Yôsuê 4:10 - Nau Brah Ndu Ngơi 2023

¹⁰ Lĕ phung kôranh ƀư brah tung Hip Nau Tâm Rnglăp gŭ nsrâng tâm nklang dak krong Yurdan kŏ tât ƀư jêh lĕ kan Brah Yêhôva hŏ lah ma Y-Yôsuê đă ntăm tay ma phung ƀon lan tĭng di nâm nau Y-Môis ntăm jêh ma Y-Yôsuê. Jêh nây phung ƀon lan ndal rgăn dak krong Yurdan.

Yôsuê 4:10 Iomraidhean Croise

Nau Mprơ Ơm 119:60

Gâp ndal, mâu mbrĕ mbrơi ôh, Gay djôt prăp lĕ nau vay May ntăm.

Nau Ngluh Êjipt 12:39

Khân păng gŭch piăng let mâu geh ndrui ƀư ma rnih hŏ djôt leo bơh n'gor Êjipt. Rnih nây mâu geh ndrui yorlah bu nsot khân păng ndal ir bơh n'gor Êjipt, yor ri mâu năn ndrăp lor ndơ sông sa.

Nau Hôr 27:1

Lơi ntưih ôh ma nar ôi taơ, Yorlah may mâu gĭt ôh nar ôi taơ mra moh nau tât.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 28:16

Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

II Kôrintô 6:2

Yorlah Păng lah pô aơ: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih.” Ri, aƀaơ aơ jêng nar găl; ri, aƀaơ aơ jêng nar tâm rklaih!

Nau Vay Nkah Tay 31:9

Y-Môis nchih jêh nau vay aơ jêh ri jao ăn ma phung kôranh ƀư brah phung kon sau Lêvi, jêng phung tung Hip Nau Tâm Rnglăp Brah Yêhôva, tâm ban đŏng jao ăn ma lĕ rngôch phung kôranh bu ranh Israel.

Yôsuê 24:11

Jêh khân may rgăn dak krong Yurdan, hŏ tât jêh ma ƀon Yêrikô. Phung ƀon lan Yêrikô, tâm ban ma phung Amôrit, phung Pêrisit, phung Kanaan, phung Hitit, phung Girgasit, phung Hivit, jêh ri phung Jêbusit hăn lơh khân may, jêh ri Gâp jao jêh khân păng tâm ti khân may.

Yôsuê 3:13

Tơlah phung kôranh ƀư brah tung Hip Nau Tâm Rnglăp Brah Yêhôva, jêng Kôranh Brah ma lĕ neh ntu, lah jâng khân păng jot tâm dak krong Yurdan, dak krong mâu hôm hoch ôh, jêh ri dak hoch tă bơh tu mra nsŭn ta du ntŭk.”

Yôsuê 4:11

Lah lĕ rngôch phung ƀon lan lĕ rgăn dak krong jêh pôri Hip Nau Tâm Rnglăp Brah Yêhôva jêh ri phung kôranh ƀư brah tâm ban đŏng hăn rgăn panăp phung ƀon lan.

Yôsuê 4:9

Y-Yôsuê tâm ban đŏng ndâk jât ma bar mlâm lŭ tâm nklang dak krong Yurdan, ta ntŭk jâng phung kôranh ƀư brah tung Hip Nau Tâm Rnglăp hŏ dâk. Lĕ rplay lŭ nây ăt hôm gŭ ta nây kŏ tât ta nar aơ.