San Juan 1:48 - Koreguaje

⁴⁸ Chikʉna Natanael ija'che sẽniasaasomʉ repaʉ'te: —¿Je'se pa'iʉna chʉ'ʉ pa'iche masikʉ mʉ'ʉ? —chiniasomʉ. Chikʉna Jesús i'kaasomʉ. —Felipe mʉ'ʉre chuta'a soimarʉmʉ higoñʉ vʉ'evʉ pa'ikʉni ñasi'kʉa'mʉ chʉ'ʉ mʉ'ʉre —chiniasomʉ repaʉ.

San Juan 1:48 Iomraidhean Croise

San Mateo 10:3

Ũcuaja'che Felipe'te, Bartolomere, Tomare, chʉ'ʉre Mateo'te Romapãi chʉ̃'ʉnare kuri kookaisi'kʉre chẽasi'kʉa'mʉ repaʉ. Chekʉre Santiago'te Alfeo mamakʉ'te chẽasi'kʉa'mʉ. Tadeo'te ũcuachi'a chẽasi'kʉa'mʉ repaʉ.

San Mateo 6:6

Mʉsanʉkonapi te'eʉ Diore sẽni mʉ'ʉ pa'iruupʉna kaka jeo mai Ja'kʉ Diore Ñoma'kʉni sẽejʉ̃'ʉ. Jã'aja'ñe cho'oto mai Ja'kʉ Dios pãi ũcuanʉko rope'e cho'oche peore Ñakʉji mʉ'ʉ te'eʉ cho'oche ña re'oja'che cho'osi'e ro'i re'oja'che ĩsija'mʉ.

San Juan 1:44

Repaʉ Felipe Betsaida vʉ'ejoopo cakʉasomʉ. Andrena'me Pedro ũcuachi'a ũcuate'ejoopo canaasome.

San Juan 12:21

Pa'ijʉ Galilea cheja cajoopo Betsaida vʉ'ejoopo cakʉre Felipe'te mʉa rʉa i'kaasome repana griegopãi. —Jesuni ñañu chiime chʉkʉna —chiniasome repana.

San Juan 14:8

Chikʉna Felipe jo'e i'kasi'kʉa'mʉ. —Chʉkʉna'te Paakʉ, mʉja'kʉni ñojʉ̃'ʉ chʉkʉna'te. Ñoru pojosõjanaa'me chʉkʉna —chiisi'kʉa'mʉ.

San Juan 2:25

Pãi cuasache kʉanare ku'ema'kʉa'mʉ repaʉ, pãi ũcuanʉko cuasache masikʉjekʉ.

San Juan 6:5

Pãipi jairepanʉko repaʉni raijʉna ña Felipeni ija'che i'kasi'kʉa'mʉ repaʉ Jesús: —¿Jeechejana ãu koojanaa'ñe mai inare ũcuanʉkore ãujañe? —chiisi'kʉa'mʉ repaʉ.

San Juan 6:7

Sẽkʉna Felipe i'kasi'kʉa'mʉ. —Maipi kurire're denariore're doscientorepare'repi pãre koo ãuto ũcuanʉkore tĩ'amanera'amʉ ãu inare —chiisi'kʉa'mʉ.

1 Corintios 14:25

Repaʉ rekocho te'eʉ cu'ache cuasasi'ere sʉma'ñe cuasa ro're ñu'iʉ, Dioni pojokʉ, “Ja'kʉ, inare ja'me pa'iʉ re'oja'che cho'okaikʉ'mʉ mʉ'ʉ”, chiija'mʉ repaʉ.

1 Corintios 4:5

Jã'ajekʉna chʉkʉna cho'oche ñajʉ ke'remanejʉ̃'ʉ. Jesucristoji chuta'a jo'e raimaʉna vesʉme mʉsanʉkona chʉkʉna rekoñoã pa'iche. Repaʉ jo'e raisirʉmʉta'ni Ũcuaʉji i'ka jñaukʉna mai ũcuanʉko mai vesʉsi'e peore masijanaa'me, chekʉna rekoñoã pa'iche peore. Reparʉmʉ pãi cho'osi'ere ñani re'oja'che pa'inare, “Re'orepamʉ”, chiija'mʉ Dios. Na'a re'oja'che pa'inare, na'a rʉa pojokʉ i'kaja'mʉ Repaʉ.