Yôsuê 24:7 - Nau Brah Ndu Ngơi 2023

⁷ Rnôk nây, tơlah phung chô yau khân păng nter dăn ma Brah Yêhôva, Gâp ăn tât nau ngo klĕng jŭr vah vang khân may đah phung Êjipt, ăn dak mƀŭt tâp brôi lĕ khân păng. Măt phung chô yau khân păng hŏ saơ jêh nau Gâp ƀư ma phung Êjipt. Jêh nau nây, khân may gŭ tâm bri rdah jŏ jêh.

Yôsuê 24:7 Iomraidhean Croise

Nau Ngluh Êjipt 14:10

Lah Pharaôn tât dăch, phung ƀon lan Israel n'gơr uănh saơ phung Êjipt dôl hăn tĭng. Khân păng klach hâu ngăn, nter lŭng ma Brah Yêhôva.

Nau Ngluh Êjipt 14:20

gŭ ta vah vang rmlak tahan phung Êjipt jêh ri rmlak tahan phung Israel. Ndâr tŭk ƀư mpeh đah aơ geh nau ngo ƀiălah mpeh đah ri dơi sol ang rĭ dĭng tâm du măng nây bar đah ding phung nây mâu dơi tâm văch dăch ôh.

Nau Ngluh Êjipt 14:31

Phung Israel saơ jêh nau kan krit ngăn Brah Yêhôva hŏ ƀư ma phung Êjipt yor ri khân păng klach yơk ma Păng, nsing rnơm ma Păng jêh ri rnơm ma Y-Môis, oh mon Păng.

Nau Vay Nkah Tay 1:46

Yor nây khân may hôm e gŭ ta Kadês âk nar, gŭ ta nây tâm jŏ nar ngăn.”

Nau Vay Nkah Tay 2:14

Nau jŏ ntơm bơh he du tă bơh Kadês Barnê tât nôk he găn dak n'hor Sêret jêng pe jât pham năm. Tâm rnôk nây, lĕ phung tahan rô̆ nây bu hŏ ƀư rai jêh bơh rmlak tahan, tĭng nâm Brah Yêhôva hŏ ton jêh ma khân păng.

Nau Vay Nkah Tay 29:2

Y-Môis kuăl rgum lĕ rngôch phung Israel jêh ri lah: “Khân may saơ jêh lĕ nau Brah Yêhôva hŏ ƀư jêh tanăp măt khân may tâm n'gor Êjipt, ma Pharaôn, ma lĕ rngôch phung oh mon păng jêh ri ma lĕ n'gor bri hađăch nây.

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

ហេឞ្រើ 3:17

Mbu nơm Brah Ndu ji nuih dôl tâm puăn jât năm? Mâu di hĕ ma phung ƀư tih jêh, jêh ri săk jăn khĭt khân păng prah jêh tâm ntŭk bri rdah?

Yôsuê 5:6

Yorlah phung ƀon lan Israel hŏ hăn tâm bri rdah puăn jât năm kŏ tât ma lĕ rngôch phung ƀon lan jêh ri lĕ phung tahan hŏ du luh bơh Êjipt khĭt ƀhiau, yorlah mâu tông bâr Brah Yêhôva. Brah Yêhôva hŏ ton ma khân păng pô aơ Păng mâu ăn ma khân păng saơ neh Brah Yêhôva hŏ ton ma chô yau khân păng mra ăn ma he, jêng neh bêng ma dak toh jêh ri dak sŭt.