Yôsuê 3:1 - Nau Brah Ndu Ngơi 2023

¹ Tă bơh Sitim, Y-Yôsuê dâk ơm ôi, ndrel ma phung Israel hăn tât ta dak krong Yurdan, jêh ri khân păng bê̆ch măng ta nây êlor rgăn dak krong.

Yôsuê 3:1 Iomraidhean Croise

Nau Ntơm 21:14

Ang ôi taơ, Y-Abraham dâk ơm ôi, sŏk piăng let jêh ri du nông dak ăn ma H'Agar. Păng dơm lĕ ntil ndơ nây ta klơ săng nglik H'Agar, ăn kon bu klâu ma păng jêh nây đă păng hăn. H'Agar hăn du, nsong blêng tâm bri rdah Bêr-Sêba.

Nau Ntơm 22:3

Y-Abraham dâk ơm ôi, păng dăp ưn seh bri păng jêh ri leo bar oh mon kơl kan nđâp ma kon păng Y-Isăk hăn ndrel. Păng chôk long gay dŏng sŭnh gŭch ndơ ƀư brah gŭch, jêh nây dâk hăn tât ta ntŭk Brah Ndu lĕ ntĭm jêh ma păng.

Nau Mprơ Ơm 119:60

Gâp ndal, mâu mbrĕ mbrơi ôh, Gay djôt prăp lĕ nau vay May ntăm.

Yêrêmi 25:3

“Hŏ bar jât ma pe năm ntơm bơh năm rơh jât ma pe rô̆ Y-Jôsia, kon bu klâu Y-Amôn, hađăch n'gor Yuđa, tât ma nar aơ, nau Brah Yêhôva hŏ lah ma gâp, jêh ri gâp hŏ ngơi mâu rlu ma khân may, ƀiălah khân may mâu ŭch iăt ôh.

Yêrêmi 26:5

tơlah khân may mâu iăt nau phung oh mon Gâp, jêng phung nơm mbơh lor ngơi Gâp prơh hăn tât ma khân may âk tơ̆, khân may ơm mâu ŭch iăt ôh,

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Mika 6:5

Hơi phung ƀon lan Gâp, ăn kah gĭt hom nau Y-Balak, hađăch bri Môap nchră jêh, Jêh ri nau Y-Balaam, kon bu klâu Y-Bêôr plơ̆ lah ma păng. Kah gĭt hom moh nau Gâp hŏ ƀư jêh bơh Sitim tât Gilgal, Gay may gĭt nau sŏng srăng bơh Brah Yêhôva!”

Nau Kơp Bunuyh 25:1

Nôk phung ƀon lan Israel dôl gŭ ta Sitim, khân păng ntơm ƀư tih văng tĭr đah phung kon bu ur Môap.

Markôs 1:35

Tât nar ôi taơ, ƀhit rvi ang, Brah Yêsu dâk, du luh, hăn lăp tâm ntŭk bri rdah jêh ri mbơh sơm ta nây.

Yôsuê 2:1

Tă bơh Sitim, Y-Yôsuê, kon bu klâu Y-Nun, đă bar hê bunuyh hăn n'hut uănh ma nau ndâp. Păng lah: “Hăn n'hut uănh hom bri rngleh êng, jêng ƀon Yêrikô.” Pônây bar hê khân păng hăn tât ta ngih du huê bu ur văng tĭr amoh H'Rahap, jêh ri khân păng njưh ta nây.

Yôsuê 6:12

Ang ôi taơ, Y-Yôsuê kah rngăl ơm ôi jêh ri phung kôranh ƀư brah tung Hip Nau Tâm Rnglăp Brah Yêhôva.

Yôsuê 6:15

Tât nar tal pơh, khân păng kah rngăl ơm, ntơm ƀhit rvi ang, hăn ndăch văr jŭm ƀon pơh tơ̆ tâm ban ma lor. Knŏng êng nar nây khân păng hăn ndăch văr jŭm ƀon pơh tơ̆.

Yôsuê 7:16

Kah kêng ang nar pakơi, Y-Yôsuê kah rngăl ơm ôi, đă phung ƀon lan Israel văch dăch tĭng ăp ndŭl mpôl khân păng jêh ri Brah Yêhôva nchŏng ma ndŭl mpôl Yuđa.

Yôsuê 8:10

Ang ôi taơ, Y-Yôsuê kah rngăl ơm ôi, kơp phung tahan, jêh nây păng ndrel ma phung kôranh bu ranh Israel njŭn leo phung tahan hăn hao ma ƀon Ai.

Phung Kôranh Phat Dôih 20:19

Ang ôi taơ, phung ƀon lan Israel dâk hăn ƀư pôih rmlak êp Gibêa.

I Samuel 17:20

Kah ôi taơ, Y-Đavit kah rngăl ơm, jao biăp păng ma du huê rmăk gŭ chiăp, jêh nây sŏk ndơ hăn trong tĭng nâm nau Y-Yêsê ntĭnh jêh ma păng. Tơlah Y-Đavit hŏ hăn tât ta pôih tahan, dôl phung ta hăn luh dăp tahan jêh ri troh nter ma nau tâm lơh.