San Juan 1:38 - Koreguaje

³⁸ Tuhajʉna Jesús chʉri ña i'kaasomʉ repanare. —¿Ʉ̃que tuhache mʉsanʉkona chʉ'ʉre? —chiniasomʉ repaʉ. Chikʉna i'kaasome repana. —Masiʉ, ¿keecheja cavʉ'ere pa'iʉ ku'ikʉ mʉ'ʉ? —chiniasome repana.

San Juan 1:38 Iomraidhean Croise

San Lucas 10:39

Repao Marta cho'jeo María ve'easomo. Jesupi kaka pʉʉʉna repaʉ che'choche'te asara chini repaʉ'te kueñe pʉʉasomo repao María.

San Lucas 14:25

Ũcuarʉmʉ Jesús pãipi jainʉko sʉni ku'ijʉna chʉri ña i'kaasomʉ.

San Lucas 15:20

’Jã'aja'ñe chini cuasa co'iasomʉ repaʉ churata'ni. Co'ikʉna repaʉ pʉka'kʉ chuta'a ma'a so'o pa'ikʉni ñaasomʉ repaʉ'te. Ñasi'epi repaʉni oiʉ vʉ'vʉ tijña sũ'ka chũsu pojoasomʉ repaʉ.

San Lucas 19:5

Tuhiʉ cha'akʉna repaʉ Jesús ũcuachejana sani tĩ'a caraipi'rakʉji mʉñe ña sũkiñʉ tuhikʉ'te Zaqueo'te ija'che i'kaasomʉ: —Zaqueo, pesa cajejʉ̃'ʉ. Chura iumucuse mʉ'ʉ vʉ'ena canʉkache paamʉ chʉ'ʉ —chiniasomʉ repaʉ repaʉ'te.

San Lucas 22:61

Chu'iʉna Jesús chʉri ñaasomʉ Pedro'te. Ñakʉna repaʉ Pedro Jesús i'kasi'ere cuasaasomʉ, “Iñami kura chuta'a chu'ima'tona choteñoã, ‘Jesure ñama'kʉa'mʉ chʉ'ʉ’, chiija'mʉ mʉ'ʉ”, chiisi'ere.

San Lucas 8:38

Co'ipi'rakʉna vati paasi'kʉ Jesuni ja'me sasa chini rʉa sẽniasomʉ. Sẽeʉna,

San Juan 1:37

Chikʉna asa repaʉ neena te'eka'chapana Jesure tuhaasome.

San Juan 1:39

Chitena Jesús i'kaasomʉ. —Raijʉ̃'ʉ. Sani ñañu —chiniasomʉ repaʉ. (Reparʉmʉ na'ito chekʉrʉmʉ cuatro pa'icosomʉ.) Chikʉna repaʉ pa'ivʉ'e tuha ña ũcuavʉ'ere pa'ijʉ na'iasome repana.

San Juan 1:49

Chikʉna Natanael i'kaasomʉ repaʉ'te. —Masiʉ, Dios Mamakʉ'mʉ mʉ'ʉ. Israelpãi chʉ̃'ʉkʉ'mʉ —chiniasomʉ repaʉ.

San Juan 12:21

Pa'ijʉ Galilea cheja cajoopo Betsaida vʉ'ejoopo cakʉre Felipe'te mʉa rʉa i'kaasome repana griegopãi. —Jesuni ñañu chiime chʉkʉna —chiniasome repana.

San Juan 18:4

Ũcuarʉmʉ Jesús repaʉ'te ti'jñejañe peore masikʉjekʉ repanare eta tijña sẽesi'kʉa'mʉ. —¿Neeni ku'eche mʉsanʉkona? —chiisi'kʉa'mʉ repaʉ.

San Juan 18:7

Cho'je co'iche tãijʉna repanare jo'e i'kasi'kʉa'mʉ repaʉ. —¿Neeni ku'eche mʉsanʉkona? —chiisi'kʉa'mʉ. Chikʉna jo'e i'kasinaa'me repana. —Nazaret vʉ'ejoopo cakʉni Jesuni ku'eme chʉkʉna —chiisinaa'me repana.

San Juan 3:2

Jesuni ñara chini ñamipi mʉa i'kaasomʉ repaʉ Nicodemo. —Masiʉ, Diopi mʉ'ʉre raocosomʉ pãire che'choa'kʉ chini. Diopi mʉ'ʉre cho'okaima'to Repaʉchi'a cho'omasiche cho'omanera'amʉ mʉ'ʉ. Masime chʉkʉna jã'a —chiniasomʉ repaʉ.

San Juan 3:26

Jã'aja'ñe cho'ocuha repanare paakʉni Juanni i'kañu chini saniasome repana. —Masiʉ, mʉ'ʉ Jordán chiacha ʉ̃sʉʉ mʉikã'ko pa'irʉmʉ mʉ'ʉre ja'me pa'isi'kʉ, mʉ'ʉ ña i'kasi'kʉ Jesupi pãire okoro'vekʉna pãi jainʉko jovojʉasome repaʉ'te —chiniasome repana.

San Juan 4:31

Repana chuta'a tĩ'amarʉmʉ chʉkʉna Jesús neena rʉa i'kasinaa'me repaʉ'te. —Masiʉ, ãu ãijʉ̃'ʉ —chiisinaa'me chʉkʉna.

San Juan 6:25

Repana pãi chiara chekʉkã'ko jẽni tĩ'a Jesure ku'e jñaa sẽesinaa'me. —Masiʉ, mʉ'ʉ, ¿jeerʉmʉ icheja jẽkʉ? —chiisinaa'me repana.

Los Hechos 10:21

Chikʉna Pedro caje ñakʉ ija'che i'kaasomʉ repanare: —¿Ʉ̃que rate mʉsanʉkona? ¿Chʉ'ʉni ku'eche? —chiniasomʉ repaʉ. Chikʉna repana i'kaasome.

Los Hechos 10:29

Jã'ajekʉna chʉ'ʉre soñu chini sainare cuhemairo raisi'kʉa'mʉ chʉ'ʉ. Chura, ¿ʉ̃quere cho'oa'kʉ chini soni raore mʉsanʉkona chʉ'ʉre? chiimʉ chʉ'ʉ.