Yôsuê 5:6 - Nau Brah Ndu Ngơi 2023

⁶ Yorlah phung ƀon lan Israel hŏ hăn tâm bri rdah puăn jât năm kŏ tât ma lĕ rngôch phung ƀon lan jêh ri lĕ phung tahan hŏ du luh bơh Êjipt khĭt ƀhiau, yorlah mâu tông bâr Brah Yêhôva. Brah Yêhôva hŏ ton ma khân păng pô aơ Păng mâu ăn ma khân păng saơ neh Brah Yêhôva hŏ ton ma chô yau khân păng mra ăn ma he, jêng neh bêng ma dak toh jêh ri dak sŭt.

Yôsuê 5:6 Iomraidhean Croise

Nau Mprơ Ơm 107:4

Khân păng nsong mblêng ntŭk bri rdah tâm bri hŏng, Joi mâu dơi saơ ôh du rplay ƀon gay ma gŭ.

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Êsêkiêl 20:15

Gâp yơr ti ton jêh ma khân păng tâm bri rdah pô aơ Gâp mâu mra leo khân păng lăp ôh tâm n'gor bri Gâp hŏ ăn ma khân păng, jêng n'gor bri bêng ma dak toh jêh ri dak sŭt, bri ueh lơn tâm lĕ rngôch bri.

Êsêkiêl 20:6

Tâm nar nây, Gâp ton ma khân păng pô aơ Gâp mra djôt leo luh tă bơh n'gor bri Êjipt gay ma lăp tâm du n'gor bri Gâp joi rơm ndrăp ăn ma khân păng, du n'gor bri, jêng bri geh dak toh jêh ri dak sŭt, bri ueh lơn tâm lĕ rngôch bri.

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Nau Kơp Bunuyh 14:23

mâu mra du huê bunuyh tâm khân păng mra saơ n'gor Gâp sơm ton jêh gay ăn ma phung chô yau khân păng. Mâu geh du huê ôh mưch ma Gâp mra saơ n'gor nây.

Nau Kơp Bunuyh 26:63

Nĕ jêng phung Y-Môis jêh ri kôranh ƀư brah Y-Êlêasar hŏ nchih amoh săk jêh nôk khân păng kơp rnoh phung ƀon lan Israel tâm neh lâng klơ dor Môap, dăch dak krong Yurdan tâm tra đah Yêrikô.

Nau Vay Nkah Tay 1:3

Tâm nar năng nguay khay jât nguay năm tal puăn jât, Y-Môis ngơi ma phung ƀon lan Israel lĕ rngôch nau Brah Yêhôva ntĭnh jêh ma păng gay nkoch mbơh ma khân păng.

Nau Vay Nkah Tay 2:14

Nau jŏ ntơm bơh he du tă bơh Kadês Barnê tât nôk he găn dak n'hor Sêret jêng pe jât pham năm. Tâm rnôk nây, lĕ phung tahan rô̆ nây bu hŏ ƀư rai jêh bơh rmlak tahan, tĭng nâm Brah Yêhôva hŏ ton jêh ma khân păng.

Nau Vay Nkah Tay 2:7

Yorlah Yêhôva Brah Ndu hŏ ăn nau ueh uĭn jêh ma khân may tâm lĕ rngôch kan ti bơh khân may. Păng gĭt nau hăn rgăn bri rdah dŭt toyh aơ. Tâm puăn jât năm aơ Yêhôva Brah Ndu khân may hôm gŭ ndrel mro ma khân may; khân may mâu pưt du ntil ndơ ôh.’

Nau Vay Nkah Tay 8:4

Tâm puăn jât năm aơ, kho ao khân may mâu blau sat, jâng khân may mâu blau môr ôh.

ហេឞ្រើ 3:11

Pôri Gâp sơm ton jêh tâm nau ji nuih: ‘Khân păng mâu mra hăn lăp tâm nau Gâp rlu ôh!’ ”

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 24:7

Rnôk nây, tơlah phung chô yau khân păng nter dăn ma Brah Yêhôva, Gâp ăn tât nau ngo klĕng jŭr vah vang khân may đah phung Êjipt, ăn dak mƀŭt tâp brôi lĕ khân păng. Măt phung chô yau khân păng hŏ saơ jêh nau Gâp ƀư ma phung Êjipt. Jêh nau nây, khân may gŭ tâm bri rdah jŏ jêh.

Yôsuê 5:5

Lĕ rngôch phung ƀon lan hŏ luh bơh Êjipt geh nau koh ntâu, ƀiălah lĕ rngôch phung mhe bu deh rŏ trong tâm bri rdah, jêh du luh bơh Êjipt ê mâp geh nau koh ntâu ôh.

Yôsuê 5:7

Jêh ri Păng hŏ n'hao phung kon sau khân păng gay ntrok ta ntŭk khân păng, jêng phung Y-Yôsuê koh ntâu, yorlah khân păng ê mâp geh ôh nau koh ntâu ta rŏ trong.