Yôsuê 23:8 - Nau Brah Ndu Ngơi 2023

⁸ Ƀiălah tâm rnglăp hom đah Yêhôva Brah Ndu khân may, nâm bu khân may ƀư jêh tât ta nar aơ.

Yôsuê 23:8 Iomraidhean Croise

II Phung Hađăch 18:6

Păng kuăn nâp ngăn Brah Yêhôva, mâu du tă bơh Păng ôh, ƀiălah djôt prăp lĕ nau vay Brah Yêhôva ntăm, hŏ ntăm jêh ma Y-Môis.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 11:22

Yorlah tơlah khân may njrăng ƀư tĭng lĕ nau vay ntăm bơh gâp ntĭnh ma khân may ƀư, rŏng ma Yêhôva Brah Ndu khân may, hăn tâm trong Păng jêh ri gŭ êp tâm rnglăp đah Păng,

Nau Vay Nkah Tay 13:4

Ăn khân may hăn tĭng ndô̆ Yêhôva Brah Ndu khân may, klach yơk ma Păng, djôt prăp lĕ nau vay Păng ntăm, tông bâr tĭng nau Păng ngơi, pah kan ma Păng jêh ri gŭ tâm rnglăp đah Păng.

Nau Vay Nkah Tay 13:5

Bi nơm mbơh lor mâu lah nơm vay mbơi nây bu mra nkhĭt păng yorlah păng nsŭk jêh nau tâm rdâng đah Yêhôva Brah Ndu khân may, jêng Nơm njŭn leo jêh khân may luh bơh n'gor Êjipt, chuai khân may bơh vâl dĭk. Păng ƀư ma khân may chalơi trong Yêhôva Brah Ndu khân may hŏ ntĭnh jêh ăn khân may hăn. Pônây ăn khân may ƀư kloh nau djơh mhĭk bơh tâm nklang khân may.

Nau Vay Nkah Tay 4:4

Ƀiălah khân may jêng phung gŭ răp jăp đah Yêhôva Brah Ndu khân may, ăt hôm e rêh kŏ tât ta nar aơ.

Nau Vay Nkah Tay 8:20

Khân may mra rai lôch nâm bu phung mpôl băl Brah Yêhôva ƀư rai lơi tanăp măt khân may, yorlah khân may mâu ŭch tông bâr Yêhôva Brah Ndu khân may.”

Yôsuê 22:5

Ƀiălah njrăng hom ƀư tĭng nau vay ntăm jêh ri nau vay bơh Y-Môis, oh mon Brah Yêhôva ntăm jêh ma khân may, gay ăn khân may yơk rŏng ma Yêhôva Brah Ndu khân may, hăn tâm trong Păng, djôt prăp lĕ nau vay Păng ntăm, tâm rnglăp đah Păng, jêh ri pah kan ma Păng ma lĕ nuih n'hâm jêh ri ma lĕ huêng khân may.”

Yôsuê 23:7

Lơi tâm rlŭk ôh đah phung ndŭl mpôl hôm e ta nklang khân may, lơi ta kuăl amoh phung brah khân păng mâu lah sŏk amoh phung brah gay ton săk, jêh ri lơi pah kan mâu lah chon mon mbah panăp phung brah khân păng.

Yôsuê 23:9

Yorlah Brah Yêhôva mprơh jêh bơh khân may phung ndŭl mpôl bunuyh toyh jêh ri dăng ktang, jêh ri tât ta nar aơ, mâu geh ôh du huê dơi tâm rdâng đah khân may.