Yôsuê 6:2 - Nau Brah Ndu Ngơi 2023

² Brah Yêhôva lah ma Y-Yôsuê: “Aơ, Gâp hŏ jao Yêrikô, hađăch jêh ri lĕ phung janh ktang păng tâm ti may.

Yôsuê 6:2 Iomraidhean Croise

II Samuel 5:19

Rnôk nây, Y-Đavit ôp ma Brah Yêhôva: “Di lĕ gâp dơi hăn tâm lơh đah phung Philistin? May mra jao khân păng tâm ti gâp lĕ?” Brah Yêhôva plơ̆ lah ma Y-Đavit: “Hăn hao hom, yorlah n'hêl nanê̆ Gâp mra jao phung Philistin tâm ti may.”

Nêhêmi 9:24

Pôri phung kon sau khân păng lăp sŏk chăm bri. May ƀư ăn phung tâm n'gor nây jêng phung Kanaan lăp gŭ tâm dâng khân păng, Jao phung nây jêh ri phung hađăch khân păng Nđâp ma lĕ ntil mpôl bunuyh êng tâm n'gor nây tâm ti khân păng, Gay ma khân păng dơi ƀư ma lĕ ntil mpôl bunuyh nây tĭng nâm nau mĭn khân păng ŭch.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Nau Vay Nkah Tay 7:24

Păng mra jao phung hađăch phung ƀon lan nây tâm ti khân may jêh ri ăn khân may jut lơi amoh phung hađăch nây bơh neh ntu. Mra mâu hôm ôh geh du huê tâm rdâng đah khân may, khân may mra ƀư rai lĕ khân păng.

Yôsuê 12:9

Hađăch Yêrikô, hađăch Ai gŭ dăch Bêthel,

Yôsuê 2:24

Khân păng lah ma Y-Yôsuê: “Nanê̆ ngăn, Brah Yêhôva jao jêh lĕ n'gor nây tâm ti he; lĕ rngôch phung gŭ tâm n'gor nây rdja nuih n'hâm da dê tanăp măt phung he.”

Yôsuê 2:9

jêh ri lah ma khân păng: “Gâp gĭt Brah Yêhôva hŏ ăn n'gor aơ ma khân may; bu klach ngăn yorlah khân may hŏ trŭnh ndal ta hên kŏ tât lĕ rngôch phung ƀon lan tâm n'gor rdja nuih n'hâm nau mĭn tanăp khân may.

Yôsuê 20:1

Brah Yêhôva lah ma Y-Yôsuê:

Yôsuê 6:1

Rnôk nây, bu nchăng mpông ƀon Yêrikô jêh ri gak njrăng ngăn đah phung ƀon lan Israel, mâu ăn ma du huê bunuyh dơi luh lăp.

Yôsuê 6:3

Pônây may ndrel ma lĕ rngôch phung tahan hăn hom ndăch văr jŭm ƀon nây du tơ̆ jêh ri ăn ƀư kơt nây tâm prao nar.

Yôsuê 8:1

Jêh nau nây, Brah Yêhôva lah ma Y-Yôsuê: “Lơi klach, mâu lĕ rdja nuih n'hâm! Djôt leo hom lĕ rngôch phung tahan hăn tĭng may, dâk hom jêh ri hăn hao gay lơh ƀon Ai. Aơ, Gâp jao jêh hađăch ƀon Ai, phung ƀon lan păng, ƀon păng, jêh ri neh păng tâm ti may.

Phung Kôranh Phat Dôih 11:21

Yêhôva Brah Ndu phung Israel jao Y-Sihôn jêh ri lĕ rngôch phung tahan păng tâm ti phung Israel. Phung Israel dơi lơh đah phung khân păng jêh ri pit in lĕ n'gor Amôrit, jêng phung ƀon lan gŭ tâm n'gor nây.

Phung Kôranh Phat Dôih 11:24

Mâu di hĕ may dơi dơn n'gor jêng moh Chêmôs, jêng brah ma may, hŏ ăn jêh ma may phă? Pôri, he tâm ban đŏng dơn n'gor lĕ bunuyh Yêhôva Brah Ndu hên mprơh jêh phung gŭ ta nây luh bơh he.