Yôsuê 6:4 - Nau Brah Ndu Ngơi 2023

⁴ Pơh nuyh kôranh ƀư brah mra djôt pơh mlâm nŭng ma nke hăn lor Hip Nau Tâm Rnglăp. Ƀiălah tât nar tal pơh, ăn khân may hăn ndăch văr jŭm ƀon pơh tơ̆, jêh ri kôranh ƀư brah mra uh nŭng.

Yôsuê 6:4 Iomraidhean Croise

Nau Ntơm 2:3

Păng ăn nau ueh uĭn ma nar tal pơh jêh ri ƀư nar nây jêng nar kloh ueh, yor tâm nar nây Păng rlu tơlah hŏ lôch jêh lĕ nau kan rhăk njêng.

I Phung Hađăch 18:43

Jêh nây păng lah đah oh mon păng nơm: “Hăn hao hom, uănh mpeh dak mƀŭt.” Nơm oh mon nây hăn hao n'gơr uănh, jêh nây lah: “Mâu geh ndô ndơ ôh.” Y-Êli lah tay: “Hăn hom plơ̆ tay pơh tơ̆ nâm bu pônây.”

II Phung Hađăch 5:10

Y-Êlisê prơh bunuyh mbơh gay lah ma păng: “Hăn ŭm hom pơh tơ̆ tâm dak krong Yurdan, nglay săk may mra bah, jêh ri may mra jêng kloh.”

II Phung Hađăch 5:14

Pônây, păng ntrŭnh tâm dak krong Yurdan, ŭm pơh tơ̆, tĭng nâm nau bunuyh Brah Ndu ngơi jêh. Păng jêng kloh ro jêh ri nglay săk păng plơ̆ tay nâm bu saơm, nâm bu nglay săk du huê kon se jê̆.

II Nau Rêh Jêng 13:12

Aơ, Brah Ndu gŭ ndrel ma hên jêh ri chiă uănh ma hên. Phung kôranh ƀư brah Păng djôt nŭng ntrŭt tahan uh huy tâm rdâng đah khân may. Ơ phung Israel! Lơi ta tâm rdâng ôh đah Yêhôva Brah Ndu phung chô yau khân may, yorlah khân may mâu mra dơi ôh!”

II Nau Rêh Jêng 20:17

Tâm nau lơh nây, khân may mâu mra tâm lơh ôh. Gŭ nâp hom tâm ntŭk jêh ri dâk nsrâng gay kâp uănh nau tâm rklaih Brah Yêhôva, Nơm gŭ ndrel ma khân may. Ơ phung Yuđa jêh ri phung gŭ ta Yêrusalem! Lơi klach ôh, lơi krit ôh! Ôi taơ hăn luh tâm mâp hom đah khân păng, yorlah Brah Yêhôva gŭ ndrel ma khân may.’”

II Nau Rêh Jêng 20:19

Phung Lêvi jêng noi Kôhat jêh ri noi Kôra dâk da dê tâm rnê ma Yêhôva Brah Ndu Israel ma bâr ngơi huy ngăn.

II Nau Rêh Jêng 20:21

Hađăch tâm chră jêh đah phung ƀon lan jêh ri păng dơm phung mprơ gay mât ton ma Brah Yêhôva. Khân păng nsoh ao kloh ueh, n'ho chuat panăp phung tahan n'ho tâm rnê Brah Ndu pô aơ: “Tâm rnê lah ueh hom ma Brah Yêhôva, Yorlah nau ueh Păng hôm e tât ƀaƀơ n'ho ro.”

Ndrom Samƀŭt bơh Yôp 42:8

Pôri aƀaơ, khân may sŏk hom pơh mlâm ndrôk nkuăng jêh ri pơh mlâm biăp nkuăng jêh nây hăn mâp Y-Yôp, jêng oh mon Gâp. Yorlah khân may nơm yơh ăn khân may nhhơr mpa ƀư brah gŭch, jêh nây Y-Yôp, oh mon Gâp, mra mbơh sơm ma khân may. Gâp mra dơn nau Y-Yôp jêh ri mâu rmal ôh ma khân may tĭng nâm nau rluk khân may; yorlah khân may mâu ngơi nau di ma Gâp nâm bu Y-Yôp, oh mon Gâp, hŏ ngơi jêh.”

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Kan Lêvi 14:16

mbŭk nglau ti ma păng tâm dak ngi ăn tâm ti chiau păng jêh ri nsrih pơh tơ̆ tanăp Brah Yêhôva.

Kan Lêvi 4:6

mbŭk nglau ti păng tâm mham jêh ri nsrih pơh tơ̆ tanăp Brah Yêhôva, tanăp blah bok Ngih Brah Kloh Ueh.

Sakari 4:2

Păng lah ma gâp pô aơ: “Moh ndơ may saơ?” Gâp plơ̆ lah: “Aơ, gâp uănh saơ, du mlâm jâng kađen bu ƀư đah mah, jêh ri du mlâm yăng dak ngi ôlive ta klơ păng; jâng kađen geh pơh mlâm ŭnh kađen, n'hanh ma pơh mlâm dĭng dak ngi ăn luh ăp ŭnh kađen gŭ ta klơ păng.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Nau Kơp Bunuyh 23:1

Y-Balaam lah ma Y-Balak: “Ndâk hom ta aơ ma gâp pơh mlâm nơng ƀư brah jêh ri ta aơ nkra ma gâp pơh mlâm ndrôk nkuăng jêh ri pơh mlâm biăp nkuăng.”

Yôsuê 6:13

Pơh nuyh phung kôranh ƀư brah djôt pơh mlâm nŭng ma nke hăn panăp Hip Nau Tâm Rnglăp Brah Yêhôva, nkre hăn nkre uh nŭng. Phung djôt ndơ tâm lơh hăn lor panăp; phung tahan gak pakơi hăn tĭng groi pakơi Hip Nau Tâm Rnglăp Brah Yêhôva. Khân păng nkre hăn nkre uh nŭng.

Yôsuê 6:3

Pônây may ndrel ma lĕ rngôch phung tahan hăn hom ndăch văr jŭm ƀon nây du tơ̆ jêh ri ăn ƀư kơt nây tâm prao nar.

Yôsuê 6:5

Nôk khân păng uh nŭng du ndruh jong jêh ri tơlah khân may mhe tăng bâr nŭng rnôk nây ăn lĕ rngôch phung ƀon lan nter dŭt huy, mpêr ƀon nây mra rlâm lĕ, jêh nây phung ƀon lan mra hao mpêr, ăp nơm hăn hao song panăp.”

Nau Tâm Mpơl 1:20

Aơ jêng nau khlay ndâp ma pơh mănh mbing may saơ jêh tâm ti ma Gâp, jêh ri pơh jâng kađen mah: Pơh mănh mbing jêng phung tông mpăr ma phung pơh Ngih Brah Ndu, jêh ri pơh jâng ŭnh kađen jêng pơh Phung Ngih Brah Ndu.”

Nau Tâm Mpơl 1:4

Y-Yôhan nchih samƀŭt njuăl ma phung pơh Phung Ngih Brah Ndu tâm n'gor Asi: Dăn ăn ma khân may dơn nau yô̆ jêh ri nau đăp mpăn tă bơh NƠM AɃAƠ AƠ, HŎ GEH JÊH RI DÔL VĂCH, tă bơh pơh Huêng gŭ panăp sưng hađăch Păng,

Nau Tâm Mpơl 10:3

jêh ri nter bâr huy nâm bu nter ngrông yau mŭr. Tơlah tông mpăr nter bâr huy geh pơh ndăr nglaih nteh huy.

Nau Tâm Mpơl 15:1

Gâp saơ tâm trôk du nau mbên khlay êng ta klơ trôk dŭt toyh jêh ri khlay ngăn: Pơh tông mpăr djôt pơh ntil nau rêh ni nglĕ dŭt, yor ma lĕ ntil nau rêh ni aơ, nau Brah Ndu ji nuih lôch jêh.

Nau Tâm Mpơl 15:7

Du mlâm tâm puăn mlâm mpa rêh ăn ma pơh nuyh tông mpăr pơh mlâm ngan mah, dơ bêng ma nau Brah Ndu ji nuih, jêng Nơm gŭ rêh ƀaƀơ n'ho ro.

Nau Tâm Mpơl 16:1

Nôk nây, gâp tăng bâr ngơi ktang luh bơh ngih brah đă pơh nuyh tông mpăr pô aơ: “Hăn hom, nkhŭt pơh ngan nau Brah Ndu ji nuih tâm neh ntu.”

Nau Tâm Mpơl 5:1

Jêh ri gâp saơ tâm ti ma Nơm gŭ ta sưng hađăch du pŏk ndrom samƀŭt bu nchih jêh tâm trôm jêh ri padih, geh pơh ndơ tâp pŏng.

Nau Tâm Mpơl 5:6

Gâp saơ du mlâm Kon Biăp tâm ban ma bu nkhĭt jêh, dôl dâk ta nklang sưng hađăch, gŭ jŭm geh puăn mlâm mpa rêh jêh ri phung kôranh bu ranh. Kon Biăp geh pơh mlâm nke jêh ri pơh mlâm măt, jêng pơh huêng Brah Ndu njuăl hăn jêh lam neh ntu.

Nau Tâm Mpơl 8:2

Gâp saơ pơh nuyh tông mpăr dâk tanăp Brah Ndu, jêh ri bu ăn ma khân păng pơh mlâm nŭng.

Nau Tâm Mpơl 8:6

Jêh nau nây, pơh nuyh tông mpăr djôt pơh mlâm nŭng ndrăp uh.