Yôsuê 7:21 - Nau Brah Ndu Ngơi 2023

²¹ Nôk Gâp saơ tâm ndơ pit in geh du blah ao rjai Sinar, ueh ngăn, prăk klăp lah bar kilô, jêh ri mah klăp lah prao rhiăng gram, gâp hŏ kơnh ir jêh ri lĕ sŏk ndơ nây. Ta ri, gâp pôn jêh lĕ ndơ nây tâm trôm neh tâm ngih bok gâp jêh ri prăk ăn tâm dâng.”

Yôsuê 7:21 Iomraidhean Croise

Nau Ntơm 10:10

Ntơm geh ƀon bri hađăch păng jêng ƀon Ƀaƀel, ƀon Êrek, ƀon Akat jêh ri ƀon Kalnê gŭ tâm n'gor Sinar.

Nau Ntơm 3:6

Dôl bu ur saơ play ta tơm si nây sa kah, ueh măt uănh jêh ri khlay yor ƀư ma păng nau blau mĭn, păng pĕ play nây jêh ri sa, jêh nây ăn ma sai păng dôl dâk êp ta meng; sai păng sa đŏng.

Nau Ntơm 34:27

Phung kon bu klâu Y-Yakôb jot ta phung khĭt jêh ri pit in ƀon nây, yorlah bu hŏ ƀư ƀơ̆ jêh oh bu ur khân păng.

Nau Ntơm 6:2

Phung kon bu klâu Brah Ndu saơ kon bu ur kon bunuyh ueh jêh ri khân păng gŭ ur sai đah mbu nơm khân păng săch gay sŏk ur.

II Samuel 11:2

Du mhaơ ri, Y-Đavit dâk tă bơh sưng bê̆ch păng nơm jêh ri hăn nsong pâl klơ chor ntŭk ngih hađăch. Ntơm bơh chor ngih nây, hađăch saơ du huê bu ur ueh ngăn dôl gŭ ŭm.

II Phung Hađăch 7:8

Tơlah phung geh phŭng tât ta bôk dŭt pôih tahan, khân păng lăp tâm du pôih sa jêh ri nhêt, jêh nây khân păng sŏk prăk, mah, jêh ri kho ao leo pôn lơi ndơ nây. Khân păng plơ̆ tay, lăp tâm du pôih êng jêh ri sŏk đŏng drăp ndơ ta nây hăn pôn lơi ndơ nây đŏng.

Ndrom Samƀŭt bơh Yôp 31:1

“Gâp hŏ jêng nau tâm rnglăp jêh đah măt gâp; Mâm ƀư gâp hôm dơi janh uănh ma du huê bu ur druh?

Nau Mprơ Ơm 119:37

Lơi ăn măt gâp rle mpeh lĕ nau dơm dam; Ƀiălah ăn gâp gŭ rêh tâm trong May.

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Nau Hôr 1:19

Nây jêng nau ơm nal ma phung kơnh sa drăp ndơ mâu geh nau sŏng; Phung geh drăp ndơ nây mra ƀư roh nau rêh khân păng nơm.

Nau Hôr 23:31

Lơi ta uănh ndrănh lah păng lĕ chăng jêh, Nôk păng rsang tâm kachok Jêh ri hoch nơih pơih.

Nau Hôr 28:22

Bunuyh geh măt ndơm kơnh ndal ir nchuăt tĭng drăp ndơ, Mâu gĭt ôh nau pưt mâu tŏng mra tât kêng păng.

Nau Hôr 4:23

Mât njrăng hom nuih n'hâm may ăn ueh rlau lơn, Yorlah lĕ tu nau rêh luh tă bơh păng.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 29:15

Rêh ni ngăn phung pôn nau khân păng tâm nchră tâm ntŭk jru ndâp bơh Brah Yêhôva, Kan tâm nau ngo, Jêh ri khân păng mĭn êng: “Mbu dơi saơ he, mbu dơi gĭt he?”

Habakuk 2:9

Rêh ni ngăn ma nơm joi sa kao mâu tâm di nsĭt ma ngih vâl păng, Gay ƀư ntŭk gŭ ma păng nơm ta ntŭk prêh klơ, Ŭch ma klaih bơh ti phung mhĭk.

Luka 12:15

Păng lah ma khân păng: “Rjăp hom, uănh njrăng lĕ rngôch ndơ kơnh rlau ir, yorlah nau rêh kon bunuyh mâu jêng yor ma drăp ndơ păng nơm geh âk rmeh ôh.”

Luka 12:2

Mâu geh moh ndơ pôn mo bu mâu mpơl jêh ri mâu geh moh ndơ ndâp bu mâu ăn bu gĭt.

Êphêsô 5:3

Bi nau văng tĭr jêh ri lĕ nau mâu kloh ueh, mâu lah nau kơnh rlau keh, lơi dĭng ngơi ta nklang khân may; pôri mơ tâm di jêng phung kloh ueh.

Êphêsô 5:5

Ăn khân may gĭt rah vah ma phung bunuyh văng tĭr, mâu kloh ueh, mâu lah kơnh rlau keh — kơnh rlau keh jêng mbah rup brah — mâu geh du huê dơi dơn drăp ndơn tâm ƀon bri hađăch Brah Krist jêh ri Brah Ndu ôh.

Nau Vay Nkah Tay 7:25

Ăn khân may su ma ŭnh lĕ rup brah khân păng. Lơi kơnh ôh jêh nây sŏk ma khân may nơm prăk mâu lah mah ta klơ rup nây, klach lah khân may tŭp tâm dăk sân, yorlah nây jêng ndơ tâm rmot đah Yêhôva Brah Ndu khân may.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

Yakơ 1:15

Jêh nôk kơnh păng ntreo jêh, păng deh nau tih; nau tih văch ma toyh, pôri păng njêng nau khĭt.

Yôsuê 7:20

Y-Akan plơ̆ lah ma Y-Yôsuê: “Nanê̆, gâp ƀư tih jêh đah Brah Yêhôva, Brah Ndu phung Israel, jêh ri aơ nau gâp ƀư jêh:

Yôsuê 7:22

Y-Yôsuê đă bunuyh nchuăt tât ta ngih bok, saơ blah ao rjai lĕ pôn jêh ta nây, jêh ri prăk ăn tâm dâng.

II Pêtrôs 2:15

Khân păng chalơi jêh trong sŏng, pôri khân păng nhhơt trong, hăn tĭng trong Y-Balam, kon bu klâu Y-Bôsôr, jêng nơm ŭch prăk nkhôm ma nau tih mhĭk.