Yôsuê 3:3 - Nau Brah Ndu Ngơi 2023

³ ntăm ma phung ƀon lan pô aơ: “Lah khân may saơ Hip Nau Tâm Rnglăp Yêhôva Brah Ndu khân may phung kôranh ƀư brah Lêvi tung hăn, ăn khân may du luh bơh ntŭk khân may jêh ri tĭng groi pakơi hip nây.

Yôsuê 3:3 Iomraidhean Croise

II Samuel 6:13

Tơlah phung bunuyh tung Hip Nau Tâm Rnglăp Brah Ndu hŏ hăn chuat jêh prao nhuat, Y-Đavit nhhơr du mlâm ndrôk jêh ri du mlâm mpô mpa lay ueh ƀư mpa ƀư brah.

II Samuel 6:3

Khân păng dơm Hip Nau Tâm Rnglăp Brah Ndu ta klơ ndeh ndrôk mhe, jêh nây djôt leo bơh ngih Y-Abinadap gŭ ta klơ gôl yôk. Y-Usa jêh ri Y-Ahiô, phung kon bu klâu Y-Abinadap, ƀĭt bôk ndeh mhe nây.

I Phung Hađăch 8:3

Tơlah lĕ rngôch bu ranh Israel hăn tât jêh, pôri phung kôranh ƀư brah tung Hip Nau Tâm Rnglăp,

Yêrêmi 33:18

phung kôranh ƀư brah noi deh Lêvi ăt mâu mra pưt lĕ du huê bunuyh pah kan tanăp măt Gâp gay ma nhhơr ndơ ƀư brah gŭch, su ndơ ƀư brah rnih môi, jêh ri nhhơr ndơ ƀư brah ăp nar.’”

Nau Kơp Bunuyh 10:33

Pôri phung ƀon lan Israel hăn ntơm bơh yôk Brah Yêhôva tâm pe nar hăn trong. Hip Nau Tâm Rnglăp Brah Yêhôva hăn panăp phung ƀon lan tâm pe nar hăn trong gay joi du ntŭk rlu ma khân păng.

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Mathay 8:19

Du huê kôranh nchih samƀŭt hăn tât gay lah ma Păng: “Hơi Nơm Nti, ta ntŭk Nơm Nti hăn, gâp mra hăn tĭng ta nây.”

Nau Vay Nkah Tay 31:25

Y-Môis ntĭnh ma phung Lêvi tung Hip Nau Tâm Rnglăp Brah Yêhôva pô aơ:

Nau Vay Nkah Tay 31:9

Y-Môis nchih jêh nau vay aơ jêh ri jao ăn ma phung kôranh ƀư brah phung kon sau Lêvi, jêng phung tung Hip Nau Tâm Rnglăp Brah Yêhôva, tâm ban đŏng jao ăn ma lĕ rngôch phung kôranh bu ranh Israel.

Yôsuê 3:4

Ƀiălah, vah vang khân may đah Hip Nau Tâm Rnglăp tâm ƀah sĭn rhiăng met, lơi hăn dăch gay khân may dơi gĭt trong khân may mra hăn, yorlah khân may mâu mâp hăn trong aơ.”

Yôsuê 3:6

Y-Yôsuê lah ma kôranh ƀư brah: “Tung hom Hip Nau Tâm Rnglăp hăn rgăn dak krong lor panăp phung ƀon lan.” Pônây khân păng tung Hip Nau Tâm Rnglăp jêh ri hăn lor panăp phung ƀon lan.

Yôsuê 3:8

Ăn may ntăm ma phung kôranh ƀư brah tung Hip Nau Tâm Rnglăp pô aơ: ‘Tơlah khân may dăch tât ta kơh dak krong Yurdan, gŭ nsrâng hom ta nklang n'hong.’”

Yôsuê 4:10

Lĕ phung kôranh ƀư brah tung Hip Nau Tâm Rnglăp gŭ nsrâng tâm nklang dak krong Yurdan kŏ tât ƀư jêh lĕ kan Brah Yêhôva hŏ lah ma Y-Yôsuê đă ntăm tay ma phung ƀon lan tĭng di nâm nau Y-Môis ntăm jêh ma Y-Yôsuê. Jêh nây phung ƀon lan ndal rgăn dak krong Yurdan.

Yôsuê 6:6

Pônây Y-Yôsuê, kon bu klâu Y-Nun, kuăl phung kôranh ƀư brah jêh ri lah: “Tung hom Hip Nau Tâm Rnglăp jêh ri ăn pơh nuyh kôranh ƀư brah djôt pơh mlâm nŭng ma nke hăn panăp Hip Nau Tâm Rnglăp Brah Yêhôva.”

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.

I Samuel 6:15

Phung Lêvi djôt leo Hip Nau Tâm Rnglăp Brah Yêhôva trŭnh tă bơh ndeh, nđâp ma thŭng geh lĕ ndơ nhhơr ma mah. Khân păng dơm lĕ rngôch ndơ nây ta klơ lŭ toyh. Tâm nar nây, phung Bet-Sêmes nhhơr lĕ ndơ ƀư brah gŭch jêh ri lĕ ndơ nhhơr êng ma Brah Yêhôva.