Yôsuê 7:4 - Nau Brah Ndu Ngơi 2023

⁴ Pônây geh klăp lah tâm pe rbăn nuyh hăn hao ta nây ƀiălah khân păng nchuăt du panăp phung Ai.

Yôsuê 7:4 Iomraidhean Croise

Nau Mprơ Ơm 89:43

May ƀư ăn mpiăt păng plăch lơi, Mâu hôm kơl păng tâm nau tâm lơh toyh.

Êsai 30:17

Du huê thăm rmat, du rbăn nuyh nchuăt du; Prăm nuyh thăm rmat, khân may nchuăt da dê Kŏ tât nôk khân may hôm klen Tâm ban ma n'gâng n'ha kơ ta klơ n'gơn yôk, Tâm ban ma n'ha kơ ta klơ gôl.”

Êsai 59:2

Ƀiălah yor nau kue khân may yơh Hŏ tâm nkhah khân may đah Brah Ndu khân may, Jêh ri nau tih khân may yơh pôn lơi muh măt Păng bơh khân may Kŏ tât Păng mâu iăt ôh khân may.

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Yôsuê 7:3

Jêh nây khân păng plơ̆ sĭt, mbơh ma Y-Yôsuê: “Mâu ŭch leo lĕ rngôch ƀon lan hăn hao ta nây ôh, ƀiălah knŏng ăn bar mâu lah pe rbăn nuyh hăn hao tâm lơh đah ƀon Ai. Lơi dĭng ƀư jâk jêr ma ƀon lan roh suan ta nây, yorlah phung ƀon lan Ai ƀhôi dơm.”