Yôsuê 7:6 - Nau Brah Ndu Ngơi 2023

⁶ Y-Yôsuê nkhêk ao păng nơm jêh ri nđâp ma phung bu ranh Israel păn muh măt ta neh panăp Hip Nau Tâm Rnglăp Brah Yêhôva kŏ tât kêng măng jêh ri sui neh muy ta klơ bôk khân păng nơm.

Yôsuê 7:6 Iomraidhean Croise

Nau Ntơm 37:29

Nôk Y-Ruben plơ̆ tay ta ntu nây, mâu saơ ôh Y-Yôsep gŭ tâm dâng nây, pôri păng nkhêk ao păng nơm,

Nau Ntơm 37:34

Y-Yakôb nkhêk kho ao, sŏk bok ƀau mbăn ta bŭt jêh ri rngot klâng ma kon păng jŏ nar.

II Samuel 1:11

Y-Đavit khêk ao păng nơm; lĕ rngôch phung tĭng ndô̆ păng tâm ban lĕ ƀư pônây da dê.

II Samuel 1:12

Khân păng gŭ klâng rngot, nhĭm, jêh ri ver ât sông sa kŏ tât kêng măng yorlah Y-Sôl jêh ri Y-Jônathan, kon bu klâu păng, yor phung ƀon lan Brah Yêhôva jêh ri yor ngih Israel, yorlah phung hŏ cha lôt khĭt jêh đah đao.

II Samuel 1:2

Tât nar rơh pe, geh du huê bu klâu văch tât tă bơh pôih Y-Sôl, kho ao păng lĕ hêk, bôk tôr păng krêp neh muy. Nôk tât tanăp Y-Đavit, păng chon mon ta neh jêh ri mbah.

II Samuel 12:16

Yor ma kon Y-Đavit mbơh sơm ma Brah Ndu, hađăch ver ât sông sa jêh ri lăp tâm jrô kuen ta neh du năng kŏ ang.

II Samuel 13:19

H'Tamar sui ŭnh buh ta klơ bôk, nkhêk lơi ao jâr, jêh ri sŏk ti ut klơ bôk, hăn nhĭm rjai rŏ trong.

II Samuel 13:31

Hađăch dâk nkhêk ao păng jêh ri kuen bê̆ch ta neh. Lĕ rngôch phung oh mon hađăch gŭ êp tâm ban đŏng nkhêk ao khân păng nơm.

II Phung Hađăch 22:11

Lah tăng lĕ nau ngơi tă bơh ndrom samƀŭt nau vay, hađăch nkhêk ro ao păng nơm.

II Nau Rêh Jêng 34:19

Lah hađăch tăng jêh nau ngơi tâm ndrom samƀŭt nau vay nây, păng nkhêk ro bok ao păng.

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Nêhêmi 9:1

Ta nar bar jât ma puăn khay nây, phung Israel tâm rƀŭn ma nau ât sông sa, nsoh ƀau jêh ri sui neh muy klơ bôk khân păng.

Êsther 4:1

Tơlah Y-Môrdêkai gĭt jêh ma lĕ nau tât nây, păng nkhêk ao păng, nsoh kho ao ƀau jêh ri sui buh klơ bôk jêh ri luh hăn ta nklang ƀon, nter huy nhĭm rngot ngăn.

Êsther 4:3

Tâm ăp n'gor, ta ntŭk nau hađăch ntrŭnh jêh ri samƀŭt nau ntrŭnh lĕ tât jêh, pôri tâm phung Yuđa geh nau nhĭm nhhiăng rngot ngăn, ver ât sông sa, nhhiăng nhĭm, rngot rvê, jêh ri geh đŏng âk phung nsoh kho ao ƀau bê̆ch klơ buh.

Ndrom Samƀŭt bơh Yôp 1:20

Y-Yôp dâk ro, nkhêk ao păng jêh ri poih bôk jêh nây chon mon ta neh mbah yơk

Ndrom Samƀŭt bơh Yôp 2:12

Bơh ngai, khân păng n'gơr măt uănh ƀiălah mâu gĭt năl Y-Yôp. Tât dăch, khân păng nhĭm nteh, ăp bunuyh nkhêk ao khân păng nơm, sui ndruyh let trôk jêh ri klơ bôk khân păng nơm.

Ndrom Samƀŭt bơh Yôp 42:6

Yor nây, gâp tâm rmot êng gâp nơm. Jêh ri rmal nau tih tâm ndruyh neh.”

Nau Nhĭm Vơl 2:10

Phung kôranh bu ranh kon bu ur ƀon Siôn Răk klăk gŭ ta klơ neh; Bôk pot neh muy, Săk jăn nsoh ƀau mhay. Phung bu ur druh ƀon Yêrusalem Kŭnh bôk êp ta neh.

Nau Kơp Bunuyh 14:6

Y-Yôsuê, kon bu klâu Y-Nun, jêh ri Y-Kalep, kon bu klâu Y-Jêphunê, jêng bar hê tâm lĕ phung hăn n'hut uănh jêh n'gor, nkhêk bok ao khân păng nơm.

Nau Kơp Bunuyh 16:22

Bar hê khân păng chŭn muh măt ta neh jêh ri lah: “Ơ Kôranh Brah jêng Brah Ndu ăn n'hâm ma lĕ rngôch nglay săk! Knŏng geh du huê bunuyh ƀư tih, ƀiălah May ji nuih nđâp ma lĕ rngôch bunuyh tâm rƀŭn lĕ?”

Nau Kơp Bunuyh 16:45

“Du ngai hom tă bơh phung tâm rƀŭn aơ, Gâp mra ƀư rai khân păng ƀât lât dơm.” Ƀiălah bar hê khân păng chŭn muh măt ta neh,

Kôranh Oh Mon 14:14

Ƀiălah bar hê kôranh oh mon jêng Y-Ƀarnaƀas jêh ri Y-Pôl gĭt nau nây, khân păng nkhêk ao khân păng nơm, rduh lăp tâm nklang phung âk jêh ri ngơi huy:

Yôsuê 7:7

Y-Yôsuê lah: “Ơ! Kôranh Brah Yêhôva, mâm ƀư May djôt leo phung ƀon lan aơ rgăn dak krong Yurdan, jêh ri jao hên tâm ti phung Amôrit gay ƀư rai lơi hên? Vư! Ueh lơn hên gŭ ta kơh tê̆ dak krong Yurdan?

Nau Tâm Mpơl 18:19

Khân păng suy ndruyh neh ta klơ bôk khân păng nơm, nhĭm nhhiăng, lŭng nter, klâng ndrê, jêh ri lah: “Rêh ni ngăn! Rêh ni ngăn! Hơi ƀon dŭt toyh aơ, Tă bơh nau păng ndrŏng ƀư ndrŏng ma lĕ rngôch phung geh kumpăn ta dak mƀŭt; ƀiălah knŏng tâm du mông ƀon nây rai ƀhiau jêh!

Phung Kôranh Phat Dôih 11:35

Y-Jêptê saơ jêh păng luh du, păng nkhêk ro bok ao păng nơm jêh ri lah: “Hơi kon! Kon bu ur gâp, kon ƀư ăn ma gâp rngot hâu ngăn ngên! Kon jêng nau uh ah toyh ma gâp! Yorlah gâp ngơi jêh nau ton sơm tanăp Brah Yêhôva jêh ri mâu dơi rgâl ôh.”

Phung Kôranh Phat Dôih 20:23

Phung ƀon lan Israel hăn hao jêh ri nhĭm panăp Brah Yêhôva kŏ tât kêng măng. Khân păng ôp ma Brah Yêhôva pô aơ: “Hên dơi lĕ plơ̆ tâm lơh tay đah phung Benjamin, jêng phung oh nâu ma hên?” Brah Yêhôva plơ̆ lah: “Hăn hao lơh hom khân păng!”

Phung Kôranh Phat Dôih 20:26

Rnôk nây, lĕ rngôch phung ƀon lan Israel hăn hao ma Bêthel, gŭ dâk ta nây jêh ri nhĭm tanăp Brah Yêhôva. Khân păng ât sông sa tâm nar nây kŏ tât kêng măng jêh ri nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

Phung Kôranh Phat Dôih 21:2

Phung ƀon lan văch ma Bêthel, gŭ ta nây tanăp Brah Ndu kŏ tât măng jêh ri khân păng nter huy jêh ri nhĭm hâu ngăn ngên.

I Samuel 4:12

Tâm nar nây đŏng, du huê bunuyh Benjamin nchuăt klaih tă bơh ntŭk tâm lơh tât ta Silô, bok ao păng lĕ hêk jêh, bôk sŏk păng bêng neh muy.