San Juan 14:9 - Koreguaje

⁹ Chikʉna i'kasi'kʉa'mʉ repaʉ. —Felipe, asarepajʉ̃'ʉ. ¿Chʉ'ʉre mʉsanʉkonare rʉa jeerʉmʉ ja'me pa'ikʉ'te chʉ'ʉ pa'iche chuta'a vesʉkʉ mʉ'ʉ? Pãi chʉ'ʉ pa'iche ñana Ja'kʉ pa'iche ũcuaja'che ñame. Jã'ata'ni, ¿je'sejekʉna mʉ'ʉ chʉ'ʉre, “Mʉja'kʉni ñojʉ̃'ʉ chʉkʉna'te”, chiikʉ?

San Juan 14:9 Iomraidhean Croise

San Marcos 9:19

Chikʉna Jesús i'kaasomʉ repaʉ'te. —Mʉsanʉkona pãi irʉmʉ cana chʉ'ʉre masi cuasama'me. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ mʉ'ʉ chĩiva'ʉre —chiniasomʉ repaʉ.

San Lucas 12:56

Cʉnaʉmʉ ñani umucuse pa'ijache cuasa i'kamasime mʉsanʉkona. Jã'ata'ni irʉmʉ pa'iche ñanata'ni mʉsanʉkonare ti'jñejañe vesʉme. “Icheja pa'iche peore masime chʉkʉna”, chiime mʉsanʉkona. Jã'ata'ni joreme —chiniasomʉ Jesús repanare.

San Juan 1:14

Jesús Dios pa'iche Kʉajaʉ pãioji jñaaona maija'iʉ pãiʉ ainee jmamakarʉ maina'me pa'isi'kʉa'mʉ repaʉ. Pãire oiʉ re'oja'che cho'okaisi'kʉa'mʉ repaʉ. Ũcuachi'a Dios pa'iche ũcuarepare kʉasi'kʉa'mʉ. Pʉka'kʉpi, repaʉ'te ũcuate'eʉ'te rʉa Masiʉ'te jo'kaʉna rʉa Masiʉ pa'iʉna ñasinaa'me chʉkʉna.

San Juan 10:30

Chʉ'ʉna'me Ja'kʉ ũcuate'eʉja'che pa'inaa'me chʉkʉna —chiisi'kʉa'mʉ repaʉ Jesús.

San Juan 12:45

Chʉ'ʉ pa'iche masina ũcuaja'che chʉ'ʉre Raosi'kʉ pa'iche masime.

San Juan 14:20

Dios Rekocho mʉsanʉkonare raiumucuse chʉ'ʉna'me Ja'kʉ ũcuate'eʉja'che pa'iche masijʉ mʉsanʉkonare chʉ'ʉ ja'me pa'ichena'me chʉ'ʉre mʉsanʉkona ja'me pa'iche masijanaa'me mʉsanʉkona repaumucuse.

San Juan 14:7

Mʉsanʉkonapi chʉ'ʉ pa'iche masini Ja'kʉ pa'iche ũcuaja'che masira'ame. Churana Ja'kʉ pa'iche masime mʉsanʉkona chʉ'ʉre ñanajejʉ —chiisi'kʉa'mʉ repaʉ.

San Juan 8:19

Chikʉna sẽesinaa'me repana repaʉ'te. —Mʉja'kʉ, ¿keechejare pa'ikʉ? —chiisinaa'me repana. Chitena i'kasi'kʉa'mʉ repaʉ. —Chʉ'ʉ pa'iche vesʉme mʉsanʉkona. Chʉ'ʉ Ja'kʉ pa'iche ũcuaja'che vesʉme. Chʉ'ʉ pa'iche masini Ja'kʉ pa'iche ũcuaja'che masira'ame mʉsanʉkona —chiisi'kʉa'mʉ repaʉ repanare.

1 Corintios 15:12

Chʉkʉna Jesucristo saosina Diopi vasoʉna Jesucristo jũni vajʉraisi'ere kʉajʉ pa'inaa'me. Jã'ata'ni mʉsanʉkona te'ena, “Pãi jũ'isina vajʉraima'ñea'me”, chiijʉasome. ¿Je'se cuasajʉ jã'aja'ñe i'kache?

Filipenses 2:6

Ija'che paniasomʉ Repaʉ: Dios Mamakʉjekʉ cʉnaʉmʉre re'oja'che pa'iʉ chʉ̃'ʉkʉta'ni chʉ̃'ʉñe jo'kaso raniasomʉ Repaʉ.

Colosenses 1:15

Repaʉ Cristo Dios Ñoma'kʉja'iʉ maire Ñosi'kʉ chareparo cakʉa'mʉ. Chekʉna vajʉva'na ũcuanʉko cho'je cho'ocojñosiva'naa'me.

Hebreos 1:3

Mamakʉji Pʉka'kʉ Dios re'oja'che pa'iche peore ñomʉ, Ũcuaʉja'iʉjekʉ. Peore Repaʉ chiiche paaʉ chini Repaʉ masicheji si'amajñarʉã chʉ̃'ʉmʉ. Mai cu'a jũni ro'ikaisirʉmʉ cʉnaʉmʉna mʉni Diore kueñe ʉjajʉ̃tʉ cakã'kona pʉʉasomʉ Repaʉ.

1 San Juan 5:20

Jesucristo, Dios Mamakʉ chejare caje pa'iʉ Pʉka'kʉ pa'iche'te che'chosi'kʉa'mʉ, pãipi Diorepaʉ pa'iche'te masia'jʉ chini. Jã'are masime mai. Dios Mamarepakʉni Jesucristo'te masi cuasanajejʉ Dios pa'ichejare ai sani pa'ijanaa'me mai.