Mathay 18:3 - Bunong Bible Latin Script Cambodian dialect

³ jêh ri lah: “Gâp lah n'hêl nanê̆ ngăn ma khân ay may, lah khân ay may mâu rgâl nuih n'hâm ăn jêng tâm ban ma kon se jê̆, khân ay may mâu ôh dơi lăp ta nau Kôranh Brah mât uănh.

Bunong

³ ជេសរី​លាស៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ លាស​ខាន់​អៃ​មៃ​មោ​រាគ៝ល់​នូយ្ស​នហ៝ម់​អ៝ន់​ជេង​តឹម​ឞាន​មា​ក៝ន​ឆែ​ជេៈ ខាន់​អៃ​មៃ​មោ​អោស​ទើយ​លាប់​តា​នាវ​កោរាញ​ឞ្រាស​ម៝ត់​អ្វាញ់។

Nau Brah Ndu Ngơi 2023

³ jêh ri lah: “Nanê̆, Gâp lah ma khân may, tơlah khân may mâu rgâl jêng nâm bu kon se jê̆, khân may mâu dơi lăp tâm ƀon bri hađăch klơ trôk ôh.

Mathay 18:3 Iomraidhean Croise

Mathay 13:15

Yorlah nuih n'hâm phung ƀon lan dja dăng ko ngăn Tôr khân păng mbŏl. Khân păng nhêp lơi măt Mâu ăn say, Tôr mâu ăn tăng Nau mân gĭt blao mâu ăn vât, ndri khân păng mâu plơ̆ sât ma Gâp, Jêh ri Gâp mâu ŭch jan bah khân păng’.

Mathay 18:2

Brah Yêsu kuăl du huê kon se jê̆ gŭ ta nklang phung khân păng ri,

Mathay 18:4

Bu moh i njŭr săk păng nơm jêng tâm ban ma kon se jê̆ dja, păng i nây jêng kuŏng rlau bu ta nau Kôranh Brah mât uănh.

Mathay 19:14

Yơn ma Brah Yêsu lah: “Ăn phung kon se văch ta Gâp, lơi ôh buay khân păng. Bunuyh i Kôranh Brah mât uănh, khân păng geh kơt ndri đŏng.”

Mathay 19:23

Brah Yêsu lah ma mpôl oh mon Păng: “Gâp lah n'hêl nanê̆ ngăn ma khân ay may, jêr ngăn ma bunuyh ndrŏng lăp ta nau Kôranh Brah mât uănh.

Mathay 5:18

Gâp lah n'hêl nanê̆ ngăn ma khân ay may, lah trôk, ndrel ma neh ntu ê hŏ lôch ôh, mâu geh ôh roh du rplây rso ta samƀŭt Nau Vay i nây, du ntil ta rplây rso dŭt jê̆ mâu roh đŏng, Nau Kôranh Brah Ngơi i nây hôm ƀaƀơ tât lôch dâng lĕ.

Mathay 5:20

Gâp lah ma khân ay may: Lah nau sŏng khân ay may mâu rlau ôh ma nau sŏng phung nơm nti nau vay phung bân, ndrel ma nau sŏng phung Pharisi, khân ay may mâu dơi ôh lăp ta nau Kôranh Brah mât uănh.”

Mathay 6:16

“Nôk khân ay may ăt sông gay ma mbơh sơm, lơi ôh jan muh măt rngot tâm ban ma phung i nhhơ nau ueh ăn bu say ta kalơ ntô dơm. Khân păng jan kơt nây, gay ma ăn bu gĭt lah khân păng ăt sông. Gâp lah n'hêl nanê̆ ngăn ma khân ay may, phung i nây lĕ geh jêh ndơ nkhôm ma khân păng.

Mathay 6:2

Nôk khân ay may ăn ndơ yô̆ ma phung o ach, lơi ôh mbơh ma dâng lĕ bunuyh ma ndơ khân ay may jan i nây tâm ban ma phung i nhhơ nau ueh ăn bu say ta kalơ ntô dơm vay jan ta nhih rƀŭn phung bân, mâu lah rŏ trong, gay ma ăn bu rnê. Gâp lah n'hêl nanê̆ ngăn ma khân ay may, phung i nhhơ nau ueh ăn bu say ta kalơ ntô dơm i nây lĕ geh bu rnê khân păng jêh, Kôranh Brah mâu hôm ôh ăn ndơ ueh ma khân păng jât.

Mathay 6:5

“Nôk khân ay may mbơh sơm, lơi ôh jan tâm ban ma phung i nhhơ nau ueh ăn bu say ta kalơ ntô dơm vay dâk mbơh sơm ta trôm nhih rƀŭn phung bân, ndrel ma ta meng trong, gay ma bu say. Gâp lah n'hêl nanê̆ ngăn ma khân ay may, phung i nây lĕ geh jêh ndơ nkhôm ma khân păng.

Markôs 4:12

Ndri tâm di đah Nau Kôranh Brah Ngơi kăl e nơh: ‘Bol lah khân păng uănh ndơ Gâp jan kŏ mâu vât ndơ khlay nau i nây. Khân păng tăng nau Gâp ngơi kŏ mâu vât đŏng. Lah khân păng vât, khân păng rgâl nuih n'hâm djơh, jêh ri Kôranh Brah yô̆ nđach mâu hôm kơp nau tih khân păng’.”

Luka 13:24

“Trong ta nau rklaih tâm ban ma mpông jay huêt, lah ndri ăn khân ay may nsrôyh lăp rŏ mpông jay huêt i nây. Gâp mbơh ma khân ay may, geh ŏk bunuyh ŭch lăp, tih ma mâu dơi ôh.

Luka 22:32

Yơn ma lĕ Gâp mbơh sơm dăn ma Bơ̆, lơi ăn may bah nsing ma Gâp. Jêh ri tât may plơ̆ sât tay ma Gâp, nsing ma Gâp jât, ăn may kơl oh mon Gâp ăn khân păng nsing nâp ma Gâp.”

Yôhan 1:51

Brah Yêsu lah tay: “Gâp lah n'hêl nanê̆ ngăn ma khân may, jât dja tay khân may say trôk pơk bŏng lahưr, jêh ri say phung tông păr Kôranh Brah hao bơh Gâp jât kalơ trôk, ndrel ma jŭr ta kalơ Gâp i Kon Bunuyh tă bơh Kôranh Brah.”

Yôhan 3:3

Brah Yêsu ơh: “Gâp lah n'hêl nanê̆ ngăn ma may, bu moh mâu deh mhe, păng i nây mâu dơi ôh lăp say ta nau Kôranh Brah mât uănh.”

Yôhan 3:5

Brah Yêsu lah: “Gâp lah n'hêl nanê̆ ngăn ma may, bu moh mâu deh ma dak, nđâp ma nau dơi Brah Huêng Ueh, mâu dơi ôh lăp ta nau Kôranh Brah mât uănh.

Kôranh Oh Mon 14:22

Khân păng nkah phung oh mon ăn geh nuih n'hâm nâp, nđâp ma n'hao nuih n'hâm gay ma ndjôt nâp nau nsing. Khân păng lah: “Bân geh ŏk mâp nau jêr, ri mơ dơi lăp ta nau Kôranh Brah mât uănh.”

Kôranh Oh Mon 28:27

Yorlah nau mân khân păng dja jŏ ngăn vât, Tôr lĕ nsêt, Khân păng lĕ nhêp măt. Kơt ndri dâng khân păng uănh mâu say, Iăt mâu tăng, nau mân khân păng mâu vât. Jêh ri lah khân păng mâu kơt nđa, khân păng rgâl nuih n'hâm plơ̆ sât ma Gâp, Gay ma Gâp jan bah nau ji, ăn khân păng ueh lăng’.

Kôranh Oh Mon 3:19

Lah ndri ăn khân ay may rgâl hŏm nuih n'hâm djơh, plơ̆ sât ma Kôranh Brah hŏm, gay ma Păng yô̆ nđach mâu hôm kơp nau tih khân ay may.

I Kôrintô 14:20

Ơ oh nô ta nau nsing, khân ay may lơi ôh jêng tâm ban ma kon se ta nau mân. Tih ma ta nau jan djơh hŏ ăn khân ay may jêng tâm ban ma oh bê i mâu hŏ blao jan djơh, yơn ma ta nau mân ăn khân ay may jêng tâm ban ma bunuyh lĕ kuŏng.

I Pêtrôs 2:2

Ăn khân ay may nđơr joi nau nti bơh Kôranh Brah, tâm ban ma oh bê ŭch ngăn ma dak toh me, gay ma khân ay may têh kuŏng, ndrel ma tât khân ay may geh nau rklaih ngăn,

II Pêtrôs 1:11

Jêh ri khân ay may mra lăp ta nau Brah Yêsu Krist mât uănh n'ho ro, nđâp ma nau răm maak, jêng nau mât uănh i Kôranh bân, i nơm rklaih bân.