Yôsuê 6:9 - Nau Brah Ndu Ngơi 2023

⁹ Phung djôt ndơ tâm lơh hăn panăp phung kôranh ƀư brah uh nŭng; phung tahan gak pakơi hăn tĭng groi pakơi Hip Nau Tâm Rnglăp. Khân păng ƀah hăn ƀah uh nŭng.

Yôsuê 6:9 Iomraidhean Croise

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Nau Kơp Bunuyh 10:25

Nglĕ dŭt, n'ha kơ rmlak tahan Dan hăn du luh, tĭng ăp ndŭl mpôl, nâm khân păng jêng phung gak pakơi lĕ rngôch rmlak tahan êng. Y-Ahiêser, kon bu klâu Y-Amisadai, kôranh ma phung tahan Dan.

Yôsuê 6:10

Ƀiălah Y-Yôsuê ntăm jêh ma phung ƀon lan pô aơ: “Khân may mâu dơi nter huy, lơi ăn bu tăng bâr khân may ngơi, mâu dơi ngơi du tong ôh kŏ tât mông nar gâp mra đă ma khân may troh nter, pôri mơ khân may mra troh nter huy.”

Yôsuê 6:13

Pơh nuyh phung kôranh ƀư brah djôt pơh mlâm nŭng ma nke hăn panăp Hip Nau Tâm Rnglăp Brah Yêhôva, nkre hăn nkre uh nŭng. Phung djôt ndơ tâm lơh hăn lor panăp; phung tahan gak pakơi hăn tĭng groi pakơi Hip Nau Tâm Rnglăp Brah Yêhôva. Khân păng nkre hăn nkre uh nŭng.

Yôsuê 6:8

Lah Y-Yôsuê ntăm jêh ma phung ƀon lan, pơh phung kôranh ƀư brah djôt pơh mlâm nŭng ma nke gŭ panăp Brah Yêhôva, nkre ma chuat nkre ma uh nŭng, bi ma Hip Nau Tâm Rnglăp Brah Yêhôva tĭng groi pakơi khân păng.