Yôsuê 5:1 - Nau Brah Ndu Ngơi 2023

¹ Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

Yôsuê 5:1 Iomraidhean Croise

Nau Ntơm 12:6

Y-Abram hăn lam n'gor nây, tât ntŭk geh tơm guyh ta Môrê tâm Sichem. Nôk nây, phung Kanaan hôm gŭ tâm n'gor nây.

Nau Ntơm 48:22

Êng may, gâp mra ăn ma may du kô̆ âk lơn ma phung oh nâu may, nây jêng n'gor yôk Sichem gâp sŏk tă bơh ti phung Amôrit ma đao jêh ri na gâp.”

II Samuel 21:2

Hađăch kuăl phung Gibêôn tât jêh ri ngơi ndrel đah khân păng — Phung Gibêôn mâu jêng phung Israel ôh, ƀiălah khân păng jêng hôm e klen tă bơh phung Amôrit. Nđâp tơlah phung Israel hŏ geh nau ton ma khân păng, ƀiălah Y-Sôl hŏ joi nau ƀư rai khân păng yor nau duh nđơr păng ma phung ƀon lan Israel jêh ri phung Yuđa.

I Phung Hađăch 10:5

lĕ ndơ sông sa ta klơ sưng sông hađăch, rnơl gŭ ma phung kôranh păng, nau pah kan jêh ri ndơ nsoh khân păng, lĕ ntil ndrănh hađăch, jêh ri lĕ ndơ ƀư brah gŭch hađăch nhhơr tâm ngih Brah Yêhôva, bu ur nây hih rhâl hâu ngăn.

Êsra 9:1

Tơlah lĕ kan nây hŏ lôch jêh, phung kôranh chiă uănh văch tât ma gâp jêh ri lah: “Phung ƀon lan Israel, nđâp ma phung kôranh ƀư brah, jêh ri phung Lêvi mâu geh rêh nkhah ôh đah phung ntil mpôl bunuyh gŭ tâm n'gor, ƀiălah khân păng kơt tĭng lĕ nau vay ƀơ̆ ƀơch bơh phung Kanaan, phung Hitit, phung Pêrisit, phung Jêbusit, phung Ammôn, phung Môap, phung Êjipt, jêh ri phung Amôrit.

Nau Mprơ Ơm 135:11

Jêng Sihôn, hađăch phung Amôrit, Ôk, hađăch ma phung Basan Jêh ri lĕ rngôch hađăch n'gor Kanaan.

Nau Ngluh Êjipt 23:28

Gâp mra đă ong bôk kla hăn lor panăp may, khân păng mra lơh mprơh phung Hivit, phung Kanaan, jêh ri phung Hitit tanăp măt may.

Êsai 41:5

Lĕ rngôch gôl dak mƀŭt saơ jêh ri klach krit, Lĕ ntŭk nglĕ dŭt neh ntu râm sâr da dê. Khân păng văch dăch jêh ri hăn tât.

Êsêkiêl 16:3

May lah hom: ‘Kôranh Brah Yêhôva lah ma ƀon Yêrusalem: Ntŭk ntơm saơm jêh ri nau deh ay jêng ta n'gor Kanaan; mbơ̆ ay jêng du huê bunuyh Amôrit, mê̆ ay jêng bunuyh Hitit.

Êsêkiêl 21:7

“Hơi kon bunuyh, rle hom muh măt leo ma Yêrusalem, nti nau tâm rdâng lĕ rngôch ntŭk kloh ueh; ngơi mbơh lor hom đah bri Israel.

Daniel 5:6

Rnôk nây muh măt păng êr, nau păng mĭn rŭng răng, nting nđăng ra ai, bar đah kômâk râm nsâr.

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Nau Kơp Bunuyh 13:29

Phung Amalek gŭ ta Nêgep; phung Hitit, phung Jêbusit jêh ri phung Amôrit gŭ tâm n'gor klơ dor yôk; jêh ri phung Kanaan gŭ dăch dak mƀŭt jêh ri njŏ tĭng kơh dak krong Yurdan.”

Yôsuê 17:12

Ƀiălah, phung kon sau Y-Manasê mâu dơi pit sŏk ôh lĕ rngôch ƀon nây, yor ri phung Kanaan ăt gŭ tâm bri nây.

Yôsuê 17:18

ƀiălah bri klơ dor yôk mra jêng ndơ ma khân may, nđâp lah bri krŏng, khân may mra muyh păng, jêh ri n'har păng mra jêng ndơ ma khân may; yorlah khân may dơi mprơh phung Kanaan, nđâp lah khân păng geh ndeh seh loih jêh ri dăng ktang.”

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

Yôsuê 3:16

pôri dak bơh tu nsrŭng hoch, nsŭn du ntŭk, ngai tât ta ƀon Ađam, ƀon nây gŭ dăch ƀon Sarêthan; bi dak hoch mpeh ma dak mƀŭt Arabah, jêng Dak Mƀŭt Khĭt, nking lĕ ro, jêh ri phung ƀon lan rgăn dak krong, ta ntŭk tâm tham đah ƀon Yêrikô.

Yôsuê 3:17

Phung kôranh ƀư brah tung Hip Nau Tâm Rnglăp Brah Yêhôva gŭ nsrâng ta neh sơh tâm nklang dak krong Yurdan, dôl lĕ rngôch phung Israel hăn rgăn ta neh sơh, kŏ tât lĕ rngôch phung ƀon lan rgăn jêh dak krong Yurdan.

Nau Tâm Mpơl 18:10

Yorlah klach nau rêh ni păng, rĭ dĭng khân păng gŭ dâk ngai, jêh ri khân păng lah: “Rêh ni ngăn! Rêh ni ngăn! Ƀon dŭt toyh, Ƀon Babilôn ndrŏng kuăng! Knŏng tâm du mông, nau phat dôih ma may tât jêh!”

Phung Kôranh Phat Dôih 1:1

Jêh Y-Yôsuê khĭt, phung ƀon lan Israel ôp Brah Yêhôva pô aơ: “Mbu tâm phung hên mra hăn hao lor gay tâm lơh đah phung Kanaan?”

Phung Kôranh Phat Dôih 11:23

Pônây Yêhôva Brah Ndu phung Israel lĕ mprơh jêh phung ƀon lan Amôrit luh bơh phung ƀon lan Israel Păng, pôri aƀaơ may ŭch plơ̆ pit in bri khân păng nây đŏng?

Phung Kôranh Phat Dôih 3:3

Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.

Phung Kôranh Phat Dôih 4:2

Yor ri, Brah Yêhôva tăch khân păng ma Y-Jabin, jêng hađăch Kanaan, nơm chiă uănh ta Hasôr. Kôranh chiă uănh toyh tahan Y-Jabin jêng Y-Sisêra gŭ ta Harôset phung bu năch.

I Samuel 25:37

Ang ôi taơ, tơlah Y-Nabal lĕ kah rngăl aih nhŭl ndrănh, ur păng nkoch bri lĕ nau nây ƀư ăn ma play nuih Y-Nabal mâu hôm mpât ôh, păng jêng dăng nâm bu lŭ.