Yôsuê 4:24 - Nau Brah Ndu Ngơi 2023

²⁴ Pônây, lĕ rngôch phung bunuyh ta neh ntu dơi gĭt mpang ti nau dơi Brah Yêhôva, jêh ri khân may tâm ban đŏng klach yơk ma Yêhôva Brah Ndu khân may ƀaƀơ.”

Yôsuê 4:24 Iomraidhean Croise

I Phung Hađăch 8:40

gay ƀư ăn khân păng klach yơk ma Kôranh Brah du njăr rêh, nôk khân păng gŭ rêh ta n'gor May hŏ ăn jêh ma chô yau khân păng.

I Phung Hađăch 8:60

gay ăn lĕ rngôch ntil mpôl bunuyh ta klơ neh gĭt ma Brah Yêhôva jêng Brah Ndu, mâu hôm geh brah êng ôh.

II Phung Hađăch 19:19

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt pô aơ knŏng êng Brah Yêhôva jêng Brah Ndu.”

II Phung Hađăch 5:15

Y-Naaman ndrel ma lĕ phung hăn tĭng păng plơ̆ tay tâm mâp đah bunuyh Brah Ndu. Păng tât dâk panăp Y-Êlisê jêh ri lah: “Aƀaơ aơ, gâp gĭt năl lam klơ neh ntu, mâu geh ôh brah êng rlau lơn Brah Ndu phung Israel. Pônây, dăn ma may sŏk dơn hom ndơ nhhơr aơ bơh oh mon may.”

I Nau Rêh Jêng 29:12

Nđâp nau ndrŏng kuăng jêh ri nau chrêk rmah luh bơh Kôranh Brah. May chiă uănh ta klơ lĕ rngôch, nau brah jêh ri nau ktang gŭ tâm ti May. Ti May ăn nau yơk jêh ri nau ktang n'hâm suan ma lĕ rngôch bunuyh.

Ndrom Samƀŭt bơh Yôp 40:9

Rnôk nây, Gâp mra tâm rnê ma may Pônây ma ti may nơm djôt nau dơi tâm lơh ăn ma may nơm!”

Nau Mprơ Ơm 106:8

Nđâp tơlah pônây, Păng ăt tâm rklaih khân păng yor amoh Păng, Gay ma tâm mpơl nau brah Păng.

Nau Mprơ Ơm 89:13

May geh nting tur ti brah toyh, Ti May geh nau ktang jêh ri ti ma May yơr prêh klơ.

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Ngluh Êjipt 14:31

Phung Israel saơ jêh nau kan krit ngăn Brah Yêhôva hŏ ƀư ma phung Êjipt yor ri khân păng klach yơk ma Păng, nsing rnơm ma Păng jêh ri rnơm ma Y-Môis, oh mon Păng.

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Nau Ngluh Êjipt 20:20

Y-Môis lah ma phung ƀon lan: “Lơi klach ôh, yorlah Brah Ndu jŭr gay rlong uănh nuih n'hâm khân may, gay ma khân may klach yơk ma Păng ƀaƀơ, pônây khân may mâu ƀư tih ôh.”

Nau Ngluh Êjipt 9:16

Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Nau Vay Nkah Tay 28:10

Lĕ rngôch phung ƀon lan ta neh ntu mra saơ bu rnha khân may ma amoh Brah Yêhôva jêh ri khân păng mra klach đah khân may.

Nau Vay Nkah Tay 6:2

Bơh nây, gay khân may, phung kon sau khân may du njăr rêh mra klach yơk ma Yêhôva Brah Ndu khân may, djôt prăp lĕ nau vay dăp jêh ri nau vay ntăm bơh Păng jêng nau gâp ntĭnh ma khân may, gay ma khân may dơi rêh jŏ năm.

I Samuel 17:46

Nar aơ Brah Yêhôva mra jao may tâm ti gâp. Gâp nkhĭt may, koh bôk may; jêh ri lĕ săk jăn phung tahan Philistin khĭt mra ƀư mpa sa ma sĭm klơ trôk jêh ri ma mpô mpa bri. Lĕ rngôch neh ntu mra dơi gĭt geh du huê Brah Ndu tâm Israel,