Yuđas 1:9 - Nau Brah Ndu Ngơi 2023

⁹ Nđâp dôl kôranh tông mpăr Mikel tâm rlăch đah brah mhĭk yor săk jăn Y-Môis, păng mâu janh sŏk nau ngơi sưr rlau gay phat dôih, ƀiălah knŏng lah: “Dăn Kôranh Brah nduyh may.”

Bunong Bible Latin Script Cambodian dialect

⁹ Bol lah geh du huê tông păr rnha Mikel jêng kôranh tông păr i dŭt kuŏng, nôk păng tâm rlăch đah Satăng i kôranh mpôl brah djơh ma nau săk Môsê i lĕ khât nây nơh, păng mâu ôh bănh ngơi mưch rmot, ndrel ma mâu ôh bănh phat dôih Satăng, yơn ma păng lah dơm: ‘Dăn Kôranh Brah lah may!’

Bunong

⁹ ឞ៝ល​លាស​គែស​ទូ​ហ្វេ​តោង​ពារ់​រាញា​មីកែល  ​ជេង​កោរាញ​តោង​ពារ់​អី​ទុត​ក្វ៝ង់ នោក​ពាង់​តឹម​រាលាច់​ដាស​ឆាតាង់  ​អី​កោរាញ​មពោល​ឞ្រាស​អ្យើស​មា​នាវ​ឆាក់​មោឆេ  ​អី​លែៈ​ខឹត​នៃ​នើស ពាង់​មោ​អោស​ឞាញ់​ងើយ​មឺច​រាម៝ត នទ្រែល​មា​មោ​អោស​ឞាញ់​ផាត​ទោយ្ស​ឆាតាង់  យើន​មា​ពាង់​លាស​ទើម៖ «ទាន់​កោរាញ​ឞ្រាស​លាស​មៃ!»

Yuđas 1:9 Iomraidhean Croise

I Nau Rêh Jêng 12:17

Y-Đavit văch chuă khân păng jêh ri lah pô aơ: “Tơlah khân păng văch ma gâp ma nau rŏng gay kơl gâp, nuih n'hâm gâp mra rŏng ma khân may. Ƀiălah tơlah khân may ŭch ndơm mƀruh jao gâp ma phung rlăng gâp, nđâp lah mâu geh nau tih ôh tâm ti gâp pônây ăn Brah Ndu phung che he saơ jêh ri nduyh khân may.”

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Daniel 10:13

Kôranh phung hađăch Persi hŏ buay jêh gâp tâm bar jât ma nguay nar. Ƀiălah Mikel, du huê tâm phung kôranh tông mpăr, hŏ văch kơl gâp, jêh ri gâp gŭ ta nây ndrel ma phung hađăch Persi.

Daniel 10:21

Ƀiălah gâp mra mbơh ma may nau bu nchih jêh tâm ndrom samƀŭt nau ngăn. Mâu geh nơm kơl gâp gay ma tâm rdâng đah khân păng, knŏng du huê Mikel, tông mpăr khân may.”

Daniel 12:1

“Tâm rnôk nây, tông mpăr toyh Mikel, nơm king n'gang ma phung ƀon lan may mra dâk. Jêh ri mra geh du rơh uh ah mâu mâp saơ ôh bơh ntơm ndâk njêng bri dak kŏ tât ta rnôk nây. Ƀiălah rnôk nây lĕ, mbu nơm tâm phung ƀon lan may geh amoh tâm ndrom samƀŭt ri mra dơi geh nau tâm rklaih.

Sakari 3:2

Brah Yêhôva lah ma Satan: “Hơi Satan, Brah Yêhôva geh nau dơi nduyh may! Brah Yêhôva, Nơm hŏ săch jêh ƀon Yêrusalem, nduyh may! Mâu di bơh nơm aơ jêng rlŭt ŭnh dôl hit bu rhuăt lơi tă bơh ŭnh?”

Markôs 15:29

Phung hăn rgăn ta nây gơm mưch, rteh bôk jêh ri lah: “Hơ hơ! May jêng nơm ƀư rai ngih brah jêh ri ndâk đŏng tâm pe nar,

Nau Vay Nkah Tay 34:6

Brah Yêhôva tâp păng tâm du ntŭk rlŭng tâm n'gor Môap, tâm tra đah Bet-Pêôr. Kŏ tât nar aơ mâu geh du huê bunuyh dơi gĭt ntŭk bu tâp păng.

I Têsalônik 4:16

Yorlah lah tât nau ăn jêh, ndrel ma bâr kuăl bơh kôranh tông mpăr, jêh ri bâr nŭng Brah Ndu, pô ri Kôranh Brah nơm mra jŭr văch tă bơh trôk. Nôk nây, phung bunuyh khĭt tâm Brah Krist mra dâk rêh tay lor lơn.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

II Pêtrôs 2:11

tâm nôk phung tông mpăr, nđâp lah geh nau ktang jêh ri nau brah lơn, mâu đŏng geh nau ngơi djơh gay phong ma phung toyh nĕ tanăp Kôranh Brah.

Nau Tâm Mpơl 12:7

Nôk nây geh nau tâm lơh ta klơ trôk: Mikel jêh ri phung tông mpăr păng nơm tâm lơh đah bêh nhŭk nhăk; bêh nhŭk nhăk jêh ri phung mbơh păng tâm lơh đŏng.