Yuđas 1:3 - Nau Brah Ndu Ngơi 2023

³ Hơi phung gâp rŏng ơi, gâp ŭch ngăn nchih ma khân may ma nau tâm rklaih he geh ndrel; gâp mĭn ŭch nchih gay n'hao nuih n'hâm khân may tâm lơh yor nau chroh, jêng nau chroh ntăm jêh ma phung kloh ueh du tơ̆ rĭng jêh.

Bunong Bible Latin Script Cambodian dialect

³ Ơ oh nô ta nau nsing i gâp rŏng, gâp nđơr hô ngăn ma nchih nau rklaih ăn ma khân ay may, nau rklaih i dâng lĕ bân lĕ geh jêh. Yơn ma gâp mân iăt ma gâp nchih ma ndơ a êng ăn ma khân ay may, đă khân ay may njrăng ngăn nau nti ma nau nsing bân. Kôranh Brah lĕ ăn nau i nây ma phung ƀon lan Păng nơm, Păng mâu hôm ôh rgâl nau i nây jât.

Bunong

³ អើ​អ៝ស​នោ​តា​នាវ​ញឆីង​អី​គ៝ប់​រ៝ង់ គ៝ប់​នអើរ​ហោ​ងាន់​មា​ញចីស​នាវ​រាក្លាយ្ស​អ៝ន់​មា​ខាន់​អៃ​មៃ នាវ​រាក្លាយ្ស​អី​ទឹង​លែៈ​ឞ៝ន់​លែៈ​គែស​ជេស។ យើន​មា​គ៝ប់​មឹន​អ្យាត់​មា​គ៝ប់​ញចីស​មា​នទើ​អា​អេង​អ៝ន់​មា​ខាន់​អៃ​មៃ ដាៈ​ខាន់​អៃ​មៃ​ញជ្រាង់​ងាន់​នាវ​នតី​មា​នាវ​ញឆីង​ឞ៝ន់។ កោរាញ​ឞ្រាស​លែៈ​អ៝ន់​នាវ​អី​នៃ​មា​ផូង​ប៝ន​លាន​ពាង់​នើម ពាង់​មោ​ហោម​អោស​រាគ៝ល់​នាវ​អី​នៃ​ជឹត។

Yuđas 1:3 Iomraidhean Croise

Nêhêmi 13:25

Gâp nduyh jêh ri rak rtăp khân păng, gâp dong mbang bar pe nuyh mâu lah tôch sŏk khân păng jêh ri lah khân păng sơm ton knŏng ma amoh Brah Ndu pô aơ: “Khân may mâu mra mbloh ôh kon druh khân may đah kon ndăm khân păng mâu lah nđăp kon bu ur druh khân păng đah kon bu klâu ndăm khân may mâu lah ma săk jăn khân may nơm!

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Kôranh Oh Mon 17:3

sŏk Nau Brah Ndu Ngơi rblang jêh ri gĭt rah vah ma Brah Krist dơn jêh nau rêh ni, jêh ri dâk rêh tay tă bơh nau khĭt. Păng lah: “Brah Yêsu jêng Nơm gâp mbơh nkoch ma khân may aơ, Păng yơh Brah Krist.”

Kôranh Oh Mon 18:28

yorlah păng mpơl lĕ tâm rlăch ktang ngăn đah phung Yuđa, sŏk Nau Brah Ndu Ngơi mpơl rah vah Brah Yêsu jêng Brah Krist.

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

Kôranh Oh Mon 28:28

Pôri, ăn khân may gĭt nau Brah Ndu tâm rklaih hŏ mbơh nkoch jêh ma phung bu năch jêh ri khân păng mra gŭ iăt.”

Kôranh Oh Mon 4:12

Mâu hôm geh nau tâm rklaih tâm nơm êng ôh, yorlah tâm dâng trôk mâu geh ôh amoh êng ăn jêh ma kon bunuyh, gay ma he tă bơh nĕ geh nau tâm rklaih.”

Kôranh Oh Mon 6:7

Nau chroh Brah Ndu bu mbơh lơ nar lơ hao jêng; phung oh mon ta ƀon Yêrusalem bĭk rơ̆ âk râk. Âk phung kôranh ƀư brah tông ma nau chroh đŏng.

Kôranh Oh Mon 9:13

Y-Ananias ơh: “Ơ Kôranh Brah, gâp tăng jêh âk bunuyh lah ma nơm nây ƀư djơh hâu ngăn ma phung kloh ueh May tâm ƀon Yêrusalem.

Kôranh Oh Mon 9:22

Ƀiălah Y-Sôl lơ hâu ntop ktang, rblang kloh rah vah đah phung Yuđa ta ƀon Đamas, jêh ri mpơl pô aơ Brah Yêsu jêng Brah Krist.

I Kôrintô 15:3

Gâp mbơh ma khân may nau dŭt khlay jêng nau gâp nơm sŏk dơn jêh, nây jêng Brah Krist khĭt jêh yor nau tih he tĭng nâm nau nchih jêh tâm Nau Brah Ndu Ngơi.

Galati 2:5

Hên mâu ăn nuih n'hâm ma khân păng du ƀât lât, gay ma nau ngăn bơh Nau Mhe Mhan Ueh gŭ nâp ngăn ngên tâm khân may.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Galati 6:11

Uănh hom, lĕ rplay samƀŭt dŭt toyh, bơh ti gâp nơm nchih ma khân may.

Êphêsô 1:1

Y-Pôl, tĭng nâm nau Brah Ndu ŭch jêng kôranh oh mon Brah Yêsu Krist, nchih njuăl ma phung kloh ueh gŭ ta ƀon Êphêsô, jêng phung răp jăp tâm Brah Yêsu Krist.

Nau Vay Nkah Tay 21:9

Pôri khân may hŏ ƀư nau di tanăp măt Brah Yêhôva jêh ri ƀư kloh lơi mham mâu geh nau tih tă bơh khân may.”

Nau Vay Nkah Tay 9:10

Brah Yêhôva hŏ ăn jêh ma gâp bar plơp lŭ bơh nglau ti Brah Ndu nơm nchih, ta klơ nây geh dĭng lĕ nau ngơi Brah Yêhôva hŏ lah jêh ma khân may ta klơ yôk, bơh tâm nklang ŭnh, ta nar tâm rƀŭn.

Philip 1:1

Y-Pôl jêh ri Y-Timôthê, oh mon Brah Yêsu Krist, nchih njuăl ma lĕ rngôch phung kloh ueh tâm Brah Yêsu Krist ta ƀon Philip ndrel ma phung kôranh chiă uănh jêh ri ma phung bunuyh kơl kan.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Kôlôh 1:2

njuăl ma phung kloh ueh jêh ri ma phung oh nâu răp jăp tâm Brah Krist tâm ƀon Kôlôs: Dăn Brah Ndu, Mbơ̆ he, ăn nau yô̆ jêh ri nau đăp mpăn ma khân may.

I Têsalônik 2:2

Ƀiălah nâm bu khân may hŏ gĭt jêh, nđâp lah hŏ dơn nau rêh ni jêh ri nau mưch rmot ta ƀon Philip, hên hôm geh nau janh tâm Brah Ndu gay ntăm ma khân may Nau Mhe Mhan Ueh Brah Ndu ta nklang âk nau tâm rdâng.

I Timôthê 1:18

Hơi Y-Timôthê kon gâp, gâp ntrŭnh nau vay dăp aơ ma may, tĭng nâm lĕ nau mbơh lor ma may bơh kăl e, gay bơh lĕ nau ngơi nây may tâm lơh janh ktang,

I Timôthê 6:12

Ăn yor ma nau chroh tâm lơh janh ktang, pit sŏk nau rêh n'ho ro, jêng nau rêh Brah Ndu kuăl jêh may, jêh ri bơh nây may geh nau mbơh nkoch ueh tanăp phung mbơh.

II Timôthê 1:13

Ma nau chroh jêh ri nau rŏng tâm Brah Yêsu Krist, djôt prăp hom lĕ nau ntĭm nti sŏng may nti jêh tă bơh gâp gay ma ƀư nau bu kơt.

Titus 1:4

Samƀŭt njuăl ma Y-Tit, kon gâp ngăn ndrel tâm nau chroh: Mbơh sơm dăn Brah Ndu jêng Mbơ̆ jêh ri Brah Yêsu Krist, Nơm Tâm Rklaih he, ăn nau yô̆ jêh ri nau đăp mpăn ma may!

ហេឞ្រើ 13:22

Hơi phung oh nâu, ăn nuih n'hâm khân may maak sŏk dơn lĕ nau ntĭnh nkah aơ, yor gâp nchih ma khân may knŏng trăch dơm.

ហេឞ្រើ 6:9

Ơ phung oh nâu hên rŏng ngăn ngên, nđâp tơlah hên ngơi pônây, ƀiălah hên gĭt nanê̆ ma lĕ nau kan ueh lơn bơh phung oh nâu, jêng lĕ ndơ ndrel ma nau tâm rklaih.

I Pêtrôs 5:12

Gâp đă Y-Silvan, nơm gâp uănh nâm bu oh nâu răp jăp ngăn, nchih bar pe rplay gay n'hao nuih n'hâm jêh ri mbơh nkoch ma khân may gĭt, aơ jêng nau yô̆ ngăn bơh Brah Ndu. Gŭ nâp hom tâm nau yô̆ nây.

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

II Pêtrôs 2:21

Ueh lơn khân păng mâu gĭt trong nau sŏng srăng ueh lơn lĕ gĭt ƀiălah rle ndŭr kơi đah nau vay kloh ueh bu ntĭm nti jêh ma khân păng.

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.

Yuđas 1:17

Ƀiălah hơi phung gâp rŏng, kah gĭt hom lĕ nau phung kôranh oh mon Kôranh Brah he jêng Brah Yêsu Krist, mbơh jêh lor.

Yuđas 1:20

Hơi phung gâp rŏng, ndâk njêng hom khân may nơm ma nau chroh dŭt kloh ueh khân may. Mbơh sơm hom tâm Brah Huêng Ueh.

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’