San Juan 13:8 - Koreguaje

⁸ Chikʉna Pedro jo'e i'kasi'kʉa'mʉ repaʉ'te. —Chʉ'ʉ cũ'a choache ʉ̃semʉ chʉ'ʉ —chiisi'kʉa'mʉ. Chikʉna Jesús i'kasi'kʉa'mʉ. —Mʉ'ʉ cũ'a choache ʉ̃seni chʉ'ʉ neekʉ pa'imaneja'mʉ mʉ'ʉ —chiisi'kʉa'mʉ.

San Juan 13:8 Iomraidhean Croise

San Mateo 16:22

Jesupi jã'aja'ñe i'kaʉna asa Pedro oiʉ repaʉ'te te'eʉ'te juha sa ija'che i'kasi'kʉa'mʉ: —¡Diopi ʉ̃sekaiʉna jã'aja'ñe cho'oche ti'jñemanea'kʉ mʉ'ʉre! ¡Mʉ'ʉni jã'aja'ñe ti'jñeto cu'amʉ! —chiisi'kʉa'mʉ repaʉ.

San Mateo 21:29

Chikʉna mamakʉ i'kaasomʉ. “Saiʉama'mʉ chʉ'ʉre”, chiniasomʉ. Jã'ata'ni na'a pa'iʉ jo'e mama cuasa saniasomʉ repaʉ, pʉka'kʉni cho'oche'te cho'okasa chini.

San Mateo 26:33

Chikʉna Pedro i'kasi'kʉa'mʉ repaʉ'te. —Chekʉna ũcuanʉko mʉ'ʉre jo'kasõto chʉ'ʉta'ni mʉ'ʉre jmamakarʉjẽ'e jo'kamaneja'mʉ —chiisi'kʉa'mʉ.

San Mateo 26:35

Chikʉna Pedro jo'e i'kasi'kʉa'mʉ. —Pãipi chʉ'ʉni vanisõñu chiitojẽ'e, “Jesure ñama'kʉa'mʉ chʉ'ʉ”, chiima'ñe mʉ'ʉna'me chuenisõja'mʉ chʉ'ʉ —chiisi'kʉa'mʉ. Chikʉna asa chʉkʉna ũcuanʉko Jesús neena ũcuaja'che i'kasinaa'me.

San Juan 13:6

Choakʉ saiʉ Simón Pedro cũ'a choapi'rakʉna ija'che i'kasi'kʉa'mʉ repaʉ: —Chʉ'ʉre Paakʉ, ¿chʉ'ʉ cũ'are choaja'ʉ mʉ'ʉ? —chiisi'kʉa'mʉ.

San Juan 13:9

Jã'aja'ñe i'kaʉna i'kasi'kʉa'mʉ repaʉ. —Jã'a pa'ito, Chʉ'ʉre Paakʉ, chʉ'ʉre cũ'ana'me jʉ̃jña sĩjopʉ peore choajʉ̃'ʉ —chiisi'kʉa'mʉ.

San Juan 3:5

Chikʉna Jesús i'kaasomʉ. —Pãi ũcuanʉkore romipi jñaame. Jã'ata'ni Dios Rekochoji pãi rekoñoãre care'vakaima'to Repaʉ neena pa'icu'amʉ repanare. Ũcuarepaa'me jã'a.

Los Hechos 22:16

Jã'ajekʉna teana vʉni okorocojñojʉ̃'ʉ. Maire Paakʉ'te sẽejʉ̃'ʉ, mʉ'ʉ cu'ache cho'osi'ere tʉ'nesokaaʉ”, chiisi'kʉa'mʉ Ananías chʉ'ʉre.

1 Corintios 6:11

Aperʉmʉ mʉsanʉkona te'ena jã'aja'ñe cho'ojʉ paniasome. Jã'ata'ni Diopi mʉsanʉkonare chẽa paakʉ mʉsanʉkona cu'ache cho'osi'e tʉ'nesokaisi'kʉa'mʉ. Jã'ajekʉna chura mʉsanʉkona rekoñoã meno peomʉ Dios Rekochoji cho'okaiʉna. Chura Dios mʉsanʉkonare, cu'ache cho'omanesinare cuasacheja'che cuasamʉ, Maire Paakʉ Jesucristo cho'okaisi'ejekʉna.

Efesios 5:26

Mai Repaʉ chʉ'ore asa chẽa Repaʉni jovorena mai cu'are tʉnosokakʉna rekoñoã re'ojarekoñoã paaa'jʉ chini maini jũni ro'ikaisi'kʉa'mʉ Repaʉ, maini paara chini.

Colosenses 2:18

Angeleva'nare pojonapi ke'renare jachajʉ̃'ʉ. Repana rekoñoã, “Rʉa masiʉ'mʉ chʉ'ʉ”, chini cuasanata'ni pãipi asa ũcuanani pojoa'jʉ chini, “Rʉa vesʉʉ'mʉ chʉ'ʉ”, chiime. Ũcuana cuasache'te kʉajʉ, “Dios ñoñe'te ñajʉ kʉame chʉkʉna”, chiijʉ jorejʉ, meñe rʉa pojonaa'me repana.

Colosenses 2:23

Chekʉrʉmʉ pãi jã'are cho'ojʉ chekʉnapi ñato re'oja'cheja'che ñoñe pa'ime. Chekʉrʉmʉ rʉa masinaja'ñe pa'ijʉ, Diore rʉa pojonaja'ñe pa'ijʉ, meñe pojoma'ñeja'ñe pa'ijʉ cu'ache cho'oche ʉ̃sejʉ na'a rʉa ʉ̃sejʉ pa'inaa'me repana. Repana jã'amajñarʉãchi'a cho'ona repana rekoñoã cu'ache cho'oʉache cuasacheta'ni jʉvoma'ñe ũcua cho'ojʉ pa'inaa'me.

Tito 3:5

Ija'che i'kama'kʉa'mʉ Dios: “Re'oja'che cho'onajejʉna cho'okaimʉ chʉ'ʉ inare”, chiima'mʉ Dios maire. Cu'ache cho'onareta'ni maini oiʉ vati toa sani uuche ʉ̃sesi'kʉa'mʉ Repaʉ maire. Repaʉ chĩi paapʉ chini mai cu'arekoñoã paasi'e re'ojarekoñoã care'vasi'kʉa'mʉ Repaʉ. Mai rekoñoãna Ũcuaʉ Rekocho'te rao mamarekoñoã cho'osi'kʉa'mʉ Repaʉ maire.

Hebreos 10:22

Jã'ajekʉna maire Repaʉ oiʉ re'oja'che cho'okaisi'ena'me chura cho'okaichejekʉna mai rekoñoã oko re'oja'chepi tʉ'ne choasokaisirekoñoãja'ñe paajʉ, re'oja'che pa'ijʉ, Diore sẽevajʉchʉma'ñe, jachama'ñe masi cuasajʉ ũcuarepare sẽejʉ pañu.

El Apocalipsis 1:5

Ũcuachi'a Jesucristo Dios pa'iche chʉ'o ũcuarepa Kʉakʉji oiʉ cho'okaaʉ mʉsanʉkonare, pojojʉ paapʉ chini. Repaʉ Jesucristo jo'e jũ'imanejañere chareparo jũni vajʉraisi'kʉa'mʉ. Ũcuachi'a cheja pa'inare pãi chʉ̃'ʉnare ũcuanʉko Aia'mʉ Repaʉ. Repaʉ Jesucristo maini oiʉ mai cu'ache cho'oche'te ro'ikaiʉ jũnisõsi'kʉa'mʉ.

El Apocalipsis 7:14

Chikʉna, chʉ'ʉ, —Masimʉ mʉ'ʉ —chiisi'kʉa'mʉ. Chikʉna repaʉ ai ija'che i'kasi'kʉa'mʉ chʉ'ʉre: —Pãi ũcuanʉkore rʉa cu'ache ti'jñerʉmʉ pa'isinata'ni Diore cuasache ũhasõmanesinajejʉ Ovejachĩija'iʉ Jesucristo chiepi kãña meno peokãña choasõñeja'ñe repana rekoñoã cu'ache cho'osi'e tʉnosõcojñosinajejʉ re'oja'che pa'ime ina.