San Juan 12:13 - Koreguaje

¹³ Asa pũti kare veri eta repaʉni tijña ʉjachʉ'opi ija'che i'kasinaa'me repana: —Dios peore masikʉ'mʉ. Ikʉre Israelpãire chʉ̃'ʉa'kʉ chini repaʉ Raosi'kʉre re'oja'che cho'okaaʉ —chiisinaa'me repana.

San Juan 12:13 Iomraidhean Croise

San Mateo 23:39

Chekere kʉara. Saipi'ramʉ chʉ'ʉ chura. Sanisõʉna rʉa jeerʉmʉ ñamanejanaa'me mʉsanʉkona chʉ'ʉre. Jã'ata'ni chʉ'ʉpi jo'e chejana cajekʉna ña, “Diopi re'oja'che cho'okaaʉ ikʉre, Repaʉ Raokʉ'te”, chiijanaa'me mʉsanʉkona chʉ'ʉre —chiisi'kʉa'mʉ Jesús.

San Mateo 27:42

—Chekʉnare jũ'iñe ʉ̃sesi'kʉasomʉ jã'ʉ. Jã'ata'ni repaʉ'te chura ũcuaʉji meñe jũ'iñe ʉ̃secu'amʉ. “Israelpãi chʉ̃'ʉkʉ'mʉ ikʉ”, chiicojñosi'kʉa'mʉ repaʉ. Jã'ajekʉna ũcuachejapi cajea'kʉ. Repaʉji cajeʉna ñani, “Dios Mamakʉ'mʉ ikʉ”, chiijʉ cuasajanaa'me mai.

San Juan 1:49

Chikʉna Natanael i'kaasomʉ repaʉ'te. —Masiʉ, Dios Mamakʉ'mʉ mʉ'ʉ. Israelpãi chʉ̃'ʉkʉ'mʉ —chiniasomʉ repaʉ.

San Juan 12:14

Ũcuarʉmʉ repaʉ Jesús burrova'ʉre jñaa tuhisi'kʉa'mʉ. Dios chʉ'o aperʉmʉ tocha jo'kasi'e kʉache cho'osi'kʉa'mʉ. Ija'che kʉamʉ repa:

San Juan 12:15

Ũcuanʉko vajʉchʉma'ñe pa'ijʉ̃'ʉ mʉsanʉkona Jerusalén vʉ'ejoopo cana. Mʉsanʉkonare chʉ̃'ʉkʉ'te burrochĩiva'ʉni tuhiʉ raiʉna ñajʉ̃'ʉ, chiimʉ repa tocha jo'kasi'e.

San Juan 19:15

Chikʉna cuijʉ i'kasinaa'me repana. —Sa vanisõjʉ̃'ʉ jã'ʉre. Sa vanisõjʉ̃'ʉ jã'ʉre. Kurususẽ'verona jẽ'jo nʉkojʉ̃'ʉ jã'ʉre —chiisinaa'me repana. Chitena i'kasi'kʉa'mʉ repaʉ. —¿Mʉsanʉkonare chʉ̃'ʉkʉ'te kurususẽ'verona jẽ'jo nʉko vẽasõjʉ̃'ʉ chiiche mʉsanʉkona? —chiisi'kʉa'mʉ. Chikʉna judío phairipãi chʉ̃'ʉna i'kasinaa'me. —Césachi'aa'mʉ pãi ũcuanʉkore chʉ̃'ʉkʉ —chiisinaa'me.

El Apocalipsis 15:3

Reparʉmʉ repana Dioni pojojʉ ujajʉ aperʉmʉ Dios chʉ̃'ʉñe cho'okaisi'kʉ Moisés ujasi'ere uja ujajʉ Jesucristo Ovejachĩija'iʉ ujasi'e ũcuachi'a ujasinaa'me, ija'chere: Dios, Chʉkʉna'te Paakʉ peore cho'omasikʉ'mʉ mʉ'ʉ. Mʉ'ʉ masikʉ cho'oche ña jñanosõme chʉkʉna. Rʉa re'oja'che cho'okʉjekʉ peore ũcuarepa cho'okʉ pãi si'achejña pa'inare chʉ̃'ʉkʉ'mʉ mʉ'ʉ.

El Apocalipsis 19:16

Repaʉ ju'ikãana'me toapʉ, ija'che tochasi'e paasi'kʉa'mʉ repaʉ: “Pãi chʉ̃'ʉna ũcuanʉko Aia'mʉ ikʉ”, chiiche'te.

El Apocalipsis 7:9

Jã'aja'ñe i'kache asacuhasirʉmʉ ñakʉ pãi si'achejña canapi tĩichʉ'ochi'a cutunapi te'eʉjẽ'e kuẽkuecu'anʉko Dios ñu'isaivʉna'me Ovejachĩija'iʉ Jesucristo pa'icheja ti'jñeñe pa'inani ñasi'kʉa'mʉ chʉ'ʉ. Kãña pojakãñapi ʉjacueñoãre ju'ijʉ pũtijoo cãjisinaa'me repana.