Philip 1:15 - Bunong Bible Latin Script Cambodian dialect

¹⁵ Geh bunuyh aƀă mbơh nkoch nau mhe mhan ueh ma Brah Krist, nuih n'hâm geh nau tâm mâu nach ma gâp, ŭch jêng kuŏng rlau ma gâp, yơn ma geh bunuyh aƀă jât mbơh nkoch ma nuih n'hâm ueh.

Bunong

¹⁵ គែស​ឞូនុយ្ស​អាបាៈ​មឞើស​ងក៝ច​នាវ​មហែ​មហាន​អ្វែស​មា​ឞ្រាស​ក្រីស  នូយ្ស​នហ៝ម់​គែស​នាវ​តឹម​មោ​នាច​មា​គ៝ប់ អុច​ជេង​ក្វ៝ង់​រាលាវ​មា​គ៝ប់ យើន​មា​គែស​ឞូនុយ្ស​អាបាៈ​ជឹត​មឞើស​ងក៝ច​មា​នូយ្ស​នហ៝ម់​អ្វែស។

Nau Brah Ndu Ngơi 2023

¹⁵ Nanê̆ ngăn, geh ƀaƀă bunuyh mbơh nkoch Brah Krist yor ma nau keh nach jêh ri nau tâm pit, ƀiălah geh đŏng phung bunuyh yor ma nau mĭn ueh mbơh nkoch.

Philip 1:15 Iomraidhean Croise

Mathay 23:5

Dâng lĕ ndơ khân păng jan nây, gay ma ăn bu say, jêh ri ăn bu kơp khân păng jêng bunuyh i tâng nau Kôranh Brah rlau bu dơm. Ndri dâng khân păng lơ ma jan kuŏng dŭng i bân vay kât ta bôk, ndrel ma kât ta ti nôk mbơh sơm, ndrel ma jan chiăng ao lơ ma jong jât.

Kôranh Oh Mon 10:36

Khân ay may lĕ gĭt jêh nau mhe mhan ueh Păng lĕ ngơi ma phung Israel hên: Bunuyh dơi geh nau đăp mpăn đah Kôranh Brah yor ma nau khât Kôranh Yêsu Krist. Kôranh Yêsu Krist nây jêng kôranh ma dâng lĕ bunuyh ta neh ntu.

Kôranh Oh Mon 11:20

Yơn ma geh bunuyh ta phung nây ơm tă bơh gôl dak Kipros, ndrel ƀon kuŏng Kiren, hăn ta ƀon Ŏntiyôk. Khân păng mbơh nkoch nau mhe mhan ueh Kôranh Yêsu ăn ma phung i mâu di phung Israel đŏng.

Kôranh Oh Mon 5:42

Jêh ri ăp nar ăp nar ro khân păng ntŭm nti phung ƀon lan, ta jŏng gung nhih jan brah, rŏ jay, ndrel ma mbơh nkoch nau mhe mhan ueh i Brah Yêsu jêng Brah Krist i nơm rklaih phung Israel.

Kôranh Oh Mon 8:35

Philip mbơh nkoch nau mhe mhan ueh Brah Yêsu ăn păng gĭt, ntơm bơh trong Nau Kôranh Brah Ngơi nây.

Kôranh Oh Mon 8:5

Philip i bu lĕ kơih ndrel Satêphan nơh, păng hăn ta du ƀon ta bri Samari. Ta ƀon nây păng mbơh nkoch nau Brah Yêsu jêng Brah Krist i nơm rklaih Kôranh Brah de njuăl.

Kôranh Oh Mon 9:20

Păng dâk ntơm mbơh nkoch ro ma Brah Yêsu jêng Kon Kôranh Brah ta nhih rƀŭn phung Israel êng êng.

Samƀŭt Pôl Njuăl Ăn Ma Phung Nsing Ta Ƀon Rôm 2:8

Yơn ma Păng ji nuih tê̆ dôih hô ngăn ma bu moh i gĭt ma săk păng nơm dơm, bu moh i tâm rdâng ma nau ngăn, nkhơng ma ŭch jan ndơ djơh chrao.

I Kôrintô 1:23

Yơn ma hên, hên hôm mbơh nkoch ma nau Brah Krist khât ta si tâm rkăng, gay ma rklaih bunuyh bơh nau Kôranh Brah tê̆ dôih. Jêh ri phung Israel rlăch mâu ŭch ôh nau i nây, jêh ri phung i mâu di phung Israel kơp nau i nây jêng nau rluk mâl.

I Kôrintô 13:3

Lah gâp sŏ dâng lĕ drăp ndơ gâp nơm pă ăn bu, jêh ri lah gâp jao săk gâp nơm ăn bu gŭch n'grêh yor ma gâp tâng Brah Krist, tih ma mâu geh ôh nau rŏng ma bu, nau i nây mâu geh nau khlay ma gâp du ntil đŏng.

II Kôrintô 1:19

yorlah Brah Yêsu Krist i kon Kôranh Brah i pe nuyh hên mbơh nkoch ăn ma khân ay may nây nơh, geh gâp, geh Silas, nđâp ma Timôthê, hên mbơh nkoch Păng răp jăp nâng, Păng mâu geh ôh ngơi dah ma rplăch năp rplăch kơi, Păng ngơi du tong gĭt lah du tong ro.

II Kôrintô 11:13

Khân păng i nây jêng kôranh oh mon nklă, jêng mpôl mƀrôh, nklă săk khân păng nơm jan kôranh oh mon Brah Krist dơm.

II Kôrintô 12:20

Gâp klach nôk gâp hăn a khân ay may, gâp say khân ay may êng bơh nau i gâp ŭch say, jêh ri khân ay may say gâp êng bơh nau i khân ay may ŭch say đŏng. Gâp rvê klach lah ta khân ay may geh nau tâm rdâng, tâm mâu nach, tâm ji nuih, tâm nkhah mpôl, tâm ngơi kek, tâm ngơi nchơt, tâm mưch, geh nau uh ah.

II Kôrintô 4:5

Hên mâu ôh mbơh nkoch ma săk hên nơm, hên mbơh nkoch Brah Yêsu Krist jêng Kôranh, jêh ri kơp săk hên nơm jêng bunuyh sơm kơl jan kar ăn ma khân ay may yor ma Brah Yêsu.

Galati 2:4

Geh đŏng bunuyh aƀă i ndra jan nsing ma Brah Krist, lăp ntŭng ta phung hên, ŭch Titus koh ntô kađôi, yơn ma phung kôranh ta phung nsing kŏ mâu nchâp păng đŏng. Khân păng man ma lăp gay ma mêt uănh gĭt hên hôm jan tâng dâng lĕ nau vay Môsê mâu lah mâu, khân păng ŭch dâng lĕ phung nsing jan tâng nau vay i nây tâm ban ma jêng dâk ma nau vay i nây, tih ma yorlah Brah Krist lĕ rklaih bu moh i nsing ma Păng, lah ndri mâu hôm khăch ôh jan tâng dâng lĕ nau vay i nây.

Philip 2:3

Lơi ôh jan ndơ ma jêng kuŏng dơm, lơi ôh jan ndơ gay ma n'hi êng săk nơm. Yơn ma ăn njŭr êng săk nơm, jêh ri kơp bu êng kuŏng rlau ma săk nơm.

I Timôthê 3:16

Mâu geh bunuyh dơi tâm rlăch ndơ bơh dŏng dja, dŭt kuŏng ngăn ndơ i Kôranh Brah lĕ nhhơ ăn bân ta nau nsing, ndơ i ndŏp a lor nơh: Kôranh Brah lĕ nhhơ jêh ăn bân gĭt năl Brah Krist i jêng bunuyh ngăn, Brah Huêng Ueh lĕ nhhơ Păng sŏng ngăn, Phung tông păr lĕ say Păng. Bu mbơh nkoch Păng lam phung i mâu di phung Israel, Bu nsing ma Păng ta lam neh ntu dja, Jêh ri Kôranh Brah n'hao Păng gŭ ndrel Păng nơm ta kalơ trôk.