San Juan 12:20 - Koreguaje

²⁰ Fiestarʉmʉjekʉna Dios cho'okaisi'ere cuasajʉ pojoñu chini Jerusalén vʉ'ejoopona sani pa'inare griegopãi sani ja'me pa'isinaa'me.

San Juan 12:20 Iomraidhean Croise

San Juan 12:1

Repaʉ Jesús seirepaumucujña pascuarʉmʉ tĩ'añe karatona Betania vʉ'ejoopona saisi'kʉa'mʉ, repaʉji vasoʉna Lázaro vajʉraisi'kʉ pa'ijoopona.

San Juan 12:19

Jã'aja'ñe cho'ojʉna ña sãiñechi'a i'kasinaa'me fariseopãi. —Rʉa cu'amʉ ija'che pa'ito. Ñajʉ̃'ʉ. Pãi ũcuanʉko repaʉ'te jovome. Ʉ̃secu'amʉ jã'aja'ñe cho'oto —chiisinaa'me repana.

San Juan 7:35

Chikʉna repana judíopãi sãiñechi'a i'kasinaa'me. —¿Keechejana sakʉna ikʉre mai jñaamanejanaa'ñe? ¿Aperʉmʉ judíopãi jainʉko saisichejñana griegopãi pa'ichejñana sani griegopãire che'choja'ʉ ikʉ?

Los Hechos 14:1

Ũcuarʉmʉ Pablona'me Bernabé Iconio vʉ'ejoopo sani tĩ'a pa'ijʉ judíopãi chi'ivʉ'ena kaka Dios chʉ'ore chʉ'vaasome. Repanapi rʉa re'oja'che chʉ'vajʉna judíopãina'me judío peona jainʉko asa chẽa cuasajʉ Jesucristoni jovoasome.

Los Hechos 16:1

Ku'ijʉ Derbe vʉ'ejoopona tĩ'aasome repana Pablona'me Silas. Jã'achejapi Listra vʉ'ejoopona sani tĩ'a chekʉre Jesucristo'te cuasakʉ'te, Timoteo'te, tijñaasome repana. Repaʉ Timoteo pʉka'ko ũcuachi'a Jesucristo'te cuasaasomo. Judíopãio paniasomo repao. Repaʉ pʉka'kʉ griegopãiʉ paniasomʉ.

Los Hechos 17:4

Pabloji jã'aja'ñe i'kakʉ chʉ'vaʉna asa chẽa cuasajʉ jovoasome judíopãi te'ena Pablona'me Silare. Chekʉna ũcuachi'a jainʉko Pablo chʉ'ore cuasajʉ jovoasome, griegopãi Diore cuasanana'me pãi chʉ̃'ʉna rʉ̃joromi.

Los Hechos 20:21

Mʉsanʉkona pa'icheja pa'inare judíopãina'me griegopãi peore ija'che i'kakʉ chʉ'vasi'kʉa'mʉ chʉ'ʉ: “Cu'ache cho'oche ũhaso Maire Paakʉni, Jesucristoni cuasajʉ Dioni jovojʉ̃'ʉ”, chiisi'kʉa'mʉ chʉ'ʉ repanare.

Los Hechos 21:28

Ija'che i'kajʉ cuiasome repana: —¡Israelpãi, chʉkʉna'te rani cho'okaijʉ̃'ʉ! Ikʉni chẽañu. Rʉa cu'ache che'chokʉ'mʉ ikʉ. Si'achejñarʉã ku'iʉ maire cu'ache cutukʉ'mʉ ikʉ. “Moisés tocha jo'kasi'e cu'amʉ”, chiiʉ che'chokʉ'mʉ ikʉ. Ũcuachi'a, “Dios vʉ'e cu'amʉ”, chiikʉ'mʉ ikʉ, ivʉ'e. Ũcuachi'a cu'ache cho'osi'kʉa'mʉ ikʉ. Judíopãichi'a chi'ivʉ'ea'me ivʉ'e. Jã'ajekʉna judío peonare kakacu'amʉ ivʉ'e. Jã'ata'ni ikʉ griegopãire ivʉ'ena Dios vʉ'ena cuaasi'kʉa'mʉ ivʉ'epi cu'ache paaʉ chini —chiniasome repana Pablo'te.

Los Hechos 8:27

Chikʉna Felipe vʉni saiʉ ñato Etiopía cakʉ, pãi chʉ̃'ʉko'te cho'oche cho'okaikʉ Diore pojora chini Jerusalén saisi'kʉpi, repaʉ pa'ichejana co'ikʉ paniasomʉ. Etiopíapãi chʉ̃'ʉko'te, Candace'te, kuri care'vakaikʉ paniasomʉ repaʉ.

Romanos 1:16

Jesucristo'te cuasache kʉachʉ'o chʉ'vavajʉchʉma'mʉ chʉ'ʉ. Pãire chʉ'vakʉna asa chẽa Jesuni cuasajʉ jovoru Peore Masikʉji Dios repanare ũcuanʉkore chẽa paakʉ vati toa sani uuche ʉ̃sekʉ'mʉ Repaʉ, judíopãina'me judío peonare.

Romanos 10:12

Diopi ñato judíopãina'me judío peona ũcuate'epãia'me. Ũcuate'eʉji ũcuanʉkore Paakʉ, Repaʉ'te sẽenare karama'ñe ĩsimʉ Repaʉ.

Gálatas 2:3

Reparʉmʉ Titore chʉ'ʉna'me saisi'kʉre griegopãiʉjekʉ jĩkomu chã'tiro pa'ica'nirʉ chʉto tʉacojñomanesi'kʉreta'ni, “Jĩko ca'nirʉ chʉto tʉacojñojʉ̃'ʉ”, chiijʉ chʉ̃'ʉmanesinaa'me repana.

Gálatas 3:28

Maire Jesucristo'te cuasanare ũcuapa'rʉvachi'a cuasamʉ Dios, judíopãina'me judío peonare, pãi chʉ̃'ʉnana'me chʉ̃'ʉcojñonare, ʉmʉpãina'me romi. Mai ũcuanʉko Jesucristo'te cuasanajejʉ ũcuate'eʉjakuanupʉ'me.

Colosenses 3:11

Jã'ajekʉna chura ija'che cuasama'ñe pañu: griegopãi pa'ichena'me judíopãi pa'iche, jĩkora'murʉ chã'tirʉ pa'ica'nirʉ chʉto tʉacojñosina pa'ichena'me cho'ocojñomanesina pa'iche, pãirepa pa'ichena'me tĩipãi pa'iche, chẽa paacojñona pa'ichena'me chẽa paacojñomana pa'iche. Jã'aja'ñejẽ'e cuasama'ñe Cristo neena pa'ichechi'a cuasajʉ pañu mai. Peore Paakʉji maire ũcuanʉkore paakʉ'mʉ Repaʉ.