Yôsuê 4:6 - Nau Brah Ndu Ngơi 2023

⁶ gay ma nau aơ dơi jêng du nau tâm mbên tâm nklang khân may. Du nar kăndơ̆, tơlah phung kon sau khân may mra ôp pô aơ: ‘Lĕ rplay lŭ aơ mâm nau bu ntĭt?’

Yôsuê 4:6 Iomraidhean Croise

Nau Mprơ Ơm 44:1

Ơ Brah Ndu, trôm tôr hên tăng, Phung chô yau hên hŏ nkoch jêh Kan May ƀư jêh tâm rnôk khân păng Ntơm bơh kăl e.

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Nau Ngluh Êjipt 12:14

Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 13:14

Tâm nar kăndơ̆ taơ lah kon bu klâu khân may ôp: ‘Nau aơ mâm jêng?’ ăn khân may plơ̆ lah: ‘Yorlah Brah Yêhôva hŏ dŏng ti nau brah Păng gay ngluh he du luh bơh n'gor Êjipt, rklaih bơh ngih dĭk bu.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.

Nau Ngluh Êjipt 31:13

“Ăn may lah ma phung ƀon lan Israel pơ aơ: ‘Ăn khân may djôt prăp ngăn nar saƀat Gâp yorlah nau aơ jêng du nau mbên ta nklang Gâp jêh ri khân may tâm ăp rô̆, gay khân may dơi gĭt Gâp jêng Brah Yêhôva, Nơm ƀư kloh ueh khân may.

Êsai 38:19

Nơm rêh, knŏng nơm gŭ rêh yơh, mra tâm rnê lah ueh ma May, Tâm ban ma gâp ƀư nar aơ. Phung ƀư mbơ̆ ntĭm hom kon khân păng Gĭt năl nau răp jăp May.

Êsai 55:13

Tơm si mirtơ mra hon ntrok ma pŭm lok, Jêh ri tơm si mirtơ mra hon ntrok ma lok rting; Nau nây mra jêng ndơ gĭt năl ma amoh Brah Yêhôva, Jêh ri jêng du nau tâm mbên n'ho ro, mâu mâp ƀư rai ôh.”

Êsêkiêl 20:12

Gâp ăn đŏng ma khân păng nar saƀat Gâp tâm ban du nau mbên ta nklang Gâp jêh ri khân păng, gay khân păng gĭt pô aơ Gâp jêng Brah Yêhôva prăp jêh khân păng jêng kloh ueh.

Êsêkiêl 20:20

Prăp hom lĕ nar Saƀat Gâp jêng kloh ueh; păng mra ƀư du nau mbên ta nklang Gâp đah khân may gay ăn khân păng dơi gĭt Gâp jêng Yêhôva Brah Ndu khân may.’

Nau Kơp Bunuyh 16:38

Bi lĕ khăl gŭch ƀâu kah phung bunuyh ƀư tih jêh ri kŏ tât roh nau rêh khân păng; pôri ăn bu chiăr jêng lĕ pŏk n'hơ gay nkŭm nơng ƀư brah, yorlah lĕ khăl gŭch ƀâu kah nây hŏ nhhơr panăp Brah Yêhôva jêh ri jêng kloh ueh jêh. Pôri khân păng jêng du ndơ tâm mbên ma phung ƀon lan Israel.”

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Nau Vay Nkah Tay 11:19

Ăn khân may ntĭm lĕ nau ngơi nây ma phung kon khân may, jêh ri nkah đŏng nôk khân may gŭ tâm vâl tâm ban ma dôl khân may hăn rŏ trong, dôl khân may lâng săk bê̆ch nđâp ma nôk khân may dâk.

Yôsuê 22:27

ƀiălah gay geh du nau mbơh vah vang hên đah khân may nđâp ma lĕ rngôch rô̆ kăndơ̆ hên pô aơ hên geh nhhơr ndơ ƀư brah gŭch, lĕ mpa ƀư brah jêh ri ndơ ƀư brah ma nau đăp mpăn gay yơk mbah Brah Yêhôva tanăp Păng. Pônây, nar kăndơ̆ phung kon sau khân may mâu lah ma phung kon sau hên: ‘Khân may mâu geh du kô̆ tâm Brah Yêhôva ôh!’

Yôsuê 4:21

Păng lah ma phung ƀon lan Israel: “Du nar kăndơ̆, tơlah phung kon sau khân may ôp ma mbơ̆ khân păng: ‘lĕ rplay lŭ aơ mâm nau bu ntĭt?’

Yôsuê 4:5

jêh ri lah ma khân păng: “Văch hom lor panăp Hip Nau Tâm Rnglăp Yêhôva Brah Ndu khân may tâm nklang dak krong Yurdan, jêh ri ăp nơm, tĭng nâm ndah âk phung ndŭl mpôl Israel, tuy du mlâm lŭ ta klơ săng nglik khân păng nơm,