San Juan 1:4 - Koreguaje

⁴ Repaʉ Jesucristo mai rekoñoã pa'iche re'oja'chere ĩsikʉ'mʉ. Jã'ajekʉna Miañeja'ñe Pa'ikʉji rani mai rekoñoã Dios pa'iche masire'oche cho'okaiʉna Repaʉ pa'iche'te masijʉ re'oja'che pa'ire'omʉ maire.

San Juan 1:4 Iomraidhean Croise

San Mateo 4:16

Ũcuachejñare pa'ijʉ chijacheja pa'inaja'ñe cu'ache pa'inapi miañe ñañeja'ñe chʉ'o re'oja'chere asaasome repana, re'oja'che pa'iche chʉ'vachʉ'ore. Ũcuaja'che cu'ache pa'inapi umucuse ñataʉna miañe ñoñeja'ñere re'oja'che pa'iche'te asaasome repana, chiimʉ Isaías tocha jo'kasi'e.

San Lucas 2:32

Churata'ni ikʉpi chʉ'vakʉna mʉ'ʉ chʉ'o asa chẽajanaa'me judío peona. Ũcuaja'che chura chʉkʉna'te judíopãi, mʉ'ʉ neenare re'oja'che cutujanaa'me pãi, chiniasomʉ.

San Juan 11:25

Chikona i'kasi'kʉa'mʉ repaʉ. —Chʉ'ʉa'mʉ pãi jũnisõsinare vasokʉ. Ũcuachi'a pãi rekoñoãna re'oja'chere pa'iche jo'kakʉ'mʉ chʉ'ʉ. Pãi chʉ'ʉre cuasanapi jũnisõsina chʉ'ʉpi jo'e rani vasoʉna vajʉrani re'oja'che pa'ijanaa'me.

San Juan 12:35

Chitena Jesús i'kasi'kʉa'mʉ. —Chʉ'ʉ icheja cheja pa'inare pãi Miañeja'ñe Pa'ikʉ mʉsanʉkonare jmamakarʉ ja'me pani sanisõja'mʉ. Jã'ajekʉna chuta'a miarʉmʉna churana ku'ijʉ̃'ʉ mʉsanʉkona, ru'ru na'isõmaneñu chini. Ru'ru na'isõni ñamipi ku'ijʉ ma'api ñomaʉna cavesʉsõjanaa'me mʉsanʉkona.

San Juan 12:46

Chʉ'ʉ Miañeja'ñe Pa'ikʉ chejana raisi'kʉa'mʉ, pãi chʉ'ʉre cuasanapi chijacheja pa'ina pa'icheja'che cu'ache pa'imanea'jʉ chini.

San Juan 14:6

Chikʉna Jesús i'kasi'kʉa'mʉ. —Chʉ'ʉ Ja'kʉ pa'icheja saima'aja'ñe pa'ikʉ'mʉ chʉ'ʉ. Jã'ajekʉna chʉ'ʉre cuasanachi'a Repaʉ pa'icheja saijanaa'me. Ja'kʉ pa'iche ũcuarepare kʉakʉ'mʉ chʉ'ʉ. Chʉ'ʉre cuasanapi jũnisõsirʉmʉ Dios pa'icheja ai sani paapʉ chini chʉ'ʉpi jo'kaʉna repanachi'a Repaʉ pa'icheja ai sani pa'ijanaa'me. Chʉ'ʉre cuasamanata'ni Dios pa'icheja saimanejanaa'me.

San Juan 3:19

Chʉ'ʉ miañeja'ñe re'oja'che pa'ikʉ pãipi Dios pa'iche masia'jʉ chini chejana raisi'kʉa'mʉ chʉ'ʉ. Jã'ata'ni pãi chijachejaja'che pa'iche'te cu'are na'a rʉa chiijʉ miañeja'ñe re'oja'che pa'iche cuhejʉ cuasama'me chʉ'ʉre. Jã'ajekʉna chʉ'ʉre cuasama'ñe ro'i ro'ijanaa'me repana.

San Juan 5:21

Ja'kʉ jũnisõsinare vasokʉ'mʉ vajʉa'jʉ chini. Chʉ'ʉ Repaʉ Mamakʉ ũcuaja'che chʉ'ʉre ʉanare vasokʉ'mʉ.

San Juan 5:26

Ja'kʉchi'a pa'iche re'oja'chere ĩsikʉ'mʉ. Jã'aja'ñe cho'oche Ja'kʉ chʉ'ʉni Repaʉ Mamakʉni jo'kasi'kʉa'mʉ ũcuaja'che ĩsia'kʉ chini.

San Juan 8:12

Ũcuarʉmʉ Jesús jo'e i'kasi'kʉa'mʉ repanare Dios vʉ'e pa'inare. —Pãi chʉ'ʉre cuasajʉ jovosina chʉ'ʉpi pa'iche re'oja'chere ĩsiʉna cu'ache pa'ima'ñe miacheja pa'inaja'ñe repana rekoñoã re'oja'che pa'ijanaa'me —chiisi'kʉa'mʉ repaʉ.

San Juan 9:5

Chejare chuta'a pa'iʉ pãire Miañeja'ñe Pa'ikʉ'mʉ chʉ'ʉ —chiisi'kʉa'mʉ repaʉ.

Los Hechos 26:23

Dios Raosi'kʉ rani rʉa cu'ache cho'ocojño vanisorena tãcojñosi'kʉta'ni jo'e vajʉraisi'kʉa'mʉ. Chekʉnare pãi charo vajʉraisi'kʉa'mʉ Repaʉ. Jo'e jũnisomanejañere charo vajʉrani pa'iʉ re'oja'che pa'iche'te Repaʉ majapãi judíopãire chʉ'vasi'kʉa'mʉ Repaʉ, judío peonare ũcuachi'a —chiniasomʉ Pablo repaʉ'te.

1 Corintios 15:45

Dios chʉ'o aperʉmʉ tocha jo'kasi'e ija'che kʉamʉ: Chareparo icheja cheja pa'isi'kʉ Adán Diopi cho'oʉna vajʉʉ pa'iʉ pãi ca'nivʉ paasi'kʉa'mʉ, chiimʉ. Repaʉ Adán pa'isi'eja'che pa'ime mai chura; pãi ca'nivʉã paame. Chura Adán charo pãi ca'nivʉ paakʉ pa'isi'eja'che Cristoji rani pa'iʉ chueniso tãcojñosi'kʉpi charo vajʉrani pa'iʉ vajʉraisica'nivʉ'te paakʉ vajʉraijache jo'kasi'kʉa'mʉ maire. Jã'ajekʉna chura Cristo pa'icheja'che re'oja'che pa'ime mai vajʉraijanajejʉ.

Efesios 5:14

Jã'ajekʉna Dios chʉ'o tochasi'e ija'che kʉamʉ: Vʉijʉ̃'ʉ mʉ'ʉ, kãnisosi'kʉja'che pa'ikʉ. Cristoni cuasa vajʉjʉ̃'ʉ, mʉ'ʉni miañeja'ñere re'oja'che pa'iche'te ĩsia'kʉ, chiimʉ.

Colosenses 3:4

Ũcuaʉji Cristo mʉsanʉkonare pa'iche mamare ĩsisi'kʉa'mʉ. Repaʉ jo'e rairʉmʉ Ũcuaʉjana carũni Repaʉna'me chʉ̃'ʉjʉ pa'ijanaa'me mʉsanʉkona.

1 San Juan 1:1

Chʉkʉna ñasi'ena'me asasi'e mʉsanʉkonani Jesucristo pa'iche'te kʉakʉ ie chʉ'o tocha saomʉ chʉ'ʉ. Ũcuachi'a chʉkʉna Repaʉ'te sũ'ka pojosinaa'me. Apereparʉmʉ chuta'a cheja cho'omarʉmʉ cʉnaʉmʉre Pʉka'kʉ Diona'me paniasomʉ Repaʉ Jesucristo. Cʉnaʉmʉ Pa'ikʉji icheja chejare caje pa'iʉ re'oja'che pa'iche mai rekoñoã vajʉche jo'kasi'kʉa'mʉ Repaʉ. Ũcuachi'a chʉkʉnani Pʉka'kʉ Dios pa'iche'te kʉakʉ Repaʉ chʉ̃'ʉñe kʉasi'kʉa'mʉ Repaʉ.

1 San Juan 1:2

Repaʉ Jesús kʉache asajʉ Repaʉ'terejẽ'e ñasinajejʉ masime chʉkʉna chura Pʉka'kʉ Dios pa'iche. Jã'ajekʉna mʉsanʉkonare Jesucristo Pʉka'kʉna'me Pa'ikʉji mai pa'ichejare caje pa'iʉ maire ũcuanʉkore re'oja'che che'choche asasinajejʉ ũcuare kʉame chʉkʉna.

1 San Juan 5:11

Dios Repaʉ Mamakʉ pa'iche'te kʉakʉ ija'che i'kaasomʉ: “Chʉ'ʉ chĩire cuasanachi'a jũnisõsirʉmʉ chʉ'ʉ pa'ichejare rani ai pa'ijanaa'me”, chiniasomʉ Dios.

El Apocalipsis 22:1

Ũcuarʉmʉ repaʉ ángel chʉ'ʉre Dios ñu'isaivʉ rʉ̃ichejana'me Repaʉ Mamakʉ Ovejachĩija'iʉ ñu'isaivʉ rʉ̃ichejapi eta mevoña'te chiacha rʉa ko'sija'ichaji oko ũkuni jo'e jũnisõma'ñe ai pa'icha'te ñosi'kʉa'mʉ.

El Apocalipsis 22:16

Jesús ija'che i'kamʉ: “Chʉ'ʉ, Jesupi, chʉ'ʉ neekʉre ángel'te saosi'kʉa'mʉ, chʉ'ʉre cuasakuanupʉãre chʉ'ore kʉakaaʉ chini. Aperʉmʉ pa'isi'kʉ David Jojocojñosi'kʉa'mʉ chʉ'ʉ. Chʉ'ʉre cuasanare ũcuanʉkore vañʉʉ miañeja'ñe re'oja'che pa'iche si'ache ĩsikʉ'mʉ chʉ'ʉ”, chiimʉ.