Yôsuê 9:4 - Nau Brah Ndu Ngơi 2023

⁴ khân păng dŏng nau ndơm: Khân păng jan ƀư phung mbơh, sŏk dŭng ơm n'gân ta seh bri khân păng, săng nglik khân păng văn nông ndrănh lĕ ơm, hêk tă jĭm tay,

Yôsuê 9:4 Iomraidhean Croise

Nau Ntơm 34:13

Phung kon bu klâu Y-Yakôb ơh ma Y-Sichem jêh ri ma Y-Hamôr, mbơ̆ păng, ma nau ndơm, yorlah Y-Sichem ƀư ƀơ̆ jêh H'Dina, oh bu ur khân păng.

Nau Mprơ Ơm 119:83

Yorlah gâp jêng nâm bu nông ntâu krêp nhhuay ŭnh, Ƀiălah ăt gâp mâu chuêl ôh nau vay May dăp.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Mathay 9:17

Mâu lĕ bu troch ndrănh mhe tâm nông ntâu ơm; tơlah ƀư kơt nây, nông mra đang, ndrănh hoch luh, jêh ri nông mra rai. Ƀiălah bu troch ndrănh mhe tâm lăp tâm nông ntâu mhe gay lĕ bar dơi prăp ăn ueh.”

Markôs 2:22

Mâu đŏng geh bunuyh troch ndrănh mhe tâm nông ntâu ơm; lah ƀư pônây, ndrănh mra ƀư đang nông ntâu, ndrănh roh lĕ jêh ri nông ntâu mâu hôm ôh; ƀiălah ndrănh mhe dơm tâm nông ntâu mhe.”

Luka 16:8

Kôranh păng tâm rnê ma bunuyh mât uănh ngih kue nây ƀư blau gĭt mĭn ngăn kơt nây. Yorlah phung kon rnôk aơ blau rlau lơn phung kon nau ang tâm nau gŭ ngao ma phung băl khân păng.

Yôsuê 9:12

Aơ jêng piăng let hên: Nar hên ntơm hăn bơh ngih hên gay văch ta khân may, hên djôt piăng let nây prăp ma ndơ sông sa ma nau hăn nsong, ta nar nây piăng let aơ hôm duh ngăn, ƀiălah aƀaơ aơ păng lĕ kro jêh ri chah hăch jêh;

Yôsuê 9:13

lĕ nông ntâu aơ jêng mhe tơlah hên troch bêng ndrănh, ƀiălah aƀaơ aơ lĕ sat jêh; bi ma kho ao jêh ri ntâu jot hên sat jêh yor hăn trong ngai ngăn.”

Yôsuê 9:3

Ƀiălah dôl phung Gibêôn tăng nau Y-Yôsuê ƀư jêh ma Yêrikô jêh ri Ai

Yôsuê 9:5

jâng khân păng nsoh ntâu jot ơm mhe jĭm tay, jêh ri khân păng nsoh bok ao lĕ ơm sat. Lĕ rngôch piăng let khân păng prăp nkrem lĕ kro jêh ri chah hăch jêh.