San Juan 1:50 - Koreguaje

⁵⁰ Chikʉna Jesús i'kaasomʉ repaʉ'te. —Chʉ'ʉpi repacheja pa'imanesi'kʉpi mʉ'ʉni, “Higoñʉ vʉ'evʉ pa'ikʉni ñasi'kʉa'mʉ chʉ'ʉ mʉ'ʉre”, chikʉna asa, “Dios Mamakʉ'mʉ mʉ'ʉ”, chini cuasamʉ mʉ'ʉ chʉ'ʉre. Jã'ajekʉna chʉ'ʉpi chekere na'a vesache'te cho'okʉna ñaja'mʉ mʉ'ʉ —chiniasomʉ repaʉ.

San Juan 1:50 Iomraidhean Croise

San Mateo 13:12

Dios chʉ'o asa jachamana si'arʉmʉ na'a rʉa re'oja'che pa'ijanaa'me. Repaʉ chʉ'ore na'a rʉa masia'jʉ chini cho'okaija'mʉ Dios repanare. Jã'ata'ni chekʉna chʉ'ʉ chʉ'vache asanata'ni masi cuasamapʉ chʉ'ʉpi cho'okʉna repana jmamakarʉ masiche cavesʉjanaa'me.

San Mateo 21:19

Co'ikʉ higoñʉ ma'a rʉ'tʉva nʉkañʉ'te ña repañʉ kueñe sani ñato repara'pʉrʉã peoñʉji ja'ochi'a pa'isi'kʉa'mʉ. Jã'ajekʉna repañʉ ija'che i'kasi'kʉa'mʉ repaʉ: —Jmamakarʉjẽ'e jo'e ãira'pʉrʉã kʉ̃imaneja'mʉ iñʉ —chikʉna repañʉ teana te'erʉmʉ jũnisõsi'kʉa'mʉ.

San Lucas 1:45

Dios mʉ'ʉre aperʉmʉ kʉasi'ere asa, “Ũcuarepa ti'jñeja'mʉ chʉ'ʉre”, chini cuasako rʉa pojomo mʉ'ʉ —chiniasomo María'te.

San Lucas 7:9

Jã'aja'ñe kʉajʉna asa jñano, Jesús repaʉ'te tuhasinani pãire chʉri ña ija'che i'kaasomʉ: —Israelpãi chʉ'ʉre jainʉko cuasanareta'ni te'eʉ'terejẽ'e ikʉ chʉ'ʉre masi cuasacheja'che cuasanare chuta'a tijñama'kʉa'mʉ chʉ'ʉ. Ũcuarepaa'me jã'a —chiniasomʉ Jesús repanare.

San Juan 1:49

Chikʉna Natanael i'kaasomʉ repaʉ'te. —Masiʉ, Dios Mamakʉ'mʉ mʉ'ʉ. Israelpãi chʉ̃'ʉkʉ'mʉ —chiniasomʉ repaʉ.

San Juan 1:51

Chini jo'e i'kaasomʉ Jesús. —Chʉ'ʉre pãire ja'me paaʉ chini Dios Raosi'kʉre cʉnaʉmʉpi vataʉna chʉ'ʉ nʉkachejana ángeles Diore ja'me pa'inapi mʉni caje jo'e mʉni cajejʉ cho'onani ñajanaa'me mʉsanʉkona. Ũcuarepaa'me jã'a —chiniasomʉ Jesús repanare.

San Juan 11:40

Chikona i'kasi'kʉa'mʉ repaʉ. —Mʉ'ʉre ija'che i'kasi'kʉa'mʉ chʉ'ʉ: “Chʉ'ʉre cuasani Dios peore Masiʉ cho'oche ñaja'mo mʉ'ʉ”, chiisi'kʉa'mʉ chʉ'ʉ mʉ'ʉre —chiisi'kʉa'mʉ repaʉ.

San Juan 20:29

Chikʉna i'kasi'kʉa'mʉ repaʉ. —Chura chʉ'ʉre ñasi'kʉjekʉ jachama'ñe cuasamʉ mʉ'ʉ. Jã'ata'ni chʉ'ʉre ñamanapi cuasana mʉ'ʉre na'a rʉa pojojʉ pa'ijanaa'me —chiisi'kʉa'mʉ repaʉ.