Yuđas 1:24 - Nau Brah Ndu Ngơi 2023

²⁴ Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

Bunong Bible Latin Script Cambodian dialect

²⁴ Ăn rnê nau chrêk lơp Kôranh Brah, Păng dơi njrăng khân ay may mâu jan tih mâu bah nsing, Păng dơi kơl khân ay may gŭ ta bơh năp măt Păng nơm i ntŭk geh nau chrêk lơp, nôk nây khân ay may geh nau răm maak dŭt hô mâu geh ôh du nau ma nduih.

Bunong

²⁴ អ៝ន់​រានេ​នាវ​ច្រេក​លើប​កោរាញ​ឞ្រាស ពាង់​ទើយ​ញជ្រាង់​ខាន់​អៃ​មៃ​មោ​ជាន​តីស​មោ​ឞាស​ញឆីង ពាង់​ទើយ​កើល​ខាន់​អៃ​មៃ​គុ​តា​ឞើស​នាប់​មាត់​ពាង់​នើម​អី​នតុក​គែស​នាវ​ច្រេក​លើប នោក​នៃ​ខាន់​អៃ​មៃ​គែស​នាវ​រាម់​មអាក​ទុត​ហោ​មោ​គែស​អោស​ទូ​នាវ​មា​នទុយ្ស។

Yuđas 1:24 Iomraidhean Croise

Nau Mprơ Ơm 21:6

May ăn ma păng nau ueh lăng ƀaƀơ n'ho ro; Nau Kôranh Brah gŭ ndrel ƀư ma păng hâk răm, răm maak.

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Kan Lêvi 14:11

Kôranh ƀư brah nơm ƀư nau rƀŭn ƀư kloh mra djôt bunuyh dơi geh nau ƀư kloh jêh ri lĕ ndơ nhhơr aơ tanăp Brah Yêhôva ta mpông Ngih Bok Nau Tâm Rƀŭn.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Mathay 25:31

“Tơlah Kon Bunuyh mra văch tâm nau chrêk rmah Păng, ndrel ma lĕ rngôch phung tông mpăr, Păng mra gŭ ta klơ sưng hađăch chrêk rmah.

Mathay 5:12

Maak răm hom, yorlah nau nkhôm ma khân may ta klơ trôk jêng toyh ngăn; yorlah nơm mbơh lor kăl e khân may bu hŏ ƀư mhĭk kơt nây.”

Luka 9:26

Yorlah tơlah mbu nơm mra bêk prêng ma Gâp jêh ri ma nau Gâp ngơi, Kon Bunuyh mra bêk prêng ma bunuyh nây tơlah Păng plơ̆ văch tâm nau chrêk rmah Păng, Mbơ̆ Păng jêh ri phung tông mpăr kloh ueh.

Samƀŭt Pôl Njuăl Ăn Ma Phung Nsing Ta Ƀon Rôm 14:4

Mbu moh may phat dôih oh mon bu? Păng gŭ dâk mâu lah chôt, nây jêng nau kan kôranh păng. Ƀiălah păng mra gŭ dâk, yorlah Kôranh Brah geh nau dơi ăn păng gŭ dâk.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

II Kôrintô 11:2

Yorlah khân may, gâp grang đah nau grang bơh Brah Ndu, yorlah gâp ƀư ndrôi jêh khân may ma knŏng du huê sai, tâm mpơl măt khân ay tâm ban du huê bu ur druh kloh ma Brah Krist.

II Kôrintô 4:14

Yorlah hên gĭt ma Nơm hŏ ƀư ăn Kôranh Brah jêng Brah Yêsu dâk rêh tay, mra ƀư ăn hên dâk rêh tay ndrel ma Brah Yêsu lĕ, jêh ri djôt leo hên ndrel ma khân may lăp tâm nau tâm mpơl Păng.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Êphêsô 5:27

gay tâm mpơl măt ta năp Păng du Phung Ngih Brah Ndu chrêk rmah, mâu têl, mâu nsŭn, mâu geh ndơ tâm ban pônây ôh, ƀiălah kloh ueh jêh ri dŭt ueh ngăn.

Kôlôh 1:22

Ƀiălah aƀaơ Brah Ndu hŏ tâm rnglăp jêh tâm nau khĭt Kon Păng tâm nglay săk, gay ma mpơl khân may tâm nau kloh ueh, mâu geh têl khap, mâu geh nau nduyh tanăp Păng;

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

Kôlôh 3:4

Tơlah Brah Krist jêng nau rêh khân may tâm mpơl, dôl nây khân may mra tâm mpơl đŏng ndrel ma Păng tâm nau chrêk rmah.

II Timôthê 4:18

Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.

Yakơ 2:10

Yorlah mbu nơm djôt prăp lĕ rngôch nau vay, ƀiălah ƀư tih du ntil nau vay, jêng tâm ban ma bunuyh hŏ ƀư tih lĕ rngôch nau vay nây.

I Pêtrôs 4:13

Ƀiălah ndah âk khân may geh kô̆ tâm nau rêh ni ndrel ma Brah Krist, răm maak dŭm nây; gay ma tơlah nau chrêk rmah Păng tâm mpơl, khân may geh đŏng nau răm maak, nau hâk răm ngăn.

II Pêtrôs 1:10

Pôri, hơi oh nâu, srôih lơn đŏng gay gĭt năl ma nau kuăl jêh ri nau săch khân may nơm; ƀư nâm nđĕ khân may mâu mra chêh prah;

Yuđas 1:21

Mât mray hom khân may nơm tâm nau Brah Ndu rŏng. Gŭ kâp hom nau yô̆ nđach bơh Kôranh Brah he jêng Brah Yêsu Krist gay geh nau rêh n'ho ro.

Nau Tâm Mpơl 14:5

Tâm trôm mbung khân păng mâu mâp geh nau mƀruh ôh; khân păng jêng phung bunuyh mâu geh têl khap.