San Juan 1:24 - Koreguaje

^24-25 Ũcuarʉmʉ Juanre sẽniasaa'jʉ chini fariseopãi saosina repaʉ'te jo'e i'kaasome. —“Pãi ũcuanʉkore chʉ̃'ʉa'kʉ chini Dios Raoja'mʉ chiisi'kʉma'mʉ chʉ'ʉ. Elíama'mʉ chʉ'ʉ. Dios chʉ'o kʉakaikʉma'mʉ chʉ'ʉ. Mʉsanʉkona cha'acojñokʉma'mʉ chʉ'ʉ”, chiikʉta'ni, ¿je'se pa'iʉna pãi okoro'vekʉ mʉ'ʉ? —chiniasome repana.

San Juan 1:24 Iomraidhean Croise

San Mateo 23:26

Mʉsanʉkona fariseopãi rekoñoã cu'ache cuasanaa'me. Jã'ajekʉna mʉsanʉkona rekoñoã cu'ache cuasache'te jo'kasõjʉ̃'ʉ. Jo'kasõni re'oja'che cho'ojʉ pa'ijanaa'me mʉsanʉkona.

San Lucas 11:53

I'ka pi'ni fariseopãiʉ vʉ'e pa'isi'kʉpi etaasomʉ Jesús. Etaʉna judíopãi che'chonana'me fariseopãi pe'rujʉ cu'ache i'kaasome repaʉ'te Jesure. Repaʉji tĩiñe i'kaʉna chẽañu chini chʉ'o rʉa vesache'te si'ache sẽniasome repana.

San Lucas 16:14

Jesupi jã'aja'ñe i'kaʉna asa, fariseopãi kurineenajejʉ pãisoasome repaʉ'te.

San Lucas 7:30

Jã'ata'ni fariseopãina'me judíopãi che'chona, Dios, “Mʉsanʉkona cu'ache cho'oche ũhasõjʉ̃'ʉ”, chiisi'e jachaasome. Dios chʉ̃'ʉñe'te jachajʉ Juanre okoro'vecojñocuheasome repana.

San Juan 1:23

Chitena i'kaasomʉ repaʉ. —Pãi peochejare rani pa'iʉ pãipi raito ʉjachʉ'opi ija'che i'kakʉ chʉ'vamʉ chʉ'ʉ: “Maire Paakʉni cha'ajʉ mʉsanʉkona rekoñoã ma'a rũhiñe pa'ima'a care'vacheja'che, re'ojarekoñoã care'vajʉ pa'ijʉ̃'ʉ.” “Jã'aja'ñe i'kaja'mʉ repaʉ”, chiiʉ aperʉmʉ Isaías, Dios chʉ'o kʉasi'kʉ tocha jo'kaasomʉ, chʉ'ʉ i'kajachere kʉara chini —chiniasomʉ repaʉ Juan.

Los Hechos 23:8

(Saduceopãi, “Jũnisosina jo'e vajʉraima'me”, chiijʉ cuasame. Ũcuachi'a, “Angeles peome”, chiijʉ, “Pãi rekoñoã peome”, chiime repana. Fariseopãita'ni jũnisosina jo'e vajʉraijachena'me ángel pa'ichena'me pãi rekoñoã paache cuasanaa'me.)

Los Hechos 26:5

Chʉ'ʉre rʉa jeerʉmʉ masime repana. Ũcuachi'a põsʉrʉmʉpi chʉ'ʉ fariseopãi chʉ̃'ʉñe cho'okʉ pa'isi'e masime repana. Repanare kʉaʉato jã'are kʉaa'jʉ. Chʉkʉna fariseopãi Dios chʉ̃'ʉsi'ena'me judío phairipãi chʉ̃'ʉsi'e chekʉnare pãi na'a rʉa cuasajʉ cho'onaa'me.