San Juan 10:6 - Koreguaje

⁶ Repanani chʉ'vakʉ jã'aja'ñe i'kasi'kʉa'mʉ Jesús. Jã'ata'ni repaʉ i'kache asavesʉsinaa'me repana.

San Juan 10:6 Iomraidhean Croise

San Mateo 13:34

Reparʉmʉ Jesús pãire chʉ'vakʉ ũcuaʉji cuasakʉ kʉachechi'api chʉ'vasi'kʉa'mʉ. Cheke i'kamanesi'kʉa'mʉ repaʉ.

San Mateo 13:51

Ũcuarʉmʉ Jesús chʉkʉna'te ija'che sẽesi'kʉa'mʉ: —¿Chʉ'ʉ cuasakʉ kʉasi'e peore asamasiche mʉsanʉkona? —chiisi'kʉa'mʉ. Chikʉna, —Jʉ̃jʉ, Chʉkʉna'te Paakʉ, peore asamasime chʉkʉna —chiisinaa'me chʉkʉna.

San Marcos 4:34

Repanare chʉ'vakʉ cheke i'kama'ñe ũcuaʉ cuasachechi'a kʉaasomʉ repaʉ. Jã'ata'ni chekʉna pãi peorʉmʉ repaʉ neenare repaʉ kʉasi'e te'erũhiñe kʉaasomʉ, asamasia'jʉ chini.

San Juan 16:25

Ũcuarʉmʉ Jesús jo'e i'kasi'kʉa'mʉ. —Mʉsanʉkonare Ja'kʉ pa'iche'te kʉakʉ vesache chʉ'ʉ cuasacheji kʉasi'kʉa'mʉ chʉ'ʉ. Na'a pa'isirʉmʉta'ni Ja'kʉ pa'iche jã'aja'ñe kʉama'ñe te'erũhiñe kʉaja'mʉ chʉ'ʉ.

San Juan 16:29

Chikʉna chʉkʉna repaʉ neena i'kasinaa'me. —Churata'ni mʉ'ʉ aperʉmʉ i'kasi'eja'che i'kama'ñe te'erũhiñe i'kamʉ mʉ'ʉ, asamasire'oche.

San Juan 6:52

Jã'aja'ñe i'kaʉna asa judíopãi sãiñechi'a ija'che i'kasinaa'me: —¿Je'se ikʉ maire repaʉ ca'nivʉ ãuja'ʉ? —chiisinaa'me.

San Juan 6:60

Repaʉ che'choche'te asa repaʉ'te chiijʉ ja'me ku'ina jainʉko ija'che i'kasinaa'me: —Repaʉ che'choche rʉa asavesamʉ. Te'eʉjẽ'e asa chẽamanejacosome mai —chiisinaa'me repana.

San Juan 7:36

Ikʉ maire, “Chʉ'ʉ saisicheja mʉsanʉkonani saicu'akʉna ku'enata'ni chʉ'ʉre jñaamanejanaa'me mʉsanʉkona”, chiisi'kʉa'mʉ. ¿Je'se chiikʉ jã'a? —chiisinaa'me repana.

San Juan 8:27

Repaʉ Jesús Pʉka'kʉ Dios pa'iche'te kʉasi'kʉa'mʉ. Jã'ata'ni asavesʉsinaa'me repana.

San Juan 8:43

¿Je'se pa'iʉna chʉ'ʉ i'kache asavesʉche mʉsanʉkona? Chʉ'ʉ i'kache'te asacuhejʉna asoma'mʉ mʉsanʉkonare.

1 Corintios 2:14

Dios Rekocho che'choche'te chʉ'vajʉna pãipi asani, “Vesʉna i'kache'me jã'a”, chiime Dios Rekocho peona, repana i'kache'te asavesʉjʉ. Repana rekoñoãre Dios Rekochoji peokʉna asacu'amʉ repanare. Dios Rekocho paanarechi'a asare'omʉ Dios chʉ'o, Repaʉ Rekochoji cho'okaiʉna.

2 San Pedro 2:22

Jã'aja'ñe cho'ona ija'che chiicheja'che pa'ime: “Jamuchai repaʉ sisosi'e jo'e ãimʉ. Jo'chasẽse cuchasina cha'ophanapʉna teana ʉme si'si cho'osõme”, chiicheja'che pa'ime.

1 San Juan 5:20

Jesucristo, Dios Mamakʉ chejare caje pa'iʉ Pʉka'kʉ pa'iche'te che'chosi'kʉa'mʉ, pãipi Diorepaʉ pa'iche'te masia'jʉ chini. Jã'are masime mai. Dios Mamarepakʉni Jesucristo'te masi cuasanajejʉ Dios pa'ichejare ai sani pa'ijanaa'me mai.