Yôsuê 3:14 - Nau Brah Ndu Ngơi 2023

¹⁴ Lah phung ƀon trơn rmlak khân păng gay rgăn kơh ri dak krong Yurdan, phung kôranh ƀư brah tung Hip Nau Tâm Rnglăp hăn lor panăp phung ƀon lan.

Yôsuê 3:14 Iomraidhean Croise

Nau Mprơ Ơm 132:8

Ơ Brah Yêhôva, gơnh lăp ta ntŭk May rlu Ndrel Hip Nau Tâm Rnglăp bêng nau brah May!

Yêrêmi 3:16

Brah Yêhôva lah đŏng: “Dôl khân may bĭk rơ̆ jêh ri hao jêng âk tâm n'gor, nôk nây bu mâu mra ngơi tât ma Hip Nau Tâm Rnglăp Brah Yêhôva đŏng ôh! Bu mâu hôm mra mĭn mâu lah nkah kah gĭt tât, mâu hôm nhhuach mâu lah ŭch pâng du mlâm Hip êng.

Nau Vay Nkah Tay 31:26

“Sŏk hom ndrom samƀŭt nau vay aơ jêh ri dơm păng ta meng Hip Nau Tâm Rnglăp Yêhôva Brah Ndu khân may. Ndrom samƀŭt aơ gŭ ta nây mra nâm bu nau mbơh tâm rdâng đah khân may,

ហេឞ្រើ 9:4

ta nây geh nơng ƀư brah mah gay nhhơr ndơ ƀâu kah jêh ri Hip Nau Tâm Rnglăp, mblum ma mah. Tâm hip nây geh du mlâm yăng mah bu dơ mana, mâng jra luh kao Y-Arôn, jêh ri lĕ rlat lŭ bu nchih nau tâm rnglăp.

Yôsuê 24:11

Jêh khân may rgăn dak krong Yurdan, hŏ tât jêh ma ƀon Yêrikô. Phung ƀon lan Yêrikô, tâm ban ma phung Amôrit, phung Pêrisit, phung Kanaan, phung Hitit, phung Girgasit, phung Hivit, jêh ri phung Jêbusit hăn lơh khân may, jêh ri Gâp jao jêh khân păng tâm ti khân may.

Yôsuê 3:3

ntăm ma phung ƀon lan pô aơ: “Lah khân may saơ Hip Nau Tâm Rnglăp Yêhôva Brah Ndu khân may phung kôranh ƀư brah Lêvi tung hăn, ăn khân may du luh bơh ntŭk khân may jêh ri tĭng groi pakơi hip nây.

Yôsuê 3:6

Y-Yôsuê lah ma kôranh ƀư brah: “Tung hom Hip Nau Tâm Rnglăp hăn rgăn dak krong lor panăp phung ƀon lan.” Pônây khân păng tung Hip Nau Tâm Rnglăp jêh ri hăn lor panăp phung ƀon lan.

Yôsuê 6:6

Pônây Y-Yôsuê, kon bu klâu Y-Nun, kuăl phung kôranh ƀư brah jêh ri lah: “Tung hom Hip Nau Tâm Rnglăp jêh ri ăn pơh nuyh kôranh ƀư brah djôt pơh mlâm nŭng ma nke hăn panăp Hip Nau Tâm Rnglăp Brah Yêhôva.”