San Juan 12:6 - Koreguaje

⁶ Chʉova'na pa'iva'nare oiche'te i'kamanesi'kʉa'mʉ repaʉ. Rupʉ ñaaʉjekʉ jã'aja'ñe i'kasi'kʉa'mʉ. Chʉkʉna Jesús neena chi'iche kuri paakaiʉ si'arʉmʉ te'ere'rechi'a siasõkaiʉ pa'isi'kʉa'mʉ repaʉ Judas.

San Juan 12:6 Iomraidhean Croise

San Mateo 21:13

Jã'aja'ñe cho'okʉ ija'che i'kasi'kʉa'mʉ repaʉ: —Dios chʉ'o aperʉmʉ tocha jo'kasi'e ija'che kʉamʉ: Chʉ'ʉ vʉ'e pãi chʉ'ʉre pojojʉ sẽevʉ'ea'me, chiimʉ. Jã'ata'ni mʉsanʉkona põse ñaana cho'ocheja'che kaka cu'ache cho'ome ivʉ'e —chiiʉ eto saosi'kʉa'mʉ Jesús repanare.

San Lucas 8:3

Cuza rʉ̃jo Juana ũcuaja'che ja'me kuniasomo. Repaʉ Cuza Herode'te cho'oche cho'okainare chʉ̃'ʉkʉ paniasomʉ. Susana ũcuaja'che ja'me kuniasomo. Chekʉna romi ũcuaja'che rʉa jainʉko ja'me kuniasome, Jesús chʉ'vache'te asajʉ. Repaʉ'te Jesure repana paamajñarʉãpi kuirajʉ kuniasome repana romi, repaʉ neenare ũcuachi'a.

San Juan 10:13

Kurire koora chini kuirakʉjekʉ repava'nare oima'ñe jo'ka vʉ'vʉsõmʉ repaʉ, chaipi rakʉna.

San Juan 12:5

—¿Je'se pa'iʉna repao trescientorepare're ĩsisõjʉ kuri denariore're koorʉra'kare rupʉ jañosõo? Ira'kare ĩsisõ kuri koo chʉova'na pa'iva'nani ĩsirʉja'chere rurepapʉ cho'osõmʉ —chiisi'kʉa'mʉ repaʉ.

San Juan 13:29

Asavesʉjʉ ija'che cuasaasome te'ena: “Chʉkʉna chi'isi'e kuri paakaikʉjekʉna Judare pascua cho'ojamajñarʉã koojaaʉ chini saocosomʉ Jesús”, chiisinaa'me. Chekʉna ija'che cuasaasome: “Judapi chʉova'na pa'iva'nare kurire ĩsia'kʉ chini saocosomʉ Jesús”, chiisinaa'me.

1 Corintios 6:10

Ũcuachi'a pãi chekʉna paamajñarʉã ñaasonana'me, kurineena, si'arʉmʉ cono jũ'ina, ke'reneenana'me jorena Dios pa'icheja saima'me.

Gálatas 2:10

Iechi'a i'ka jo'kasinaa'me repana chʉkʉna'te: “Chʉova'na pa'iva'nare cavesʉma'ñe cuasajʉ re'oja'che cho'okaijʉ pa'ijʉ̃'ʉ”, chiisinaa'me. Jã'ata'ni chʉkʉna ũcuare si'arʉmʉ cho'ojʉ pa'inaa'me.

Santiago 2:2

Chekʉrʉmʉ mʉsanʉkona chi'i pa'ivʉ'ena kuriʉ, aniñocava pachokuricava ju'iʉ, kãña rʉa re'ojakãña ju'ikʉji rani kakato repaʉ'te re'oja'che cho'ojʉ, “Ichejana re'ojachejana pʉʉjʉ̃'ʉ”, chiime mʉsanʉkona. Ũcuate'erʉmʉ chʉova'ʉ pa'iva'ʉ, kãñarʉã rʉa aikãñarʉã ju'iʉ rani kakamʉ. Chekʉrʉmʉ jã'ava'ʉreta'ni, “Jã'achejare rupʉ nʉkajʉ̃'ʉ mʉ'ʉ. Jã'apãani chejarepare pʉʉ ñu'ijʉ̃'ʉ”, chiime.

Santiago 2:6

Jã'ata'ni mʉsanʉkona chʉova'na pa'iva'nare cu'ache cho'onaa'me. Mʉsanʉkonare cu'ache cho'onani kurinarechi'a re'oja'che cho'oñu chiime mʉsanʉkona. Jã'ata'ni repanare põsero'ire ro'ima'to mʉsanʉkonare chẽa jñajñu sa pãi chẽañe chʉ̃'ʉnare ti'jñeñena nʉko, “Ro'ijʉ̃'ʉ”, chiijʉ ke'reme repana mʉsanʉkonare.