San Juan 11:40 - Koreguaje

⁴⁰ Chikona i'kasi'kʉa'mʉ repaʉ. —Mʉ'ʉre ija'che i'kasi'kʉa'mʉ chʉ'ʉ: “Chʉ'ʉre cuasani Dios peore Masiʉ cho'oche ñaja'mo mʉ'ʉ”, chiisi'kʉa'mʉ chʉ'ʉ mʉ'ʉre —chiisi'kʉa'mʉ repaʉ.

San Juan 11:40 Iomraidhean Croise

San Mateo 17:20

Chitena i'kasi'kʉa'mʉ repaʉ. —Dioni masi cuasamapʉna vatire eto saocu'asi'kʉa'mʉ mʉsanʉkonare. Mʉsanʉkonapi mostazara'karʉã rʉa jmara'karʉãja'ñe Diore jmamakarʉ cuasanapi, “Dios peore masikʉ'mʉ”, chini cuasajʉ ikũtire aikũtire, “Chekʉchejare kʉñʉ nʉkajʉ̃'ʉ”, chiito ikũti teana chekʉchejana kʉñʉra'amʉ. Mʉsanʉkonapi Dioni masi cuasarepato peore cho'ore'ochechi'a pa'ira'amʉ. Ũcuarepaa'me jã'a.

San Marcos 9:23

Chikʉna Jesús i'kaasomʉ repaʉ'te. —Mʉ'ʉ chʉ'ʉre cuasato vasokaija'mʉ chʉ'ʉ ikʉre. Pãi chʉ'ʉre cuasanare peore cho'okaimʉ Dios repanare —chiniasomʉ.

San Juan 1:14

Jesús Dios pa'iche Kʉajaʉ pãioji jñaaona maija'iʉ pãiʉ ainee jmamakarʉ maina'me pa'isi'kʉa'mʉ repaʉ. Pãire oiʉ re'oja'che cho'okaisi'kʉa'mʉ repaʉ. Ũcuachi'a Dios pa'iche ũcuarepare kʉasi'kʉa'mʉ. Pʉka'kʉpi, repaʉ'te ũcuate'eʉ'te rʉa Masiʉ'te jo'kaʉna rʉa Masiʉ pa'iʉna ñasinaa'me chʉkʉna.

San Juan 11:4

Sa kʉarena asa i'kasi'kʉa'mʉ repaʉ. —Jũnisõa'kʉ chini ravʉ jũ'iñe cho'omaneasomʉ Dios Lázaro'te. Rupʉ Repaʉ cho'omasiche'te pãire cho'o ñora chini cho'oasomʉ. Jã'ajekʉna jũnisõsi'kʉta'ni vajʉrakʉna ña, “Dios peore masikʉ'mʉ”, chiijanaa'me pãi. Ũcuachi'a, “Dios Mamakʉ rʉa masimʉ”, chiijanaa'me repana —chiisi'kʉa'mʉ repaʉ.

San Juan 12:41

Diopi ñokʉna Jesús Masiʉ pa'iche ñasi'kʉjekʉ repaʉ pa'iche'te kʉakʉ jã'aja'ñe tocha jo'kaasomʉ Isaías maire.

San Juan 9:3

Chitena Jesús i'kasi'kʉa'mʉ. —Repaʉ cu'ache paache ro'ima'mʉ jã'a. Ũcuachi'a pʉka'kʉpãi cu'ache cho'oche ro'ima'mʉ. Rupʉ Diopi vasoʉna pãipi ña, “Dios peore masikʉ'mʉ”, chiijʉ masia'jʉ chini na'ava'ʉ aineesi'kʉa'mʉ ikʉ.

Romanos 6:4

Maire Jesure jovosinare Ũcuaʉji jũni ro'ikakʉna mai rekoñoã cu'ache cho'oʉache sẽjokaisi'kʉa'mʉ Dios, Jesure jũnisoʉna tãsi'eja'che. Okoro'vecojñosinajejʉ jũniso tãcojño jo'e vajʉraisinaja'ñe pa'ime mai. Ũcuachi'a Dios peore Masiʉjekʉ Jesure jũnisosi'kʉre vasosi'eja'che mai rekoñoã re'ojarekoñoã care'vakaisi'kʉa'mʉ, maipi mama pa'ijʉ re'oja'che paapʉ chini.

2 Corintios 3:18

Jã'ajekʉna mai Repaʉ'te cuasana ũcuanʉko mai chiña kãña pũja ta'pisinaja'ñe pa'ima'me. Maire Paakʉ Dios Rekochoji cho'okaiʉna Repaʉ re'oja'che pa'iche masijʉ cho'o ñojʉ Repaʉ pa'icheja'che si'arʉmʉ na'a rʉa re'oja'che pa'ime.

2 Corintios 4:6

Dios, mamarʉmʉ chijachejachi'a pa'irʉmʉ, “Miañe pa'ijʉ̃'ʉ”, chiiʉ chʉ̃'ʉasomʉ. Ũcuaʉji mai rekoñoãna miañeja'ñe cho'okaiʉna Jesucristo pa'iche'te ñajʉ masime mai chura, “Dios rʉa re'okʉ'mʉ”, chiijʉ.