San Juan 13:23 - Koreguaje

²³ Chʉ'ʉ repaʉ neekʉ rʉa chiicojñokʉ repaʉ'te rʉ̃'ʉñe ñu'isi'kʉa'mʉ.

San Juan 13:23 Iomraidhean Croise

San Lucas 16:22

Repaʉ chʉova'ʉ pa'iva'ʉ jũnisõsirʉmʉ Diore ja'me pa'inapi ángeleji cʉnaʉmʉna Dios pa'ichejana mʉaasome repava'ʉre, Abrahamni ja'me paaʉ chini. Kuriʉ ũcuaja'che jũnisõasomʉ. Jũnisõʉna pãi repaʉ'te tãasome.

San Juan 1:18

Diore ñoma'kʉjekʉna ñamanaa'me pãi. Mamakʉta'ni ũcuate'eʉji Pʉka'kʉre si'arʉmʉ kueñe ja'me pa'ikʉji Pʉka'kʉ pa'iche kʉasi'kʉa'mʉ maire.

San Juan 11:3

Majaa'chʉ Lázaroji jũ'iʉna cho'jeromi chekʉnani raoasome Jesuni, “Mʉ'ʉ chiicojñokʉ jũ'imʉ”, chiapʉ chini.

San Juan 11:36

Oiʉna repana judío aina i'kasinaa'me. —Ñajʉ̃'ʉ; Lázaro'te rʉa chiicosomʉ ikʉ —chiisinaa'me.

San Juan 11:5

Repaʉ Jesús repanare Martana'me cho'jeona'me Lázaro'te rʉa chiikʉta'ni, “Lázaro jũ'imʉ”, chiito asa teana saimanesi'kʉa'mʉ. Saima'ñe te'eka'chapaumucujña ũcuachejare canʉka pa'isi'kʉa'mʉ repaʉ.

San Juan 13:24

Ũcuarʉmʉ Simón Pedro chʉ'ʉre Jesure rʉ̃'ʉñe ñu'ikʉjekʉna repaʉ'te jo'kajaʉni sẽniasa kʉaa'kʉ chini rupʉ vevosi'kʉa'mʉ.

San Juan 13:25

Vevoʉna sẽesi'kʉa'mʉ chʉ'ʉ Jesure. —Chʉkʉna'te Paakʉ, ¿kaʉni i'kakʉ mʉ'ʉ, mʉ'ʉre cu'ache cho'ojanare jo'kajaʉre? —chiisi'kʉa'mʉ chʉ'ʉ.

San Juan 19:26

Nʉkajʉna chʉ'ʉ Jesús neekʉ repaʉ rʉa chiicojñokʉ repaʉ pʉka'kore kueñe nʉkasi'kʉa'mʉ. Nʉkakʉna ña Jesús repaʉ pʉka'kore i'kasi'kʉa'mʉ. —Ja'ko, mʉ'ʉ chĩija'iʉ pa'ija'mʉ ikʉ —chiisi'kʉa'mʉ repaʉ chʉ'ʉre.

San Juan 20:2

Ña vʉ'vʉsõ Simonna'me chʉ'ʉ Jesús neekʉ repaʉ rʉa chiicojñokʉ pa'ichejana rani kʉasi'koa'mo repao. —Maire Paakʉ'te pãi mini etua sasõsinaa'me. Repaʉ'te sa ũhasicheja vesʉme mai —chiisi'koa'mo repao.

San Juan 21:20

Ũcuarʉmʉ chʉ'ʉ, Jesús neekʉ repaʉ rʉa chiicojñokʉji repanani cho'jepi tuhakʉna Pedro chʉri ñasi'kʉa'mʉ chʉ'ʉre, aperʉmʉ pascua ãu ãirʉmʉ Jesuni kueñe ñu'iʉ repaʉ'te jo'kajaʉni, sẽesi'kʉni.

San Juan 21:24

Chʉ'ʉ Jesús neekʉ pa'iche'te i'kasinaa'me repana. Chʉ'ʉ ũcuaʉji ie chʉ'o reparʉmʉ cho'osi'ere iphʉrona tochamʉ. Chʉ'ʉ kʉache chʉ'o ũcuarepaa'me. Masime mai jã'a.

San Juan 21:7

Ũcuarʉmʉ chʉ'ʉ Jesús rʉa chiicojñokʉji i'kasi'kʉa'mʉ Pedro'te. —Maire Paakʉ'mʉ jã'ʉ —chiisi'kʉa'mʉ chʉ'ʉ. Jã'aja'ñe i'kaʉna asa Simón Pedro Jesuni ñara chini sẽ'sevʉ ju'ikãa repaʉ tĩtosikãa mini sacha chiarana sʉ'a tuãni runi chu'asi'kʉa'mʉ.