Yuđas 1:12 - Nau Brah Ndu Ngơi 2023

¹² Phung bunuyh nây jêng ndơ ƀơ̆ tâm nau nhêt sa rŏng khân may; khân păng ăt janh nhêt sa blă blơ nhŭl ndrănh ndrăng khân păng, jêh ri knŏng gĭt rvê ma khân may nơm. Khân păng jêng ndâr tŭk mâu geh dak, sial khôm rdu; khân păng jêng lĕ tơm si mâu geh play lôch yan, bar tơ̆ khĭt, đôk tŏk lŏk reh.

Bunong Bible Latin Script Cambodian dialect

¹² Nôk khân ay may gŭ sông sa ndrel gay ma nhhơ nau rŏng Kôranh Brah, khân păng jêng tâm ban ma ndơ ƀơ̆ ƀơch tâm ban ma geh ntăk ta bok ao i pih mâu hôm dơi kloh, sông sa iăt ma hơm ndŭl khân păng nơm dơm, mâu geh ôh nau đit prêng. Khân păng mâu geh khlay jêng tâm ban ma n'hâm mih i mâu hoch mih i sial de dah ma rdu, tâm ban ma tơm si i mâu geh play ta khay play, rlau bơh nây jât tơm si i lĕ rôk kloh reh lĕ khât ngăn.

Bunong

¹² នោក​ខាន់​អៃ​មៃ​គុ​ឆោង​ឆា​នទ្រែល​គៃ​មា​ញហើ​នាវ​រ៝ង់​កោរាញ​ឞ្រាស ខាន់​ពាង់​ជេង​តឹម​ឞាន​មា​នទើ​បឹ​បើច​តឹម​ឞាន​មា​គែស​នតាក់​តា​ឞ៝ក​អាវ​អី​ពីស​មោ​ហោម​ទើយ​ក្ល៝ស ឆោង​ឆា​អ្យាត់​មា​ហើម​នទុល​ខាន់​ពាង់​នើម​ទើម មោ​គែស​អោស​នាវ​ដីត​ព្រេង។ ខាន់​ពាង់​មោ​គែស​ខ្លៃ​ជេង​តឹម​ឞាន​មា​នហ៝ម់​មីស​អី​មោ​ហ៝ច​មីស​អី​ឆ្យាល​ទែ​ទាស​មា​រាទូ តឹម​ឞាន​មា​តើម​ឆី​អី​មោ​គែស​ព្លៃ​តា​ខៃ​ព្លៃ រាលាវ​ឞើស​នៃ​ជឹត​តើម​ឆី​អី​លែៈ​រោក​ក្ល៝ស​រែស​លែៈ​ខឹត​ងាន់។

Yuđas 1:12 Iomraidhean Croise

II Nau Rêh Jêng 7:20

nôk nây Gâp mra rôk lơi khân may luh du bơh bri Gâp hŏ ăn jêh ma khân may. Bi ma ngih brah Gâp hŏ ƀư kloh ueh ma amoh Gâp, Gâp mra mƀăr lơi păng bơh Gâp, jêh ri mra ăn păng jêng du bôk nau mprĭng ma lĕ rngôch phung ƀon lan ngơi hôr juar jêh ri gơm mpray.

Ndrom Samƀŭt bơh Yôp 8:17

Reh păng ƀăr jŭm mbŭch lŭ Sŏr jru tâm nklang nđa lŭ.

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 37:2

Yorlah mâu jŏ ôh bu mra rek khân păng nâm bu gơ̆, Jêh ri mra klêu tâm ban ma gơ̆ nse.

Nau Hôr 25:14

Mbu nơm ntưih săk mƀruh nchơt ma ndơ păng nơm nhhơr Nâm bu geh tŭk, geh sial, mâu geh mih.

Êsêkiêl 17:9

Lah hom ma khân păng: ‘Kôranh Brah Yêhôva lah: Tơm krăk ƀâu chăt hao ueh lĕ? Klang nây mâu hĕ păng rôk lơi reh, grăch lơi play jêh ri ƀư kro lĕ ƀhiau n'ha nse păng mhe chăt lĕ? Mâu ŭch ôh geh nting tur dăng ktang, mâu lah âk bunuyh ri mơ ƀư rôk reh păng.

Êsêkiêl 34:10

Kôranh Brah Yêhôva lah: ‘Aơ Gâp tâm rdâng đah phung rmăk biăp nây jêh ri Gâp dăn mplơ̆ sĭt tay biăp Gâp tă tâm ti khân păng. Gâp mâu hôm ăn khân păng chiăp đŏng ôh biăp Gâp, jêh ri khân păng ăt mâu dơi lĕ chiăp êng khân păng nơm đŏng ôh. Gâp mra tâm rklaih biăp Gâp luh du tă bơh trôm mbung khân păng gay biăp mâu ƀư ôh ndơ sa ăn ma khân păng.’

Êsêkiêl 34:18

Phung khân may sa gơ̆ tâm ndrêch gơ̆ nse ueh mâu hŏ tŏng hĕ dĭng khân may sŏk jâng jot plên lơi gơ̆ hôm e? Khân may nhêt dak rsang mâu hŏ tŏng hĕ dĭng khân may sŏk jâng nchŭ lơi ăn rkhăl dak hôm e rmeh?

Êsêkiêl 34:2

“Hơi kon bunuyh, mbơh lor hom nau tâm rdâng đah phung rmăk leo Israel; mbơh lor hom jêh ri lah ma phung rmăk leo nây pô aơ: ‘Kôranh Brah Yêhôva lah: Rêh ni ngăn ma phung rmăk leo Israel jêng bunuyh knŏng mĭn siăm êng khân may nơm! Mâu di hĕ phung rmăk leo mra siăm phung biăp lĕ?

Êsêkiêl 34:8

Kôranh Brah Yêhôva lah: ‘N'hêl nanê̆ tĭng nâm Gâp gŭ rêh mra mrăng, yorlah mâu geh bunuyh rmăk leo rĭ dĭng phung biăp Gâp hŏ ƀư mpa sa jêh ri hŏ jêng ndơ sa ma lĕ rngôch ntil mpô mpa bri. Phung rmăk biăp Gâp ăt mâu lĕ ŭch joi biăp Gâp, ƀiălah khân păng siăm êng khân păng nơm ƀiălah mâu ŭch ôh siăm phung biăp Gâp.’

Ndrom Samƀŭt bơh Ôsê 6:4

Mâm Gâp mra ƀư ma may, hơi Êphraim? Mâm Gâp mra ƀư ma may, hơi Yuđa? Nau rŏng khân may ăn Ma Gâp tâm ban ma ndâr ntŭk nkân ang ôi, Nâm bu dak ngom gơnh sơh.

Kan Lêvi 14:43

Ƀiălah tơlah hŏ tăk lơi lŭ jêh, poih ngih jêh ri lĭr tay, ƀiălah ƀlak mbrĭng nây ăt hôm mpơl tâm ngih

Mathay 13:6

Ƀiălah nôk geh nar luh, duh nđat păng kro ro, yorlah mâu geh reh.

Mathay 15:13

Păng plơ̆ lah: “Moh tơm si Mbơ̆ Gâp klơ trôk mâu mâp tăm, ăn bu mra rôk lơi.

Markôs 4:6

Ƀiălah nôk geh nar luh, duh nđat păng kro klêu ro yorlah mâu geh reh.

Luka 12:45

Ƀiălah tơlah oh mon nây lah tâm nuih n'hâm păng: ‘Kôranh gâp ê hŏ plơ̆ sĭt ro ôh,’ pônây păng ntơm dong mbang oh mon bu klâu, oh mon bu ur, jêh nây sông sa nhêt nhŭl ndrănh.

Luka 16:19

“Geh jêh du huê bunuyh ndrŏng nsoh ao chăng krăk jêh ri ao bok mhay rhên, ăp nar nhêt sa răm maak ngăn.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Luka 8:6

ƀaƀă tŭp ta lŭ, nôk mhe chăt hon, kro klêu ro, yorlah mâu geh nau nđik;

Êphêsô 4:14

Kơt nây, he mâu mra hôm jêng kon se ôh, geh nau rpuh njach jêh ri rdu tĭng sial khôm nau nti nklă, tă bơh nau plĕch rlăm kon bunuyh jêh ri lĕ nau blau nklă khân păng ndơm mƀruh.

Philip 3:19

Nau nglĕ dŭt khân păng jêng nau rai roh. Khân păng sŏk ndŭl khân păng nơm jêng kôranh brah khân păng nơm, sŏk nau đit prêng jêng nau chrêk rmah, jêh ri knŏng mĭn ma lĕ nau kan tâm neh ntu.

I Timôthê 5:6

Ƀiălah mbu jêng bu ur ndrô gŭ rêh tâm nau mpŭng prăk blă blơ, nđâp lah gŭ rêh tâm ban ma khĭt đŏng.

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

Yakơ 5:5

Khân may gŭ rêh sa kah vah ngi, răm maak tâm neh ntu nây; khân may mât rong lay nuih n'hâm khân may nơm tâm nar sreh nkhĭt;