jesús.

San Juan 16:6

Chʉ'ʉpi mʉsanʉkonani chʉ'ʉ saijachena'me mʉsanʉkonare ti'jñejañe kʉaʉna sʉma'mʉ mʉsanʉkonare.

San Juan 20:20

Chini repaʉ jʉ̃jñana'me me'jupo totasicoje ñosi'kʉa'mʉ repaʉ chʉkʉna'te. Ñokʉna ña, “Maire Paakʉ'mʉ ikʉ”, chini pojosinaa'me chʉkʉna.

Los Hechos 5:41

Etojʉna Jesús saosina judío aina chi'ivʉ'epi pojojʉ etaasome. “Dios chʉkʉna'te pojokʉ Jesús pa'iche'te kʉaa'jʉ chini jo'kasi'e rʉa re'omʉ. Jã'ajekʉna suĩ'suecojñosinata'ni rʉa pojojʉ eta saime chʉkʉna”, chini cuasaasome.

Romanos 5:11

Ũcuachi'a Jesucristoji cho'okaiʉna, Dioni cuasajʉ rʉa pojome mai. Maire Paakʉ Jesucristo jũni ro'ikaisi'ejekʉna, Diona'me re'oja'che pa'inaa'me mai.

2 Corintios 6:10

Sʉmava'naja'ñe pa'inata'ni rekoñoã si'arʉmʉ pojojʉ pa'inaa'me chʉkʉna. Chʉova'na pa'inata'ni chekʉnani cho'okaijʉna repana rekoñoã kurinaja'ñe karama'ñe re'oja'che pa'ime. Cu'amajñarʉã peonata'ni chʉkʉna rekoñoã peore paanaja'ñe pa'inaa'me chʉkʉna.

Gálatas 5:22

Jã'ata'ni Dios Rekochoji cho'okaiʉna ija'che cho'omasime mai: Pãi oiche, pojojʉ pa'iche, cavama'ñe pa'iche, pojojʉ cha'ache, re'oja'che cho'okaiche, ʉ̃sema'ñe ĩsiche, ũcuarepa cho'oche, pe'kerʉ pa'ichena'me cu'ache cho'oche jʉvomasiche. Jã'aja'ñe cho'ona re'oja'che cho'onaa'me. Jã'aja'ñe cho'oche Dios aperʉmʉ chʉ̃'ʉ jo'kasi'e te'emakarʉjẽ'e ʉ̃seche peomʉ.

1 Tesalonicenses 1:6

Dios Rekochoji cho'okaiʉna Ũcuaʉ chʉ'ore pojojʉ asa chẽa pa'ijʉ rʉa cu'ache cho'ocojñonata'ni chʉkʉna pa'iche'te ña chẽa Maire Paakʉ pa'icheja'che pa'inajejʉ re'oja'che pa'inaa'me mʉsanʉkona.

Santiago 1:2

Asarepajʉ̃'ʉ, chʉ'ʉ majapãijana. Mʉsanʉkonani pa'ivesacheji si'ache ti'jñekʉna ñani pojojʉ, “Re'omʉ chʉ'ʉre”, chiijʉ pa'ijʉ̃'ʉ,

San Judas 1:24

Dios Ũcuate'eʉji Maire Paakʉ Jesucristo cho'okaisi'ejekʉna maire vati toa sani uuche Ʉ̃sekaikʉji peore Masikʉji cho'okaiʉna Repaʉ'te cuasache ũhasõma'ñe cuasajʉ re'oja'che pa'ijʉ rʉa pojojʉ pa'ijanaa'me. Jã'ajekʉna Repaʉ'te cuasache ũhasõmaneni cu'ache peonapi Repaʉ'te re'oja'che ñokʉ'te ti'jñeñe sani re'oja'che pa'ijanaa'me mai. Dios re'oja'che pa'iʉ, Aijekʉ Pãi Ũcuanʉkore Paakʉ, peore Masiʉjekʉ chuta'a cheja peorʉmʉjẽ'e pa'iʉ irʉmʉjẽ'e pa'iʉ si'arʉmʉ pa'ikʉ'mʉ Repaʉ. Re'omʉ. Judas

El Apocalipsis 11:10

Pãi cheja pa'ina repanapi Dios chʉ'ore pa'i sʉma'ñe kʉajʉna asacuhejʉ pe'rujʉ cuhejanaa'me repanare. Jã'ajekʉna repana chuenisõsi'ere asani rʉa pojojʉ fiesta cho'ojʉ põse sãiñechi'a rupʉ ĩsijanaa'me repana.

El Apocalipsis 18:7

Ũcuachi'a, “Peore masinaa'me chʉkʉna”, chiijʉ tĩiñe cho'ojʉ rʉa põse paanaa'me repana. Jã'ajekʉna repana põse paachejanʉko cu'ache cho'ojʉ̃'ʉ repanare, chʉova'na paapʉ chini. Ija'che cuasanaa'me repana: “Chʉova'na pa'imanajejʉ pãi ũcuanʉkore chʉ̃'ʉnajejʉna cu'ache ti'jñemaneja'mʉ chʉkʉna'te”, chiinaa'me repana.