Yôsuê 3:16 - Nau Brah Ndu Ngơi 2023

¹⁶ pôri dak bơh tu nsrŭng hoch, nsŭn du ntŭk, ngai tât ta ƀon Ađam, ƀon nây gŭ dăch ƀon Sarêthan; bi dak hoch mpeh ma dak mƀŭt Arabah, jêng Dak Mƀŭt Khĭt, nking lĕ ro, jêh ri phung ƀon lan rgăn dak krong, ta ntŭk tâm tham đah ƀon Yêrikô.

Yôsuê 3:16 Iomraidhean Croise

Nau Ntơm 14:3

Prăm hađăch lĕ nkoch jêh khân păng rgum băl ta rlŭng Siđim, jêng Dak Mƀŭt Khĭt.

I Phung Hađăch 4:12

Y-Bana, kon bu klâu Y-Ahilut, chiă uănh tâm n'gor Tanak, Mêgidô, jêh ri lĕ n'gor Bet-Sêan, n'gor dăch Sarêthan, mpeh tâm dâng Jesrêel, ntơm bơh Bet-Sêan tât ma Abel-Mêhôla jêh ri tât ma mpeh kơh tê̆ ƀon Jôkmêam;

I Phung Hađăch 7:46

Hađăch ăn păng tŏ lĕ rngôch ndơ aơ ta neh lâng Yurdan, ta du ntŭk geh âk neh uk, vah vang Sukôt jêh ri Sarêthan.

Nau Mprơ Ơm 114:3

Dak Mƀŭt saơ nau nây jêh ri nchuăt du; Dak krong Yurdan hoch rlơ̆;

Nau Mprơ Ơm 114:5

Ơ dak rlai, mâm ƀư may nchuăt du? Ơ dak krong Yurdan, mâm ƀư may hoch rlơ̆?

Nau Mprơ Ơm 29:10

Brah Yêhôva gŭ ta klơ dak lip; Di yơh, Brah Yêhôva gŭ ta klơ sưng hađăch tât n'ho ro.

Nau Mprơ Ơm 33:7

Păng rgum lĕ rngôch dak mƀŭt jêng mbŭch, Jêh ri prăp dak jru nsŭn du ntŭk jay.

Nau Mprơ Ơm 66:6

Păng tâm rgâl dak rlai jêng neh sơh; Bu hăn jâng rgăn dak krong, Ta ntŭk nây hên răm maak tâm May.

Nau Mprơ Ơm 74:15

May ăn n'hor dak jêh ri tu dak luh dak, Jêh ri ƀư ma lĕ dak krong toyh mra suăt sơh.

Nau Mprơ Ơm 77:19

Trong May gŭ tâm dak mƀŭt, Lĕ trong May gŭ tâm dak jru, Bi ma têl jâng May bu mâu dơi saơ ôh.

Nau Mprơ Ơm 78:13

Păng rnglah dak mƀŭt jêh ri ăn khân păng hăn rgăn ta nây, Ăn dak gŭ nâm bu mpir.

Nau Ngluh Êjipt 14:21

Y-Môis yơr ti ta klơ dak mƀŭt; tâm măng nây, Brah Yêhôva ƀư ăn sial tă bơh lơ khôm dăng ngăn gay ma nsŭn dak mƀŭt. Brah Ndu ƀư ma dak tâm nkhah bar ding, dak mƀŭt jêng neh sơh.

Nau Ngluh Êjipt 14:22

Phung ƀon lan Israel hăn klơ neh sơh gay rgăn dak mƀŭt; bi dak jêng nâm bu pêr pa ma jêh ri pa chiau khân păng.

Nau Ngluh Êjipt 14:29

Bi phung ƀon lan Israel rgăn dak mƀŭt nâm bu hăn ta neh sơh, dak jêng pêr pa ma jêh ri pa chiau khân păng.

Nau Ngluh Êjipt 15:8

N'hâm nsôr tă bơh trôm muh May ƀư rgum dak, Dĭng lĕ n'hong dak rŭn n'hao ndâk nâm bu pêr; Dak jru jêng dăng tâm dâng dak mƀŭt.

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsêkiêl 47:8

Păng lah ma gâp: “N'hong dak aơ hoch tât mpeh luh nar jŭr ntŭk neh lâng jêh ri hoch rlet dak mƀŭt, jêh ri tơlah hŏ hoch jêh rlet ma dak mƀŭt pôri dak mƀŭt ri rgâl jêng rsang.

Nahum 1:4

Păng nduyh dak mƀŭt jêh ri ăn păng suăt ro, Păng ƀư ăn suăt lĕ rngôch dak krong. Bri Basan jêh ri yôk Karmel kro nhop da dê, Kao bri Liban mra nhop tâm ban lĕ.

Habakuk 3:8

Ơ Brah Yêhôva, di lĕ May ji nuih đah lĕ dak krong? Di lĕ nau May ji nuih tâm rdâng đah lĕ dak n'hor? Geh lĕ nau May hao nuih tâm rdâng đah dak mƀŭt, Lah May ncho seh ndrel ndeh seh gay tâm rklaih lĕ?

Nau Kơp Bunuyh 34:3

Mpeh rđŭng, n'gor nây mra ntơm bơh bri rdah Sin njŏ tĭng n'har n'gor Êđôm. Kơt nĕ, n'har mpeh rđŭng khân may mra ntơm bơh bôl Dak Mƀŭt Khĭt, mpeh luh nar.

Nau Vay Nkah Tay 1:1

Aơ jêng lĕ nau ngơi Y-Môis lah đah lĕ rngôch phung ƀon lan Israel tâm bri rdah mpeh luh nar đah ri dak krong Yurdan, jêng ta neh lâng klơ dor tâm tra đah Supha, vah vang Paran jêh ri Tôphel, Laban, Hasêrôt jêh ri Disahap.

Nau Vay Nkah Tay 3:17

Ta mpeh nhâp nar, nkual neh pe ndŭl mpôl jong ngăn kŏ tât ta n'gor neh lâng klơ dor Arabah, sŏk dak krong Yurdan jêng n'har, bơh nglao Galilê tât ta dak mƀŭt Arabah, jêng Dak Mƀŭt Khĭt tâm dâng jâng yôk Pisga mpeh luh nar.

Yôsuê 12:3

Hađăch nây chiă uănh đŏng bri neh lâng tât ma dak mƀŭt Chinêrôt mpeh luh nar, tât ma dak mƀŭt neh lâng, jêng Dak Mƀŭt Khĭt, mpeh ma Bet-Jêsimôt, ta mpeh rđŭng pa dâng ta jâng yôk Pisga.

Yôsuê 15:2

N'har mpeh pa dâng khân păng ntơm bơh Dak Mƀŭt Boh, jêng bơh nkuĭl dak mƀŭt rle mpeh pa dâng;

Yôsuê 16:7

jêh nây bơh Janôa, păng hăn trŭnh tât ma Atarôt jêh ri Naara, tât ma Yêrikô, jêh ri dŭt lôch ta dak krong Yurdan.

Yôsuê 3:13

Tơlah phung kôranh ƀư brah tung Hip Nau Tâm Rnglăp Brah Yêhôva, jêng Kôranh Brah ma lĕ neh ntu, lah jâng khân păng jot tâm dak krong Yurdan, dak krong mâu hôm hoch ôh, jêh ri dak hoch tă bơh tu mra nsŭn ta du ntŭk.”

Yôsuê 4:22

Rnôk nây khân may mra lah ma phung kon sau khân may gĭt pô aơ: ‘Israel hŏ hăn rgăn jêh dak krong Yurdan aơ ta neh sơh,

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

Phung Kôranh Phat Dôih 7:22

Tâm nôk pe rhiăng phung uh nŭng, Brah Yêhôva ƀư ăn phung rlăng tâm lam rmlak tahan ăn đao ăp nơm tâm ntâp nkhĭt ndrăng băl păng nơm, jêh nây nchuăt du tât ta ƀon Bet-Sita, mpeh n'gor Sêrêra, kŏ tât ta n'har Abel-Mêhôla dăch Tabat.