Yôsuê 3:13 - Nau Brah Ndu Ngơi 2023

¹³ Tơlah phung kôranh ƀư brah tung Hip Nau Tâm Rnglăp Brah Yêhôva, jêng Kôranh Brah ma lĕ neh ntu, lah jâng khân păng jot tâm dak krong Yurdan, dak krong mâu hôm hoch ôh, jêh ri dak hoch tă bơh tu mra nsŭn ta du ntŭk.”

Yôsuê 3:13 Iomraidhean Croise

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

Nau Mprơ Ơm 33:7

Păng rgum lĕ rngôch dak mƀŭt jêng mbŭch, Jêh ri prăp dak jru nsŭn du ntŭk jay.

Nau Mprơ Ơm 74:15

May ăn n'hor dak jêh ri tu dak luh dak, Jêh ri ƀư ma lĕ dak krong toyh mra suăt sơh.

Nau Mprơ Ơm 78:13

Păng rnglah dak mƀŭt jêh ri ăn khân păng hăn rgăn ta nây, Ăn dak gŭ nâm bu mpir.

Nau Ngluh Êjipt 15:8

N'hâm nsôr tă bơh trôm muh May ƀư rgum dak, Dĭng lĕ n'hong dak rŭn n'hao ndâk nâm bu pêr; Dak jru jêng dăng tâm dâng dak mƀŭt.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Habakuk 3:15

May ncho seh hăn klơ dak mƀŭt, Ta klơ dak toyh dôl luh mpŭnh.

Sakari 4:14

Tông mpăr lah: “Nây jêng bar hê bunuyh hŏ tŏ dak ngi gay ma pah kan ăn ma Kôranh Brah tâm lĕ neh ntu.”

Yôsuê 3:11

Aơ, Hip Nau Tâm Rnglăp Kôranh Brah ma lĕ neh ntu hăn lor panăp khân may, rgăn dak krong Yurdan.

Yôsuê 4:7

khân may plơ̆ lah hom pô aơ: Dak ta dak krong Yurdan suăt tăch grăl tanăp Hip Nau Tâm Rnglăp Brah Yêhôva. Lah Hip Nau Tâm Rnglăp rgăn dak krong Yurdan dak krong tâm rnglah jêh ri lĕ rplay lŭ aơ jêng ndơ ndray n'ho ro ma phung ƀon lan Israel.”