Yôsuê 9:1 - Nau Brah Ndu Ngơi 2023

¹ Tơlah tăng nau nây, lĕ rngôch phung hađăch gŭ kơh ri dak krong Yurdan, mâu lah gŭ ta klơ yôk, tâm dâng jâng yôk, mâu lah rgŏ kơh Dak Mƀŭt Toyh tâm tham ma Liban, jêng phung hađăch phung Hitit, phung Amôrit, phung Kanaan, phung Pêrisit, phung Hivit jêh ri phung Jêbusit,

Yôsuê 9:1 Iomraidhean Croise

II Samuel 24:7

Khân păng tâm ban đŏng hăn tât ma pôih ƀon Tyre, lăp tâm lĕ rngôch ƀon phung Hivit jêh ri phung Kanaan. Jêh nây khân păng hăn ma nkual Nêgep n'gor Yuđa ta Bêr-Sêba.

Nau Ngluh Êjipt 23:23

Yorlah tông mpăr Gâp mra hăn panăp kon, njŭn kon mŭt tâm n'gor phung Amôrit, Hitit, Pêrisit, Kanaan, Hivit jêh ri Jêbusit; jêh ri Gâp mra ƀư rai lơi khân păng.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Nau Ngluh Êjipt 34:11

Njrăng hom ma nau gâp ntĭnh ma may nar aơ. Aơ, Gâp mra nsot tă bơh tanăp khân may phung Amôrit, phung Kanaan, phung Hitit, phung Pêrisit, phung Hivit, jêh ri phung Jêbusit.

Nau Kơp Bunuyh 13:29

Phung Amalek gŭ ta Nêgep; phung Hitit, phung Jêbusit jêh ri phung Amôrit gŭ tâm n'gor klơ dor yôk; jêh ri phung Kanaan gŭ dăch dak mƀŭt jêh ri njŏ tĭng kơh dak krong Yurdan.”

Nau Kơp Bunuyh 34:6

Ta n'har mpeh nhâp nar mra geh Dak Mƀŭt Toyh. Nây jêng n'har mpeh nhâp nar khân may.

Nau Vay Nkah Tay 1:7

Aƀaơ, hăn plơ̆ hom jêh ri hăn tay, lăp ta n'gor klơ dor yôk phung Amôrit jêh ri tâm lĕ nkual chiau meng, jêng lăp ta nkual Arabah, n'gor klơ dor yôk, nkual Sêphêla, nkual Nêgep, jêh ri n'gor kơh dak mƀŭt, hăn tât ta n'gor phung Kanaan jêh ri Liban, tât ta dak krong toyh jêng dak krong Ơphrat.

Nau Vay Nkah Tay 3:25

Gâp dăn ma Kôranh Brah ăn gâp dơi vay hăn rgăn jêh ri saơ n'gor ueh, n'gor klơ dor yôk ueh nây jêh ri dor Liban mpeh đah ri dak krong Yurdan.’

Nau Vay Nkah Tay 4:49

nđâp lĕ neh lâng klơ dor Arabah đah ri dak krong Yurdan, mpeh luh nar, kŏ tât ta Dak Mƀŭt Khĭt, tâm dâng jâng yôk Pisga.

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

Yôsuê 1:15

kŏ tât Brah Yêhôva ăn nau rlu ma phung oh nâu khân may, tâm ban hŏ ăn jêh ma khân may, jêh ri khân păng tâm ban đŏng dơn neh Yêhôva Brah Ndu khân may ăn ma khân păng. Jêh nau nây khân may mra plơ̆ sĭt pit sŏk drăp ndơn jêng neh Y-Môis, oh mon Brah Yêhôva, ăn jêh ma khân may mpeh đah aơ dak krong Yurdan, mpeh luh nar.”

Yôsuê 1:4

Nkual neh khân may mra sŏk ntơm bơh bri rdah jêh ri bri Liban aơ tât ta dak krong toyh, jêng dak krong Ơphrat, lĕ bri phung Hitit tât ta Dak Mƀŭt Toyh mpeh nhâp nar.

Yôsuê 10:23

Khân păng ƀư pônây, djôt leo prăm nuyh hađăch nây luh bơh trôm lŭ jêh ri njŭn leo văch ma păng, nĕ jêng hađăch ƀon Yêrusalem, hađăch ƀon Hêbron, hađăch ƀon Jarmut, hađăch ƀon Lakis, jêh ri hađăch ƀon Êglon.

Yôsuê 11:17

bơh mpeh yôk Halak hao mpeh Sêir tât ma ƀon Baal-Gat tâm rlŭng Liban, tâm dâng jâng yôk Hermôn. Păng nhŭp lĕ hađăch n'gor nây, lơh jêh ri nkhĭt khân păng.

Yôsuê 13:5

N'gor neh phung Gêbalit, jêh ri lĕ bri Liban mpeh luh nar, ntơm bơh Baal-Gat ta jâng yôk Hermôn tât ma ntŭk lăp Hamat.

Yôsuê 15:12

Bi n'har mpeh nhâp nar jêng kơh Dak Mƀŭt Toyh. Nây jêng n'har văr jŭm phung kon sau Y-Yuđa, tĭng nâm ăp rnăk vâl khân păng.

Yôsuê 22:4

Aƀaơ ri, Yêhôva Brah Ndu khân may ăn jêh ma phung oh nâu khân may rlu đăp mpăn di tĭng nâm nau Păng ton jêh ma khân păng. Pônây plơ̆ sĭt hom ma ngih khân may tâm n'gor neh jêng ndơ khân may, Y-Môis, oh mon Brah Yêhôva ăn jêh ma khân may ta kơh đah ri dak krong Yurdan.

Yôsuê 22:7

Y-Môis ăn jêh drăp ndơn ma du n'gul ndŭl mpôl Manasê ta Basan; bi Y-Yôsuê ăn jêh drăp ndơn ma du n'gul hôm e ndrel ma phung oh nâu khân păng ta đah aơ dak krong Yurdan, mpeh nhâp nar. Tơlah Y-Yôsuê ăn khân păng plơ̆ sĭt ma ngih khân păng jêh ri păng ăn nau ueh uĭn ma khân păng

Yôsuê 23:4

Aơ, gâp nchroh n'hôr jêh ăn neh ma lĕ ndŭl mpôl khân may jêng drăp ndơn khân may jêh ri nđâp ma lĕ rngôch neh phung gâp ƀư rai jêh, bơh dak krong Yurdan tât ta Dak Mƀŭt Toyh, mpeh nhâp nar.

Yôsuê 24:11

Jêh khân may rgăn dak krong Yurdan, hŏ tât jêh ma ƀon Yêrikô. Phung ƀon lan Yêrikô, tâm ban ma phung Amôrit, phung Pêrisit, phung Kanaan, phung Hitit, phung Girgasit, phung Hivit, jêh ri phung Jêbusit hăn lơh khân may, jêh ri Gâp jao jêh khân păng tâm ti khân may.

Yôsuê 3:10

Jêh ri Y-Yôsuê lah: “Yor nau nây, khân may mra gĭt ma Brah Ndu gŭ rêh mro mrăng gŭ ta nklang khân may, Păng mra mprơh lĕ phung Kanaan, phung Hitit, phung Hivit, phung Pêrisit, phung Girgasit, phung Amôrit, jêh ri Jêbusit du tă bơh năp khân may.

Yôsuê 3:17

Phung kôranh ƀư brah tung Hip Nau Tâm Rnglăp Brah Yêhôva gŭ nsrâng ta neh sơh tâm nklang dak krong Yurdan, dôl lĕ rngôch phung Israel hăn rgăn ta neh sơh, kŏ tât lĕ rngôch phung ƀon lan rgăn jêh dak krong Yurdan.

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

Yôsuê 6:27

Pônây Brah Yêhôva gŭ ndrel ma Y-Yôsuê, jêh ri păng geh nau lư n'găr lam bri.

Yôsuê 9:7

Phung ƀon lan Israel lah ma phung Hivit: “Klăp lah khân may gŭ dăch ma hên, mâm ƀư hên dơi ƀư nau đăp mpăn đah khân may?”