San Juan 11:33 - Koreguaje

³³ Judío ainapi repaona'me oijʉ raiche'te ña sʉmava'ʉ pa'isi'kʉa'mʉ Jesús.

San Juan 11:33 Iomraidhean Croise

San Marcos 3:5

Jã'ajekʉna Jesús repanare pe'rukʉ ñaasomʉ. Pãi oimanajejʉna rʉa sʉmaneasomʉ repaʉ'te. Ũcuarʉmʉ Jesús cu'ajʉ̃tʉrʉ paakʉ'te jo'e ija'che i'kaasomʉ: —Mʉ'ʉ jʉ̃tʉ saʉjʉ̃'ʉ —chiniasomʉ. Chikʉna saʉʉna repajʉ̃tʉ teana re'ojajʉ̃tʉ care'osoasomʉ.

San Marcos 9:19

Chikʉna Jesús i'kaasomʉ repaʉ'te. —Mʉsanʉkona pãi irʉmʉ cana chʉ'ʉre masi cuasama'me. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ mʉ'ʉ chĩiva'ʉre —chiniasomʉ repaʉ.

San Juan 11:19

Maríana'me Marta majaa'chʉpi jũnisõʉna otare oijʉna chʉroñu chini saisina judío aina jainʉko pa'isinaa'me reparʉmʉ.

San Juan 11:31

Maríapi vʉni eta raiona ña judío aina repanapi otare oijʉna chʉroñu chini raisina repavʉ'e ja'me chi'i pa'ina ja'me tuhasinaa'me repao'te, “Majaa'chʉre tãsichejare osa chini saicosomo”, chini.

San Juan 11:34

Repaʉni sʉmaʉna repanare sẽesi'kʉa'mʉ repaʉ. —¿Jeechejana mʉsanʉkona repava'ʉre tãre? —chiisi'kʉa'mʉ. Chikʉna i'kasinaa'me repana. —Pãi Ũcuanʉkore Paakʉ, rani ñajʉ̃'ʉ —chiisinaa'me repana.

San Juan 11:35

Jesús reparʉmʉ oisi'kʉa'mʉ.

San Juan 11:38

Reparʉmʉ Jesús jo'e cuasa oiʉ na'a rʉa sʉmava'ʉ Lázaro'te tãsicojena saisi'kʉa'mʉ. Aikũti caripana tẽtoche ũhisicoje pa'isi'kʉa'mʉ repacoje. Ũcuachi'a catapʉ ʉjapʉji ta'pisicoje pa'isi'kʉa'mʉ repacoje.

San Juan 12:27

Ũcuarʉmʉ Jesús ija'che i'kaasomʉ: —Chura rʉa sʉma'mʉ chʉ'ʉre. Ja'kʉre, ¿je'se chiija'che chʉ'ʉ? “¿Chʉ'ʉre ti'jñejañe cu'ache ʉ̃sekaijʉ̃'ʉ”, chiija'che chʉ'ʉ? Pãara. Jã'are cho'ocojñora chini cajesi'kʉa'mʉ chʉ'ʉ —chiniasomʉ.

San Juan 13:21

Jã'aja'ñe i'ka pi'ni Jesús rʉa sʉmava'ʉ pa'iʉ ija'che i'kasi'kʉa'mʉ: —Mʉsanʉkonare ja'me pa'ikʉ chʉ'ʉni cu'ache cho'oa'jʉ chini chʉ'ʉre cuhenani jo'kaja'mʉ. Ũcuarepaa'me jã'a —chiisi'kʉa'mʉ repaʉ.

Romanos 12:15

Pojojʉ pa'inare ja'me pojokaijʉ̃'ʉ. Oiva'nare ja'me oikaijʉ̃'ʉ.

Hebreos 4:15

Maire Diore Sẽekaikʉ Jesús maire vati cu'ache chʉ̃'ʉñeja'ñe Chʉ̃'ʉcojñosi'kʉjekʉ mai pa'iche'te masikʉ oiʉ cho'okaimʉ. Mai pa'icheja'che pa'isi'kʉta'ni jmamakarʉjẽ'e cu'ache cho'omanesi'kʉa'mʉ Repaʉ.