Yôsuê 23:7 - Nau Brah Ndu Ngơi 2023

⁷ Lơi tâm rlŭk ôh đah phung ndŭl mpôl hôm e ta nklang khân may, lơi ta kuăl amoh phung brah khân păng mâu lah sŏk amoh phung brah gay ton săk, jêh ri lơi pah kan mâu lah chon mon mbah panăp phung brah khân păng.

Yôsuê 23:7 Iomraidhean Croise

II Phung Hađăch 17:12

Khân păng yơk mbah ma phung rup brah, ma nau nây Brah Yêhôva hŏ ntăm jêh ma khân păng: “Khân may mâu dơi yơk mbah nau aơ.”

II Phung Hađăch 5:18

Ƀiălah dăn ma Brah Yêhôva yô̆ an ma oh mon may nau aơ: Ăp tơ̆ kôranh gâp lăp tâm ngih brah Rimôn gay yơk mbah ta nây, nsing ndăl ma ti gâp, pôri gâp ăt chon kômâk tâm ngih brah Rimôn. Pônây, dăn ma Brah Yêhôva yô̆ an nau nây ma oh mon may.”

II Nau Rêh Jêng 7:19

Ƀiălah tơlah khân may teng trong êng jêh ri chalơi lĕ nau vay dăp jêh ri lĕ nau vay ntăm bơh Gâp hŏ n'gân jêh panăp khân may, hăn tĭng phung brah êng jêh ri yơk mbah ma khân păng,

Nau Mprơ Ơm 16:4

Ndrel ma phung hăn tĭng lĕ brah phung bu năch, ƀư ntop nau rngot êng ma khân păng nơm. Gâp mâu mra dŏng mham ƀư ndơ nhhơr nhêt ma khân păng, Mâu ngơi lĕ amoh khân păng ma bâr mbung gâp.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 23:13

Ăn may blau njrăng lĕ nau Gâp lah jêh ma may. Mâu dơi nkah tay ôh tât amoh phung brah êng, mâu đŏng ăn bu tăng nau nây tă bơh trôm mbung may lah amoh phung brah nây.”

Nau Ngluh Êjipt 23:33

Khân păng mâu mra gŭ ôh tâm n'gor kon, klach lah khân păng nsŭk kon ƀư tih đah Gâp yor pah kan ma phung brah khân păng; nau nây n'hêl nê̆ mra jêng dăk sân ma kon.”

Nau Hôr 4:14

Lơi ta lăp tâm trong phung ƀai, Lơi ta hăn tĭng trong phung mhĭk.

Yêrêmi 12:16

Tơlah khân păng gơih nti trong ƀon lan Gâp, ton tâm amoh Gâp pô aơ: ‘Ngăn yơh Brah Yêhôva gŭ rêh mro mrăng!’ — nâm bu phung khân păng hŏ nti ăn ma ƀon lan Gâp ton tanăp brah Baal — pôri nôk nây khân păng mra dơi nâp ta nklang phung ƀon lan Gâp.

Yêrêmi 5:7

“Mâm ƀư Gâp dơi yô̆ an ma may? Lĕ phung kon bu klâu may hŏ chalơi Gâp, Tâm amoh lĕ brah mâu di jêng brah ton ôh. Gâp hŏ mât khân păng hơm mpay, Khân păng ăt ƀư tih văng tĭr, Rgum mbŭch tâm ngih bu ur văng tir.

Ndrom Samƀŭt bơh Ôsê 2:17

Yorlah Gâp mra ăn păng hă trôm mbung kuăl phung brah Baal, Jêh ri bu mâu mra hôm nkah tât đŏng ôh amoh khân păng.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Nau Kơp Bunuyh 32:38

Nêbô, jêh ri Baal-Mêon (amoh lĕ ƀon aơ hŏ rgâl) jêh ri Sipma. Khân păng ăn amoh êng ma lĕ rngôch ƀon khân păng ndâk jêh.

Nau Kơp Bunuyh 33:55

Ƀiălah tơlah khân may mâu mprơh ôh phung ƀon lan tơm bri hăn luh, pônây lĕ rngôch phung ƀon lan khân may hôm e om mra jêng nâm lok tâm măt khân may jêh ri nâm lok ta pŭng khân may. Khân păng mra ƀư rkhŭk khân may tâm n'gor khân may mra gŭ.

I Kôrintô 15:33

Lơi ăn bu ndơm khân may nơm: “Mĭt jiăng mhĭk ƀư rai nau knuih ueh.”

Êphêsô 5:11

Lơi pah ndrel ôh lĕ nau kan mâu khlay bơh nau ngo; ueh lơn, ăn khân may nduyh khân păng;

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 6:13

May klach yơk hom ma Yêhôva Brah Ndu may, pah kan ma Păng jêh ri ton ma amoh Păng.

Nau Vay Nkah Tay 6:14

Mâu dơi tĭng phung brah êng ôh, nđâp lah du brah tâm phung brah lĕ phung ƀon lan gŭ jŭm khân may,

Yôsuê 23:12

Tơlah khân may plơ̆ nuih n'hâm jêh ri tâm rnglăp đah phung ndŭl mpôl êng hôm gŭ ta nklang khân may jêh ri khân may tâm gŭ ur sai đah phung nây, mâu lah tâm rnglăp ndrel ma khân păng,

Yôsuê 23:8

Ƀiălah tâm rnglăp hom đah Yêhôva Brah Ndu khân may, nâm bu khân may ƀư jêh tât ta nar aơ.