Yôsuê 9:9 - Nau Brah Ndu Ngơi 2023

⁹ Khân păng plơ̆ lah: “Phung oh mon may văch tă bơh du n'gor bri ngai ngăn, yor hên tăng ma amoh Brah Yêhôva jêng Brah Ndu khân may. Yorlah hên tăng lư jêh nau bu nkoch bri ma Păng, jêh ri lĕ nau Păng ƀư jêh tâm n'gor Êjipt;

Yôsuê 9:9 Iomraidhean Croise

I Phung Hađăch 8:41

Rlau ma nây, lah du huê bu năch jêng bunuyh mâu jêng ôh phung ƀon lan Israel May, ƀiălah yor tăng amoh May păng văch tât tă bơh n'gor ngai

Nêhêmi 9:5

Phung Lêvi jêng Y-Jêsua, Y-Katmiêl, Y-Bani, Y-Hasapnia, Y-Sêrêbia, Y-Hôdia, Y-Sêbania, jêh ri Y-Pêthahia lah: “He dâk hom, tâm rnê ma Yêhôva Brah Ndu he, Jêng Nơm n'ho ro! Mât ton tâm rnê amoh chrêk rmah May, Amoh geh nau yơk lơn ma lĕ rngôch nau mât ton jêh ri nau tâm rnê.

Nau Mprơ Ơm 148:13

Ăn lĕ rngôch ndơ tâm rnê ma amoh Yêhôva! Yorlah knŏng amoh Păng yơh khư yơk mbah! Nau chrêk rmah Păng ta klơ lơn ma neh ntu jêh ri ma lĕ ndâr trôk.

Nau Mprơ Ơm 72:19

Khư mprơ tâm rnê amoh chrêk rmah Păng tât n'ho ro! Ăn lam neh ntu dơi bêng ma nau chrêk rmah Păng! Amen! Amen!

Nau Mprơ Ơm 78:12

Tâm n'gor Êjipt, tâm bri Sôan. Păng ƀư lĕ nau mbên khlay tanăp phung chô yau khân păng.

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Ngluh Êjipt 15:14

Lĕ phung ƀon lan tăng jêh nau nây klach râm sâr da dê, Nau klach krit lăp tâm phung Philistin.

Nau Ngluh Êjipt 9:16

Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Nau Kơp Bunuyh 14:15

Tơlah Kôranh Brah nkhĭt lơi lĕ phung ƀon lan aơ nâm bu nkhĭt du huê bunuyh, lĕ bri dak hŏ tăng jêh nkoch ma Kôranh Brah mra lah:

Nau Kơp Bunuyh 20:14

Tă bơh Kadês, Y-Môis prơh phung mbơh hăn tâm mâp đah hađăch n'gor Êđôm, lah pô aơ: “Israel jêng oh hađăch, păng lah: Hađăch gĭt jêh lĕ nau rêh ni hŏ tât ma hên

Kôranh Oh Mon 8:7

yorlah geh âk brah ƀơ̆ ƀơch nter ktang ngăn du luh bơh âk bunuyh geh brah mhĭk lơh; âk bunuyh ji jâng ti jêh ri bunuyh rvĕn bah da dê.

Nau Vay Nkah Tay 20:11

Tơlah khân păng dơn nau ƀư đăp mpăn jêh ri pơk mpông ƀon ma khân may, pôri lĕ rngôch phung ƀon lan gŭ tâm ƀon nây mra pah kan jêh ri ƀư dĭk ma khân may.

Nau Vay Nkah Tay 20:15

Ăn khân may ƀư hom tâm ban pônây ma lĕ phung ƀon gŭ ngai ngăn đah khân may, jêng lĕ ƀon mâu di ôh phung ndŭl mpôl gŭ ta nây.

Yôsuê 9:10

hŏ tăng jêh lĕ nau Păng hŏ ƀư ma bar hê hađăch phung Amôrit gŭ đah ri dak krong Yurdan, jêng Y-Sihôn, hađăch Hêsbôn, jêh ri Y-Ôk, hađăch bri Basan gŭ ta Astarôt.

Yôsuê 9:16

Ƀiălah pe nar pakơi, jêh ƀư nau tâm rnglăp đah khân păng, phung Israel gĭt ma khân păng jêng phung chiau meng khân păng nơm jêh ri gŭ dăch ma khân păng.

Yôsuê 9:17

Yor ri, phung ƀon lan Israel dâk hăn trong, jêh ri tât ta ƀon khân păng nar tal pe. Lĕ ƀon khân păng jêng ƀon Gibêôn, ƀon Chêphira, ƀon Bêrôt, jêh ri ƀon Kiriat-Jêarim.

Yôsuê 9:24

Khân păng plơ̆ lah ma Y-Yôsuê: “Yorlah phung oh mon may gĭt nanê̆ ngăn Yêhôva Brah Ndu khân may ntăm jêh ma Y-Môis, oh mon Păng, ăn lĕ n'gor aơ ma khân may, jêh ri ƀư rai lĕ rngôch bunuyh gŭ tâm bri nây. Yor nây, hên klach khân may khĭt nau rêh hên rĭ dĭng hên ƀư nâm pônây.