San Juan 12:34 - Koreguaje

³⁴ Jã'aja'ñe i'kaʉna asa i'kasinaa'me pãi. —Mai aipãi tocha jo'kasi'e Dios chʉ'o ija'che kʉamʉ: Cristo Dios Raosi'kʉ jũnisõma'ñe ai pa'ija'mʉ, chiimʉ. Jã'ata'ni mʉ'ʉ, ¿je'se pa'iʉna, “Pãire ja'me paaʉ chini Dios Raosi'kʉre jẽ'jo nʉkojanaa'me pãi”, chiikʉ? Jã'a pa'ito, Cristo chiicojñokʉ, ¿tĩiʉ'ʉ? —chiisinaa'me repana.

San Juan 12:34 Iomraidhean Croise

San Mateo 16:13

Ũcuarʉmʉ Jesús Cesarea de Filipo vʉ'ejoopo pa'ichejana sani tĩ'a chʉkʉna'te repaʉ neenare ija'che sẽesi'kʉa'mʉ: —Pãi chʉ'ʉre, pãire ja'me paaʉ chini Dios Raosi'kʉ pa'iche cutuni, ¿je'se i'kache? —chiisi'kʉa'mʉ.

San Mateo 21:10

Repaʉ Jesús Jerusalén vʉ'ejoopo sani tĩ'asirʉmʉ repajoopo pa'ina pãi repaʉni ñañu chini jainʉko chi'i repaʉ'te ja'me tuhasinani ija'che sẽesinaa'me: —¿Jeeja'iʉ'ʉ jã'ʉ? —chiisinaa'me.

San Mateo 8:20

Chikʉna Jesús i'kasi'kʉa'mʉ repaʉ'te. —Ã'care'achai kãicojña paame. Pĩ'ava'na ũcuaja'che kãisʉovʉã paame. Chʉ'ʉ, pãire ja'me paaʉ chini Dios Raosi'kʉta'ni kãichejñajẽ'e peova'ʉ pa'imʉ —chiisi'kʉa'mʉ repaʉ.

San Juan 10:34

Chitena i'kasi'kʉa'mʉ repaʉ. —Mai aipãi tocha jo'kasi'e Dios chʉ'o ija'che kʉamʉ: Diova'naa'me mʉsanʉkona, chiiche tocha jo'kaasome repana.

San Juan 12:32

Chʉ'ʉre jẽ'jo nʉkosirʉmʉ chʉ'ʉpi soiʉna pãi si'achejña pa'ina chʉ'ʉni cuasajʉ jovojanaa'me —chiisi'kʉa'mʉ repaʉ.

San Juan 15:25

Aperʉmʉ tocha jo'kasi'e Dios chʉ'o repana cho'ojachere ija'che kʉamʉ: Chʉ'ʉre rupʉ peoche cuheme repana, chiimʉ. Repa tocha jo'kasi'e ũcuare cho'ocuhame repana chʉ'ʉre cuhena.

San Juan 8:28

Asavesʉjʉna ija'che i'kasi'kʉa'mʉ repaʉ: —Mʉsanʉkonapi chʉ'ʉni Dios Raosi'kʉni kurususẽ'verona jẽ'jo nʉkoni chʉ'ʉ pa'iche masijʉ ija'che i'kajanaa'me: “Dios Raosi'kʉa'mʉ ikʉ. Repaʉ cuasachechi'a i'kamanesi'kʉa'mʉ. Repaʉ Pʉka'kʉ che'chochechi'a i'kasi'kʉa'mʉ ikʉ”, chiijʉ masijanaa'me mʉsanʉkona.

Romanos 3:19

Dios chʉ'o aperʉmʉ tochasi'e mai judíopãi pa'iche'te peore kʉamʉ. Mai judíopãi masime jã'a. Jã'ajekʉna ie ũcuachi'a masime: Mai judíopãi te'eʉjẽ'e re'oja'che cho'omanaa'me. Pãi si'achejña pa'ina ũcuanʉko judíopãina'me judío peona Diopi kʉakʉna mai cu'ache cho'osi'e asajanaa'me. Asato jachacu'aja'mʉ maire.

Romanos 5:18

Jã'ajekʉna te'eʉji Dios chʉ̃'ʉsi'ere te'echo jachaʉna si'avãjʉpãi repana cu'ache cho'osi'e ro'iche paame. Ũcuaja'che Te'eʉji te'echo re'oja'che cho'okakʉna si'avãjʉpãire Repaʉ'te cuasanare Diona'me si'arʉmʉ re'oja'che pa'ire'omʉ, Diopi repanani cu'ache cho'omanare cuasacheja'che cuasakʉna.

Hebreos 7:24

Jesuta'ni jũnisoma'ñe ai Pa'ikʉjekʉ si'arʉmʉ phairi pa'iʉ, Repaʉ phairi pa'iche chekʉni saño jo'kama'kʉa'mʉ.