Yôsuê 24:8 - Nau Brah Ndu Ngơi 2023

⁸ Jêh nây, Gâp njŭn khân may mŭt ta n'gor phung Amôrit, gŭ kơh đah ri dak krong Yurdan. Khân păng tâm lơh đah khân may, jêh ri Gâp jao khân păng tâm ti khân may. Khân may pit sŏk bri khân păng ƀư drăp ndơn khân may, jêh ri Gâp ƀư rai khân păng bơh khân may.

Yôsuê 24:8 Iomraidhean Croise

Nêhêmi 9:22

Khân păng hŏ pit sŏk jêh n'gor Hêsbôn hađăch Y-Sihôn, Jêh ri n'gor Basan hađăch Y-Ôk. Kôranh Brah hŏ ăn jêh ma khân păng âk bri dak Jêh ri tâm pă lĕ bri ngai nây ăn ma khân păng.

Nau Ngluh Êjipt 23:23

Yorlah tông mpăr Gâp mra hăn panăp kon, njŭn kon mŭt tâm n'gor phung Amôrit, Hitit, Pêrisit, Kanaan, Hivit jêh ri Jêbusit; jêh ri Gâp mra ƀư rai lơi khân păng.

Amôt 2:10

Gâp hŏ ngluh jêh khân may tă bơh n'gor bri Êjipt, Jêh ri njŭn khân may gŭ tâm bri rdah puăn jât năm Gay ăn khân may sŏk pit bri phung Amôrit ƀư drăp ndơn.

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Nau Vay Nkah Tay 2:32

Y-Sihôn djôt leo lĕ rngôch bunuyh ƀon lan păng luh tâm lơh đah he ta Jahas.

Yôsuê 13:10

jêh ri lĕ rngôch ƀon Y-Sihôn, hađăch phung Amôrit, nơm chiă uănh ta Hêsbôn tât ma n'har neh phung Ammôn;