San Juan 12:10 - Koreguaje

^10-11 Jesús repaʉ'te vasosi'ere asa judíopãi jainʉko Jesure cuasajʉ jovoasome. Jã'ajekʉna phairipãi chʉ̃'ʉna, “Mai che'choche pãi jainʉko ũhasõ Jesuni cuasajʉ jovome”, chini pe'rujʉ Lázaroni vanisõñu chiniasome, Jesure vanisõñu chiicheja'che.

San Juan 12:10 Iomraidhean Croise

San Mateo 12:14

Jã'ata'ni fariseopãi Jesupi jã'aja'ñe cho'oʉna ña ũcuavʉ'epi eta mʉa, Jesure vanisõjañere care'vañu chini chi'i cutuasome.

San Mateo 2:16

Ũcuarʉmʉ Herodes ma'jñoko pa'iche che'chena repaʉ'te jorejʉ tĩima'api co'isõsi'ere asa rʉa pe'rukʉ, repana ñasi'e kʉasi'ere jo'e cuasa, “Chura repaʉ chĩi ka'chaʉ̃sʉrʉmʉ panicuhamʉ ie”, chini cuasa Belén vʉ'ejoopona'me ũcuajoopo kueñe pa'ichejña cava'nare chĩiva'nare ʉmʉchĩiva'narechi'a te'eka'chapaʉ̃sʉrʉmʉ pa'iva'nana'me na'a cho'je pa'iva'nare ũcuanʉkore vanisõñe chʉ̃'ʉasomʉ.

San Lucas 16:31

Chikʉna Abraham i'kaasomʉ repaʉ'te. “Dios chʉ'o, Moisés tocha jo'kasi'ena'me Dios chʉ'o kʉasina tocha jo'kasi'e ña jachanaa'me repana. Ña jachanajejʉ jũni vajʉraisiva'ʉpi Dios chʉ'ore chʉ'vato ũcua jachara'ame repana”, chiniasomʉ Abraham kuriʉ pa'isi'kʉre —Jã'aja'ñe kʉaasomʉ Jesús repanare fariseopãi.

San Juan 11:57

Phairipãi chʉ̃'ʉna fariseopãina'me ija'che i'kaasome: —Pãiʉ ũcuaʉakʉji repaʉ Jesús pa'ichejare masini rani kʉajʉ̃'ʉ chʉkʉna'te. Repaʉni chẽañu chiime chʉkʉna —chiniasome repana.

San Juan 12:9

Ũcuarʉmʉ judíopãi jainʉko Jesús Betania vʉ'ejoopo pa'iche'te asa saniasome repaʉni ñañu chini. Ũcuachi'a jũnisõʉna Jesús vasosi'kʉni Lázaroni ñañu chiniasome repana.