San Juan 13:9 - Koreguaje

⁹ Jã'aja'ñe i'kaʉna i'kasi'kʉa'mʉ repaʉ. —Jã'a pa'ito, Chʉ'ʉre Paakʉ, chʉ'ʉre cũ'ana'me jʉ̃jña sĩjopʉ peore choajʉ̃'ʉ —chiisi'kʉa'mʉ.

San Juan 13:9 Iomraidhean Croise

San Mateo 27:24

Jã'aja'ñe i'kajʉ repanapi na'a rʉa pe'rujʉ i'kajʉna asa Pilato, “I'kate'ecuhamʉ chʉ'ʉ inare”, chiiʉ cuasaasomʉ. Jã'ajekʉna repana cho'oñu chiiche'te chʉ̃'ʉcuhekʉ repaʉ chʉ'o peoche'te cho'o ñokʉ jʉ̃jñare choara chini okore raa'jʉ chini chʉ̃'ʉasomʉ repaʉ. Oko rarena repana ñajʉ'te jʉ̃jñare choakʉ repanare ija'che i'kaasomʉ repaʉ: —Chʉ'ʉ ikʉre vanisõñe chʉ̃'ʉcuhekʉjekʉ chʉ'o peomʉ. Mʉsanʉkona cho'oche'me jã'a —chiniasomʉ Pilato repanare.

San Juan 13:10

Chikʉna i'kasi'kʉa'mʉ repaʉ. —Pãiʉ cucha pi'nisi'kʉ jo'e cuchache chiima'mʉ ũcuare meno peoca'nivʉ cuchasi'kʉjekʉ. Cũ'achi'a choache chiimʉ cha'o cha'casicũ'ajekʉna. Ũcuaja'che mʉsanʉkona rekoñoã cuchasinaja'ñe cu'achejẽ'e peonaa'me. Jã'ata'ni mʉsanʉkonare ja'me pa'ikʉ te'eʉ repaʉ rekocho ũcua cu'ache cuasakʉ pa'imʉ —chiisi'kʉa'mʉ repaʉ.

San Juan 13:8

Chikʉna Pedro jo'e i'kasi'kʉa'mʉ repaʉ'te. —Chʉ'ʉ cũ'a choache ʉ̃semʉ chʉ'ʉ —chiisi'kʉa'mʉ. Chikʉna Jesús i'kasi'kʉa'mʉ. —Mʉ'ʉ cũ'a choache ʉ̃seni chʉ'ʉ neekʉ pa'imaneja'mʉ mʉ'ʉ —chiisi'kʉa'mʉ.

Hebreos 10:22

Jã'ajekʉna maire Repaʉ oiʉ re'oja'che cho'okaisi'ena'me chura cho'okaichejekʉna mai rekoñoã oko re'oja'chepi tʉ'ne choasokaisirekoñoãja'ñe paajʉ, re'oja'che pa'ijʉ, Diore sẽevajʉchʉma'ñe, jachama'ñe masi cuasajʉ ũcuarepare sẽejʉ pañu.

1 San Pedro 3:21

Okochi'a pa'icheja repana jũ'ima'ñe pani etajani re'oja'che pa'isi'eja'che mai irʉmʉ cu'ache pa'iche'te jo'kasõ Jesuni cuasajʉ jovo okoro'vecojño re'oja'che pa'ime chura. Okoro'veche rupʉ ca'nivʉ pa'iche meno choachema'mʉ. Pãi re'oja'che pa'ijʉ repana Dios chiiche cho'oneeñe okoro'vecojñoñeji cho'o ñome. Jesucristo chuenisõ tãcojño vajʉraisi'ejekʉna jã'aja'ñe cho'ona Dios pa'ichejare ai sani pa'ijanaa'me.